Ka Lanakila, Volume I, Number 4, 22 July 1909 — KE KI O KA IKE AME KA IPUKA O KA NAAUAO [ARTICLE]

KE KI O KA IKE AME KA IPUKA O KA NAAUAO

(Hoomauia) Ina i hooliloia kekahi hopuna-olelo okoa i hope-haina no kekahi hopuna-olelo, aole e hookomoia ke koma mawaena o laua, ina aole i loihi ka hopuna-olelo hui, penei: "Ke ike nei au ua pomaikai oia." Ina e waihoia ka olelo e huipu ai iwaena o na liopuna-olelo hui, e hookomoia ke koma mā kona wahi; penei: Ua hiki iho nei au, ua ike au, ua lanakila au. NO KE KOLONA. E hookomoia ke kolona ma kahi i makemakeia ke kiko mahuahua iki ae, aole nae he pono ke kiko-kahi. Ina i maopopo ka manao i haiia, aka, ua makemake ka mea e kakau ana e hoopili mai i kekahi mea e maloko oia hopuna-olelo, alaila, ua kauia ke kolona; penei: "Ua mao popo loa ma ka noonoo maikai ana, he mea pono ka mohai kala-hala no kakou; a o ka ke Akua olelo ka mea nana i hai mai no ia mea." I kekahi manawa ua kauia ke kolona, ina ua haiia ke ano nui o kekahi mau olelo a mau rula paha, a mahope ua hai maopopoia ke ano maoli oia mau rula a olelo paha. Penei: Eia ka haiolelo a Peter Noah Kahokuoluna: "E na hoaloha o'u, &c." a penei: "Eia na rula iio ka noho ana: 1. E malama mau i ka hana, &c." Eia hoi, ina i kuhikuhiia ka mokuna ame ka pauku, maloko o ka ke Akua olelo, ua hoakakaia ka mokuna ma ke kau ana i ke kolona mahope; penei: Mai 5:6, oia no o Mataio, mokuna elima, pauku eono. NO KE KIKO-KOMA. Ina aole i pau ka manao i haiia maloko o ka hopuna-olelo, a o ka hopunaolelo hui paha, he pono ke hookonlo ke kiko hoomaha i hoomahuahua ikiia, ua hookomoia ke klko-kama; penei: "He momi nui ka naauao no ila kaiikka opiopio; a ua manaoia, he hoailonaia no ka hoomaka ana o ka ike." NO KE KIKO-KAHI. Ina i pau kekahi hopuna-olelo i ka haiia, a aole i hoohuiia kona ano me kekahi hopuna-olelo e, alaila, e kauia ke kiko-kahi, penei: "E maka'u aku ike Akua. E hoonani ike Alii." Eia hou ina i kakau hapaia kekahi huaolelo, a kauia paha ka hua mua wale no, no ka maopopo loa o ke ano o ua huaolelo 'la, alaila, e hoopiliia ke kiko-kahi i ua hua 'la; penei: "Ua holo. makou maluna o ka S. S. Kinau." "Ua kamaaina au ia ,Rev. Mr. Sam Kapu." (Aole i pau.)