Ka Lanakila, Volume I, Number 7, 26 August 1909 — Pa'ikii Ana i na Mea Ike Maopopo Ole ia. [ARTICLE]

Pa'ikii Ana i na Mea Ike Maopopo Ole ia.

Aia he nui, a lehulehu wale na oni ana a kekahi mau mea kino me ka hikiwawe loa. A o kekahi o ia; aole loa e hiki ika ike aka maka ke hoomaopopo. A, oiai nae; aia no he mau keehina i lawelaweia no ka holopono o nei hana, ma o ka hoohana ia ana la o na mikini no ke pa'i ana i na kii onioni, ma o ka hoao ana e hoemi mai i ka ikaika nee o lea mea kino a hiki i ka ike maopopo ia ana. Aka, o ka mea i ikeia he hapa wale no ka mea i loaa. O ka mikini pa'i kii hou i loaa ai ka holopono no ke pa'i ana i na mea kino nee hikiwawe, oia no ka mikini pa'i i imiia mai nei e Crauz, he hoa no ka Aha Kuka Malu oJßerlin, a, aole hoi e emi iho malalo o 5,000 kii e paa iloko o ke sekona. O ka mea huna e pili ana i keia mikini, oia no ka imi ana i ka ikaika hoomalamalama kupono o na "huna" uwila, a o kela a me keia "huna"uwila e omaka ana, oia iho la no ka nui o na kii hou like ole, e paa ana i kela a me keia manawa. Mailoko ae o na kii i pa'ik tro na mea kino nee hikiwawe, e ikeia no he iwi i puka pu i ka poka o ka pu raifela, me ka hiki ke ike maopopoia; pela no ke komo aua o ka poka iloko o kekahi ipu i piha i ka wai. O ka holo ana a ka "lopi" e pili mai ai ke kii maloko o ka mikini, he nee malie no ia i ka wa e pai ia ai, me ka maopopo pono o ke alahele a ka poka e nee ai, pela ke komo ana iloko o kekahi mea kino, a me kona puka ana aku ma kekahi aoao, a hiki i kona wa e haule ai. A e ike pu ia no hoi kau wahi o ka pauda ma ka waha o ka pu, mamua o ka oili ana mai o ka poka. No ke pai kii ana i na mea kino nee hikiwawe no ka hoomaopopo ana i na mea pili i ka nee ana a ka poka, kona alahele, a me kahi i hookui ai, a me ka na-ha ana o ka mea i ku aku ai, ua olelo ae ka manao pepa o ka Buke i kapaia nona ka inoa 0 ka "Buke Hana Kii" penei: O kekahi keia o na mea waiwai nui loa a ko ke kanaka noonoo i imi nni ai