Ka Lanakila, Volume I, Number 8, 2 September 1909 — KA LA O KA WOHI ALII LILIU-OKALANI. [ARTICLE]

KA LA O KA WOHI ALII LILIU-OKALANI.

Ma keia Poaha i malamaia ae ai he anaina ike Alii ma Wasinetona Hale, no ka hoomanao ana i ka la hanau o ko kakou Moiwahine Liliuokalani i ke kanahiku-kumamakahi o kona mau makahiki. Ua hanauia ka Wohi Alii Liliuokalani ma ka makahiki 1838, ma ka la 2 o Sepatemaba. He huakai nui o na Hawaii me ka lakou mau makana hookupu elike me na hana i kuluma i keia lahui ko keia kakahiaka nui, a ma ka hora 11 a. m., e loaa ai ka oluoluia i na Hoa Kaukanawai Hanohano o ka Ahaolelo o Amenka i hoea mai i Hawaii nei a me ka lehulehu ka ike ana ika Moiwahine. Oke Kama'liiwahine Mrs. Jonah Kalanianaole ame ka Elele Alii Jonah Kalanianaole na Mea Hanohano imua o ke Alhalii, a ua hoea pu ae nohoi malaila kekahi po"e koikoi a kulana hanohano o na au Moi i hala. E ola o Kalani o Liliu-o-loloku-lani ike kapu. Eola! E ke Alii, me kou ihiihi ke aloha o Ka Lanakila ma keia la o kou hanauia ana.