Ka Lanakila, Volume I, Number 4, 22 July 1909 — KA WEHEWEHE MOEUHANE [ARTICLE]

KA WEHEWEHE MOEUHANE

PILIKUA. Ina ua loaa ia oe ma kau moeuhane ua ike aku oe i kekahi pilikua me hookahi wale no maka, he hooiaio ia no kou halawai aku me kekahi puu nui o ka waiwai, a he holomua oi aku hoi no kau hana. POO. O kou ike ana aku i kekahi pookanaka, a i ole, ua ike iho paha oe ua kaawale kou poo mai kou kino aku, he hoailona kiekie loa ia no na pomaikai e halawai mai ana me oe; he nui ka hana, ke dala, a he maikai pu no kou ola kino no ka manawa lōihi. Aka, ina ua paapu kou poo me ka opala, alaila, he poino no ka mea e halawai mai ana me oe. HONI. He lehulehu loa na kulana e pili ana i keia mea o ke honi ana ma ka moeuhane; a o keia mau hoakaka ana a maa mau i ko Hinedu: O ka honi ana i kekahi me ka nooneo hoohihi ole iloko ou, e lilo ana ua mea 'la au i honi ai i makamaka a hoaloha maikai nou; a ina hoi ma ka wa o kou honi ana aku iaia ua piha loko ke paila nei, he hoike ana ia o kona lilo ana i mea hoouluhua iho no ia oe iho. Ina ma ka ai kou honi ana aku, alaila, e halawai ana ka mea au i honi aku ai me kekahi pomaikai nui, Ina hoi ma ka poohiwi o kahi mea kou honi ana aku, alaila, e lilo ana oe i mea kau nuiia e ka noonoo o kekahi mea o ka aoao palupalu. A ina ua honi aku oe i kekahi mea ua make mua, a ua ola mai nae oia ma keia wa o kou honi ana i ka uhane; he hoike ana mai ia aia ka ohana o ua mea 'la ke kali mai la nou me kekahi uku makana a pomaikai nui. Ma ko na lahui o Peresia ame ko Aigupita he okoa no, a eia hoi ka lakou: "Ina ua honi aku oe i kekahi mea ma ka moeuhane, a he enemi nae ia nou, alaila, e oi loa aku ana ka wela o ka inaina mawaena o olua. Ina hoi o kau mea i honi aku ai aole ia he enemi nou, alaila, e hiki mai no ka manawa e hoike mai ai oia i kekahi mea huna ia oe. O kou honi ana i kekahi mea make mua, he hoike hala ole ia no ke kaumaha nui e ili mai ana maluna ou. ALAPII. O ka haawina pii alanui pii, he hoike ana mai ia i ka holomua o kau mea i manao ai e hana, aka, e halawai

ana no nae me ke apuepue. O kou ike ana ia oe iho e iho ana i lalo o ke alanui pii, he hoailona ia e hoike mai ana i ka poino e hahai ana ma kau hana. IPUKUKUI HELĒ PO. O kou ike ana i kekahi ipukukui helepo e a ana, e loaa no auanei ka pomaikai au i kuko nui ai. LIONA WAHINE. O ka liona wahine ma ka moeuhane, he halihali aua mai ia ika pomaikai iloko o ka maluhia. Oka leo kuo o ka liona kane, he poino aia ma kou ipuka. PALAU. O kou ike ana, a i ole, o kou paa ana paha i ka o-o palau he hoike ana mai ia i ka nui o na pomaikai e halihaliia mai ana ia oe. KAA AHI. O kou kau ana iluna o ke kaa-ahi a ua holo hoi, ma keia ke hoike e mai nei ka moeuhane i kou hele aku ma kekahi huakai loihi. UA. O ka ua nui ma ka moeuhane, ua piii ia i ka huanui o kau mau hana apau; a he moe maikai hoi ina oe lie kanaka mahiai a lawaia, aka, ina ua ukali puia e ka niakani, ka hekili ame ka uwila, alaila, e lilo ana ka poniaikai i mea ino. LAIKI. Ina ua loaa ia oe ka haawina moeuhane e ai ana oe i ka laiki. Ina hoi e nana ana oe i ka ai laiki ana mai a kekahi, alaila, e lilo aku ana oe i mea hilinai aku i na kokua ana mai a kekahi. moeuhane, he mea ino a maikai ole o ka hopena, aka, ina e pii ana oe maluna o kekahi puu pohaku, alaila, e pii aku ana no oe ma na mea e pomaikai ai ka noho ana. LUPE. O ka moeuhane ua ike aku oe i kekahi lupe e lele ana i ka lewa, i ka poiuiu lani, i ke ao polohiwa, i ke ao panopano, i ke ao naulu, he hoike hiki mua ia no kou komo aku ma kekahi hoopii kanawai ana. PUEO. O kou ike ana ma ka moeuhane i ka Pueo Nui o Kona, he hoailona ia no ka manao kaumaha ame ka luuluu e kau mai ana maluna 011. PEPA. Oka pepa keokeo ma ka moeuhane, he lioailona pomaikai ke kali nei nou. O na pepa no lakou na waihooluu e ae, he telegarapa uwea oleia e hai mua ana eia he enemi ke hoohalua nei nou. UWE ANA. O kou uwe ana ma ka moeuhane, he hai mua ana ia oe, eia aku na pomEwikai he nui he kee mai la e halawai pu me oe. ❖ ❖ ❖ PEKINA, Kina, lulai 15. —He kuahau 19 Aupuni ka i hoopukaia i keia la e hoolilo ana i ka Emepera i Aliikoa Kiekie a Aiihikaua hoi no ka mana kaua aina ame Emepera ia kuiana i ka Mea Kiekie ke Keikialii Iu Lahg. KOROMERA, Enelani, lulai 16. — Ua piholoia kekahi o na mokukaualuu q Enelani i keia la.