Ka Lanakila, Volume I, Number 8, 2 September 1909 — HE MAU HOAKAKA POKOLE O NA AKUA KII O NA SAXONE. [ARTICLE]

HE MAU HOAKAKA POKOLE O NA AKUA KII O NA SAXONE.

Ka Mole ame ke Kumu i Loaa Mai ai na Inoa o na La o ka Hebedoma. O na kii a na kupuna o ka lahui Saxone e hoo mana ai, he iike ole ko lakou mau kulana. Aka nae, o na kii i loaa ai na la o ka hebedoma, oia na kii ano nui ma ka lakou hoomana akaa ana, Ke Kii o ka La O keia kii, e hoike ana ia i na kukuna malamalama oka la. (A o keia nohoi ka Lualii ano nui ma ko lakou kulana hoomana.) Ile kii keia o ka hapa o ke kanaka (bu«t) i hoonohoia maluna o kekahi kia. A e paa ana me kona mau lima hala i kekahi hnila e <4 a n ia ana mamua o kona umauma, a o ka la mua o ka hebedoma ua hookaawaleia no ka hoomana ana 1 nei kii—kii na'ana'a. A kapaia ihola ka inoa oia la, oia ke 'Sun's daeg;' no laila mai ka inoa Sunday (Lapule) a keia au e hea nei. Ke Kii o ka Mahina O ke kii o ka Mahina, oia kekahi a lakou e hoomana ai i ka lua o na la o ka hebedoma, a kapa iho la ia la o 4 Moon's daegf; ? aia kakou hoi u Monday (Poakāhi). He kii keia no kekahi wahine i hoaahuia me ka lakeke pokole r me kekahi uhi poo me na pepeiao loloa elua. Ao ke kii Mahina ana e paa ana ma kona lima, he hoikeia no ke ano o keia la. Ke Kn o Tutso ® Tuisco, oia ka mua o na akua kii i hookiekie ia ma ke ano, oia ka makuakane, a ijie ka mea nana e hoomalu ana ika lahui Tenlonic. Aka, mamuli o na ouli o ka manawa, ua hoomanaia aku oia ma ke ano he keiki na ka honua, a ma ona la i oili mai ai ka huaolelo Saxone Tuisco's dae£, a oia ka kakou e hea nei he Tuesday (Poalua). He kii keia e ku ana ma ke kumu o kekahi kia, ma ke ano 0 kekahi kanaka naauao i hoaahu ia me ke kapa ili holoholona, a e paa ana hoi he hoailona alii ma kona lima akau. Ke Kii o Woden, a 1 ole, o Odin OWoden,a i ole, o Odin, oia ke poo o na

akua no na lahui ma ka akau o Europa. Ua manaoia ua hiki mai.nei akua o Europa mai k'a hikina mai; aka nae, aole i maopopo ka aina ame ka manawa o kona hiki ana mai. O kana mau, hana kaulana no na mea e pili ana i ka hoomana ana i na akua e, oia kekahi o na mahele *ano nui i na lahui ma ka akau. A no ia mea, ua hoohanohanoia oia a oi aku mamua o ke kupono. Aoka inoa o ka ha o na la o ka hebedoma i kapaia e na Saxone, oia no ka 'Woden't daeg/ Wednesday, a ia kakou hoi he Poakolu. Ua loaa mai keia inoa ma o kona ano 'la. E hoike ana keia kii i ke koa ame ka uahoa o kona nanaina. Ua kahikoia hoi oia iloko o ka aahu kaua, me k.a pahikaua laula e o ana iluna ma kona lima akau. Ke Kiī o Thor O Thor, ka makahiapo, ke koa wiwo ole iwaena o na keiki-kane a Woden ame FJig*a, a i ku like hoi me kona makuakane. Ua nanaia aku oia ma ke ano oia ke pookela o na akua iwaena o na Saxone ame na Denemaka. A ma ona la i heaia ai ka lima o na la o ka hebedoma, a i kapaia hoi e lakou he 'Thor's daeg,' a ia kakou hoi he Thursday (Poaha). Ke Kii o Friga, a i ole, o Frea O Frig-a, a i ole, Frea, oia no ka wahine a Woden, ka mea malalo aku ona. Oia kekahi o na akua kii i hoomana nuiia e na Sakone, na Denemaka ame kekahi mau lahui pegana e ae o ka akau. I ka wa kahiko, o keia Frio-a ua like no ia me Hertha, a i ole Earth, kekahi o na akua wahine. Ma o ianei la (Friga) ke ono o na la o ka he~ bedoma 1 hookaawaleia ai, oia hoi, ma ke kakau ana a na Saxone, he 'Friga's daeg.' Ua kulike hoi me ko kakou he Friday (ī^oalima). O Friga ; ua hoikeia kona ano ma o ka pahikaua la (i unuhiia mai ka wa-hi ae) e paa ana ma kona lima akau, me ke kakaka ma kona lima hema. Kr Kii o Seater O keia kii Seater, ua hoikeia ma ke kumu o kekahi u kia" i hanaia me kekahi kaha me na kui ooi, a maluna olaila oia i ku ai. Aole uhi ma kona poo, a he hohoma hoi kona helehelena, ma kona lima hema, e paa ana oia he huila, a ma kona lima akau ka pakeke wai, a maloko o laila na pua, ame na huaai, a o kona aahu he kuka loihi i kaei ia me ka lole lilina. O ka inoa i kapaia no keia la no ka hoomanao ana ke mau nei no ia< A o ka na Satone inoa i

hea ai, he Seater's daeg, Saturday. (Poaono) ia kakou.