Ka Lanakila, Volume I, Number 7, 26 August 1909 — E Liuliu a e Makaukau. [ARTICLE]

E Liuliu a e Makaukau.

Oiai ma ke Kau Ahaolelo i hala aku nei, ua hooholo a amanaia ka hooliloia ana aku mai ka waihona aku o ka lehulehu o keia Teritori, he huina dala a puu nui mahuahua„o umikumamalima tausani no na hoolilo o ka holo ana maia luakahaiho ma na kaiaulu o Hawaii nei, o na senakoa ame na lunamakaainana, ka puulu hoi o na loea kakaolelo kau kanawai o ka Aina Makua; a oiai o lakou nei na aipuupuu no ka mahelehele ana a ka'ipau hoi i ko kakou mau pono elike me .ke kupono a lakou i ike ai, nolaila ke kauleo aku nei Ka Lanakila i kela ame keia hookele waa o na kai kuloko o kakou nei e liuliu a e hoomakaukau; e hoomakaukau ka waa nui, e hoopakaukau ka waa iki, e liuliu ka waa loa, e liuliu ka waa poko, epahonohono na pukapuka liu, e hoolako i ka hoe, e hoolako i ke ka-liu, a e hoolako no i na pono apau o ka holo moana ana, a ike ua makaukau, alaila, kali aku o ka hoea mai o na malihini kiekie a kakou, a oiai ua oili ae ma na wahaolelo kuloko namu maoli o kakou nei ka papa hoonohonoho hana no ka hookipa ana oiai lakou me kakou; a ia lakou malihini e alōaloia ana ma na kai o kakou nei no kela ame keia mokupuni pakahi o ko kakou pae-moku nei, alaila, aole kia. hemahema i koe ma ko kakou aoao; a o ka kakou wale no o ka aloalo pu aku me lakou, e kuhikuhi ana ia lakou i ke ano oia mea he taro ame kona lau, ka ulu amē kona lau, ka uhi a me kona lau, ka pala ame kona lau atne na men hua o Hawaii kahiko; oiai no nae hoi, e loaa pu ana no ia lakou na kuhikuhi ana e pili ana i na hua ai hou e laa ka pea, ka alani, ka halakahiki ame na.lau-ko ine ko na waimomona pilipili; a oiai he mau mea wale no keia no kakou huiia apau e pomaikai ai, nolaila, liuliuia mai a makaukau, oiai eia ka papa hoonohonoho la no ka hookipa ana ia lakou ua makaukau, a i hakalia wale no o ko lakou hiki mai; a ke hiki mai lakou oiai nokakou e lomaloma āna, alaila, e lilo ana lakou la i ka huhuki i

ka lalawe a Uwekahuna elike me na hoakaka no ka hookipa ana mai; a o kakou apau e ku kii ana i kai o Kahua. Nolaila, he uiui, he ninaninau na Ka Lanakila, auhea na hookele waa o'ka Na'i Aupuni? Eia ka wa e hoomaopopo mai ai i ke o leo e kau ae la maluna. E liuliu, e makaukau, e makaukau na oiwi na ? lii oka aina, e pupukahi ke kio'e ana, ka olapa ana o ka hoe, aia ka pono o ka ike aku i ke ao aina, a papapae kakou i uka aina maloo, alaila, manao ae ke ola ame ka maha nou e Hawaii Lahui. ke'imi nei Ka Lanakila i na hookele waa o na kai kuloko o kakou nei, no ka liuliu, no ka hoōmakaukau ana ia kakou iho me na wa-hi luau no ka la nui o ka auwae aina o na 'lii o ka Aina Makua a hiki mai. O keia ka makou leo, a oka na hookjele waa koe. Oia, liuliu, a hoomai pono no kakou Hawaii Lahui.