Ka Lanakila, Volume I, Number 4, 22 July 1909 — KA WAIHONA AILA PONI [ARTICLE]

KA WAIHONA AILA PONI

Ma ke kahakai one ua loaa iho la i kekahi wahi keiki he pohaku niakamae kumukuai nui, .ame na iliili e olokaaia ana e ke kai ua lawe a hoihoi aku la oia i keia mau mea i mau mea paani nana ma ka home. "E haawi mai i kela pohaku ia'u." wahi a ka makuakane o ua keiki 'la i kona ike ana mai i kana keiki e hoolilo ana i keia waiwai makaniao i mea paani nana. Ua haawi mai la ua keiki 'la elike me ke noi a kona makuakane, ame ka mino-aka ma kona mau papalina, ua kamailio wale iho la no oia iāia iho, "Heaha la ka kuu papa maikai e hana ai me kela pohaku?" Ua lawe aku ka makuakane i ua pohaku 'la, a ma o kona ike a makaukau ma ka hana i na pohaku piakamae, ua hana iho la oia; a hala he mau la, ua lilo ae la ua pohaku 'la i pohaku daimana e alohi ana. "E kuu keiki aloha," wahi a ka makuakane, 4< eia ka pohaku au i haawi mai ai ia'u." Ua kahahaia ke keiki no ka nani a maikai o ua pohaku 'la. (, Ua ike au i ka mana ame ka waiwai o keia pohaku i hunaia e kona waihooluu mua." I ka nui ana o ua keiki 'la, ua haawi aku kona makuakane iaia i ua pohaku daimana 'la, he hoomanao no ka waiwai o keia ola ana o kana keiki, a wahi ana, "E like me ka nani o keia pohaku daimaiia a pela hoi me kona anapa ana, pela auanei oe e lilo aku- ai i pohaku makamae e no kou pono, ka pono o kou hoakanaka, kou aina ame kou Akua. "I ka manawa hea la hoi e lilo ai ke aloha i mea maikai?" "Ka! Olelo mai na kamalii hele auwana o ka po, i ka wa ka e aneane ai e uwe iho, elike me na hua piipalua ma ke mele: Hiki mai ke aloha kupouli. Aneane no au e uwe iho i keia mea maikai he aloha." "Pehea oe ana kela mea ana oe ana paa ana lima ana?" wahi a ke keiki o Norewai i ko Hawaii keiki. "He-i ana," wahi a ko Hawaii Imi Loa Eueu. "Pehea oe ana kela oe ana ai ana?" wahi hou a ke keiki o ka aina hau anuanu. "He papaia ana wau ana ai ana," wahi hou a ua keiki 'la o ka aina. "Pehea oe ana kela oe ana moni ana?" wahi a ko Norewai keiki. "Mikana ana wau ana moni ana." "Ia wai ana o«o ana? He-i ana? Papaia ana? Mikana ana?" He-i wau paa ana, aole ono ana. Papaia ana wau ana ai ana, ole ono ana. Mikana wau moni ana, ono ana. Mikana ono ana, oe lawe ana. Makana wau ana he-i ana huipu papaia ana. Kupaianaha ka ike kakaoielo o keia Norewai.