Ka Lanakila, Volume I, Number 5, 29 July 1909 — HE MANAO HOOMAIKAI AKU. [ARTICLE]

HE MANAO HOOMAIKAI AKU.

Ua hoea mai imua o makon kekahi mau makaiuaka a hoike mai i ko lakou hoomaikai palena olē ī na hoa 0 kela Komile e pili ana i na poe ma'i ole i hookuu ia mai Kalawao, Molokai mai, oia hoi na poe i nanaia e na kauka o ka Papa Ola ame Kauka La (Dr. o'Day), a ikeia aohe ma ? i lepera maluna o ko lakou mau kino 1 kekahi manawa i hala ae nei. 0 keia Komite Ola, oia o Palakiko Hawe, John Kamanoulu ame na hoa e ae o na Hale elua i huiia o ka Ahaolelo i hala. Ma ko makou ninaninau pono ana i ke kumu o neia mau manao mahalo a na makamaka i hoopilikia wale ia, ua loaa ia makou na hooia maopopo e hiki ai ke haawi ia na mahalo kiekie ana* ia Kauka La, a oiai mamuli o kana mau hoakaka naauao ana a ku i ka pololei i loaa ai ka lanakila i keia poe i hooln '<* pnpnahulu ia aku no kela luapa'u kanu ola ma Molokai. He mau makahiki loihi ka noho ana o keia poe ma ke Kahua Ma'i Lepera, e huikau pua.ana me na poe ma'i e ae, ai pu a moe pu, a ua pau hoi ka manaolana no ka ike hou ana i na maka aloha o ko lakou mau ohana pakahi ame ko lakou mau one-hanau nana- lakou i haakohi mai i keia ao malamalama. Aka, ma ka wa nae a kela Komite Ola i hoea ai no Molokai, a malalo hoi o ka n l ana a wae ana a Kauka La ua laweia inai la keia poe no ke kahua hoomalu o Kalihi, a malaila lakou i nana hou ia ai a h&i i ka hookūu loa ia ana ma ke ano he poe ma'i ole. "Ua ike maopopo no o Kauka La, e like no lioi me na moolelo i hoike ia aku iaia, ua loilii ka noho huikau pu ana o keia poe me na poe ma'i ]epera e ae, aole nae he mau loli hou ana maluna o ko lakou mau kino i ike ia, koe wale no na alina kahiko e laa ka maka paa a nukee o na waha mamuli o na ulia poino, ka pepee i hanau pu ia mai i ka wa liilii mailoko mai o ka opu o ka makuahine, a pela wale aku. lie nui wale na manawa a na nupepa i paio ikaika *ai no ka hookauhihi wale ia o keia poe ma ke ano ma'i lepera, aole nae he hoolohe ia mai, aka, ia Kauka La nae, akahi no a ike pono ia keia mau hana kapulu. lle alahele maikai loa keia a ko kakou Ahaolelo i hana ai, a oia ka puulionua e loāa ai ka maha i na poe i hoopilikia ia o keia ano, a ke manao nei no hoi makou he keehina hana maikai loa

keia na ka Papa Ola e lawelawe aku ai ma keia hope 110 ka hoopakele ana i na hoa kanaka iloko o 'ka pilikia ma ke ano hoohuoi wale. 0 kekahi o na mea ano nui a Kauka La i hoike ae ai, oia ka hiki ole e hooia i ka loaa ana o kekahi kanaka i ka ma'i lepera mamuli ona anoano iloilo mal Ile nui na anoano iloilo ma'i i kulike kahi- ame kahi. 0 kekahi poe ua loaa i na ma'i fxva ikaika loa, aole nae i make, mamuli keia o ka ikaika o na mea paahana o k° lakou mau kino; a o kekahi poe nae, he lahilahi wale no ka hekau ana o ka fiva, a o ka make iho la no ia, mamuli o ka nawaliwali o kō lakou mau kino ame na mea paahana. Pela no me na poe i komo ia ko lakou mau kino e na iloilo lepera, ua loaa kekahi poe, a o kekahi poe, a!sle. Ua noho huikau pu kekahi P°e me na ma'i lepera no ka wa loihi, aole nae he ikeia ona ouli o <fca ma } i lepera maluna o lakou, ma muli keia o ka ikaika o na mea paahana o ko lakou mau kino i ke pa]e ana aku i keia mau haawina pohihihi. Ma kahi nae o ka mahalo, ke haawi nei makou i na mahalo kiekie ana i na hoa o kela Komite ame ko kakou Ahaolelo, a pela no hoi ia Kauka La ame na Kauka Papa Ola mamuli o ko lakou hooikaika ana e hookuu loa ia keia poe mai ka hoopaa wale ia ana ma Molokai. A maluna ae o na mea apau ke kau aku nei na hoomanao poina ole maluna o ka Mea Hanohano Have (Palakiko) ka makua o ka Olelo Hooholo no ka hooleuu ānā" mai i kela poe i haiia maluna. Ola ka lahui i ke Kama.