Ka Lanakila, Volume I, Number 7, 26 August 1909 — Waihona Aila Poni. [ARTICLE]

Waihona Aila Poni.

Ka Manaolana. Oka manaolana, he wahi maunu pakalika}i ia i kupono i kela ame keia ano makāu. E lana ana ka manao i ka waiwai, ka hanohano ame ke kaulana, a i ka hopena, ua hoopunipuni aku oia iaia iho no. Manomano ka alohi ana o ka manaolana i ka wa i launa-aku ai oia me na keiki o ka hana. Pinapinai ka hiki ana mai o na poho, i ka makili ana 0 ko laua aloha. I ka manao ana aku o ka manaolana, alaila, kiei mai la ka hakumakuma ana o na manao, a i ka hiki ole ana ika puuwai ke pale aku, lilo no ia 1 home mau nona. O keia ka mea i oleloia, "ka waiawa o ka nianaolana." E hai mai ia'u, ua ike anei oe e ke kanaka e hiamoe ana ika nui o kou manaolana ana? Ina e hiki ana ia oe ke hai mai, alaila, aole oe i hoopuhiliia e na maawe o ka hiamoe. Me ke kui humuhumu a ka mea tela e kauo hele ana ika maawe lopi mahope ona a oili aku ma keia aoao o ka apana lole, pela no ka manaolana ola a Paulo e ha'i mai nei. O ka manaolana ikaika ke lele nei oia maluna 0 na eheu o na sawalo, (swallows) a ke kuu oia ilalo a pa i ka honua, aole he mea materia e hiki ke hoonioni aku iaia. Ka Lani. Oka lani oia maluna o na mea apau, a aia malaila ka loaa ana o ka Lunakanawai Kiekie e hiki ole ai i na moi o ko ke ao ke hele maluna <d ko lakou mau kapuai. Aole he kiekie o na ipuka komo o ko ka lani aupuni elike me ko na moi, a no ka mea, i kou komo ana ma kekahi o kona mau ipuka e kukuli ana oe ilalo i emi iho kou kiekie 1 ko ua puka la. Na ka lani i hai pinepine mai ia kakou i ka hauoli mau ana ma na degere, a nana nohoi i haawi wale mai i na maka lehulehu o ka nananana, 1 nui a kinikini ai ko kakou mau ike. Ke ninau neika maka-penei ia oe e ka makamnka, mahea ke ala e loaa aku ai ka lani? E komo ma ka ipuka oka make, a e loaa oia ia oe. A mai poina ike kau ana maluna o ka lio keokeo, a no ka mea, oia ka hoailona a ke kiaipuka e ae ai ia oe e komo aku. Ua ike anei oe ika lani? ae, o ko ke Akua nohoalii ia. Ka Hemolele. E humuhumu i paalole no ka homelele, a e kumeka i mau paakamaa nona, a no ka mea, aole i ikeia ka hemolele e hele olohe]ohe ana.

I mahiole, a i makaihe ma ka puhaka, i kakala, a i pale ma kou mau wawae, alaila, ua Jako maoli oe no ka hooilikaua ana ia Ahalona. (Aole i pau.)