Ka Lanakila, Volume I, Number 7, 26 August 1909 — Ka Hana Aloha E Hana Aku Oe ia Hai, Elike me Oe i Makemake ai ia Hai e Hana Mai ia Oe. [ARTICLE]

Ka Hana Aloha

E Hana Aku Oe ia Hai, Elike me Oe i Makemake ai ia Hai e Hana Mai ia Oe.

He moolelo ku i ke aloha keia no kekahi kanaka aneane e make» i kakauia e kekahi kanaka kakau Nupepa kaulana no kana mea i ike ai me kona mau maka ponoi. Mā ka mokuaina o Peneselawenia (Pennsylvania) ma kekahi aoao o kolaila lalani mauna, a ma ke kauhale kahi i hooili ia'i na eemoku mai ke komohana mai. Ua hoopaa ia kekahi waapa nunui, i kapiliia no ka holo ana ma na auwai akea i hanaia ma ua aina la. E kali ana ka waapa no ka hoea mai o na kaa ālanui-hao me na ohua e hele ana no ka Hikina. E ku kokoke ana ke kapena ma ka aoao o kona waapa. Ua nonono mai la kona helehelena, a he kanaka kino loihi maikai a kohu ano kuaaina la ke nana aku i kona kulana. E hooponopono ana oia i ka hana o na luina, ia lakou e hoomakaukau ana i lēaT waapa no ka holo ana. la manawa, hoea mai la na kaa, a liuliu iki, puka mai la na keo.nimana eono mai ke kaa mai, a hele aku, a ku imua o ke kapena, me ka i aku iaia penei: "Ea, ke Kapena, ua makemake makou e hele aku i na mokuaina ma ka Hikina akau; aka, ke waiho nei me oe ko makou hele, me ka ole. Maloko o ke kaa a makou i haalele aku nei, ke waiho la kekahi kanaka mai, ka mea i hoowahawaha ia e makou» Ua kohoia mai makou e na ohua he komite e nonoi ia oe e hioole i ke kau ana o keia kanaka ma kou waapa. Ina oia kekahi e hele ana, e noho no makou. Pehea mai la kou manao?" "E na keonimana/' wahi a ke kapena, ;i ua lohe aku la au i ko na ohua manao ma ka waha o ko lakou komite; he komite anei kekahi no ke kanaka mai?" Aole no he mea o lakou i pane akv* no keia ninau kuhewa. Ia manawa koke no, hele aku la ke kapena a komo aku ma ke kaa. Ma kekahi o na keena, ua ike oia i kekahi kanaka i hele a wiwi loa ke kinp» u nawaliwai loa no ka nui o'ka mai

Aue no e pau kona ola, no ka luaiakoko a me ke kunu paa. Hele aku ke kapena iona'la, a kamailio me ka leo oluolu a hoomalielie. Me ka lana pihoihoi o ka manao, leha ae la iluna na maka oke kanaka mai, me ka hiaai, a ninau aku la. <f Ea, ooe anei ke Kapena? Aua ae aneī oe ia'u e hele? Na ke Akua e kokua ia'u! Manao mai na ohua ia'u me he mai ahulau'la? Ua aloha ole no. Ke ike nei oe, ua kokoke au e halawai me ka make; aka, ea, ina ua hooloihi ia mai kuu ola, a hiki aku au i ka Home o kuu makuahine, e make hauoli no au. Ke noho nei kuu makuahine ma Bulinetona, a ua hala i hope ka hapanui o ke alanui, —koe ka hapa uuku. He kanaka pena hale au, ua ilihune no hoi. He kamakahi no au a kuu makua, a ke iini nei au e hiipoi mai kona mau lima ia'u, mamua o kuu nele ana 1 ka make." „ hele no oe, ina paha e lilo ia i kumu e noho ai na ohua e ae a pau loa," pane aloha aku la ke kapena i ka mea mai. Ia manawa e ku-pipi ana na ohua a pau ma kahi oka waapa, me ko lakou ukana, e kali ana no ka olelo hooholo a ke kapena, mamua o ko lakou kau ana maluna o ka waapa. Emoole, a kukalaia ae la ka olelo hooholo a ke Kapena, ma ka ike ana ae iaia e hele mai ana me ka hiipoi ana mai i ke kanaka ma'i. Holo pololei mai la oia iwaena o ka lehulehu me kona haawe ana i ka mea ane make, a kauoha aku la e halii i bela moe ma kahi oluolu loa o kona waapa, a Aialaila oia i hoomoe ai i ke kanaka ma'i, me ke aloha menemene o ka makua i kona kamaiki. A pau ia hoomaka koke oia e hooholo i kona waapa. Ia manawa ala mai la ka noenoo hou iloko o na ohua, oia ne ka hilahila a me ka mihi no ko lakou ano uahoa, a me ka lakou i hana lokoino ai no ke kanaka ma'i aneane make. Me ka manao lokahi ee lakou maluna o ka waapa; a mahope mai o kekahi mau hora ua hoouna hou ia kekahi komite i ke Kapena, me ke noi haahaa aku īaia e halawai pu me na ohua ma ka rumi mahope o ka waapa. Iho ihola ke Kapena ilalo, a mai waena mai o na ohua ku mai no kekahi kanaka i hele a hina ke poo, me ka halokoloko nui ana o na waimaka oia i hai aku ai ike Kapena, ua a'o mai oia ia lako f u i kekahi haaw'na maikai loa, a nolaila e mihi mai ana lakou imua ona, rqe ke noi aku iaia e kala mai ia lakou

Hu ae la na waimaka o ke aloha pumehana iwaena o lakou a pau o kela anaina, Haule nui mai no hoi na kulu dala ilokb o ka pakeke o ke kanaka ma'i, me ka olelo hoomaikai '*Ke Akua kou kokua," iaia e hoi ana Lkona home, me ka iini nui e make iloko o na lima puiki aloha o kona luaui makuahine aloha. Mai ka peni heu aniani mai a Kakklaikaiwa, a na ke Kavalia Elenora Hoolaleakaukiu i hoouna mai no Ka Lanakila.