Ka Lanakila, Volume I, Number 9, 9 September 1909 — NO KA MALAMA ANA I NA ALANUI O KE KULANAKAUHALE [ARTICLE]

NO KA MALAMA ANA I NA ALANUI O KE KULANAKAUHALE

Ma ka halawai a ka Papa Lunakiai o ke Kulanakauhale nei ma ka Poalua aku la, ua laweia mai he kauoha e piii ana i ke ano o ka paeli ana i na alanui o ke Kulanakauhale nei; a aolehoi e hiki ke paeliia kekahi alanui no na hana paipu a me kekahi mau hana e ae, ke ole e loaa he apono ana mai ka Luna Alanui Nui mai.l Mamuli o na hana paeli alanui a na hui o loko nei o ke Kulanakauhale i laweia mai ai keia kanawai, a oiai me ka nui hewahewa o na dala e hiki ai ke hoolilo aku no ka hāna ana a loaa ia kakou nei na mui maikai, nolaila, ua kauia keia kanawai i wahi e hiki ai ke malamaia na alanui no ko ka lehulehu mau pono. Ua holo keia kauoha kanawai ma kona heluhulu mua ia ana.