Ka Lanakila, Volume I, Number 2, 8 July 1909 — KE KUPANAHA O NA LEO KUPINAI. [ARTICLE]

KE KUPANAHA O NA LEO KUPINAI.

O na leo kupinai mai ka uwapo huki mai e moe 'la maluna o ke kowa o Menai, Wale, oia kekahi o na mea kupanaha loa i hoopohihihi mai i ka noonoo o na kanaka. O ke kani o kekahi hamare i hiliia aku i kekahi o na ku i hoopaaia ai o ua uwapo 'la, e hoi alapine mai ana ia mai na kaola mai e moe ana mahma o ua ku 'la, a mai kela ame keia pou mai a hiki aku i ka pou hope loa nona ka mamao o elima haneri ame kanahikukumamaono kapuai, a iloko no oia wa hookahi no, he iwakalua-kumamawalu manawa e loheia ai o ke o leo kupinai iloko o elima wale no sekona mai ka iliwai ae Ma Suseka (Sussex) Enelani, a ma kahi kokoke loa i ka Luakini Sipila, e loheia no ka leo kupinai no iwakalua manawa no ka huaolelo hookahi wale no a kekahi i kamailio ai A pela no Loi ke hoalaia ke kupinai ma Wudekoka (Woodstock) e loheia no aole e emi iho malalo o kanalima manawa no kau kamailio hookahi ana. 0 ka pohaku leo-iki ma ka Holo o na kii kalaiia (Statuary Hall) ma Wakinetona, oia kekahi mea i loaa o keia kupinai kamahao. I ka wa a kekahi e leo-

iki a e hawanawa aku ai i keia pohaku, e lohe no auanei oia i ke kupinai o kona leo me ka nui moakaka mai kekahi paia mai o ua Holo 'la.

O ka leo kupinai iloko o ke kakela o Simoneta (Simonett) he elua mile ka mamao mai Milana aku, e hoi alapine mai ana ia leo no aneane e kanawalu manawa, a pela pu no hoi ma ka luakini o Saneta Alahane (St. Albany) o ke tiki-tiki o ka uwati pakeke, e loheia ana no ia mai kekahi paia, a kekahi paia 6 ka luakini.

Maloko o ka luakini o Giregeni, (GirSicile, o ka hawanawana liilii loa, e lohe moakaka loaia ana ia mai ka puka komo aku ma ke komohana a hiki aku i kahi noho o na kahunapule mahope aku o ka awai nona ka mamao o elua haneri ame kanalima kapuai. Ma kekahi wa maloko o keia luakini i ka wa a ka mea e penikenia ana imua o ke kahunapule, ua lohe moakaka loaia kona mau hewa e ka poe apau e noho ana maloko o ka luakini, a no ia kumu ua hooneeia aku ka malamaia ana oia hana ma kekahi wahi okoa aku o ka luakini.

Aia maloko o ka Halealii Manaferoni (Manfroni) ma Vinice kekahi rumi huinahalike, a nona hoi ke kiekie mai ka papahele ae he iwakaluakumamalima kapuai. I ka wa a kekahi e ku ai ma waenakonu o ua rumi la me ka hehi malie loa ana, e lohe ana oia i ka leo kupinai o kona hehi ana mailuna iho; a e like me ka loihi o kona ku ana ma ua wahi la, pela no ka loihi o kona lohe ana ia leo, aka, ma ka wa ana e nee aku ai he wahi okoa aku mai kahi ana i ku ai, e nalo aku no auanei kona lohe ana i ua leo 'la. O kekahi o na lokowai o Onetario, Kanaela, a i kapaia ka Lokowai Hakahaka, oia kekahi o na lokowai kupanaha loa Ma kekahi mau la o ka makahiki, i ka wa au e hili ai i kau hoe i ka waapa, e loho koke no auanei oe i Ke kani kupinai i like aku ka nui me he 'la o na aumoku kaua apau o Amenka e hooilikaua ana ma kahi he hapalua mile wale no ka mamao mai kahi aku au e lana ana ❖ ❖ ♦> He 17,177,986 paona niu malop i komo aku iloko o Amerika Huipuia ma ka makahiki i hala aku nei. Nui no ka ono niu o na ilikeokeo. Wahi a kekahi o na kauka naauao ma ka nana holoholona ana ua olelo ae oia. ka mau o ka wili ana o "ka huelo o ka puaa he hoike ia no ke ola maikai; a ina ua mohala ka wili a pololei, he mea pono ka hoohainu laau aku Me ke castor oil.