Ka Lanakila, Volume I, Number 9, 9 September 1909 — NO KA MOKUPUNI [ARTICLE]

NO KA MOKUPUNI

Mokupuni, moku, okana a he kalana kahi inoa, he poko, ahupuaa, ili, mooaina, pauku, kihapai, koele, hakuone ame kuakua. O kahi kiekie mawena o ka mokupuni ua kapaia he kuahiwi, a o na puu maluna pono iho o ke kuahiwi e ku lalani ana a ku hookahi, he kualono, a o kahi malalo mai o ke kuahiwi e pili ana me ke kooku o ke kuahiwi, he kuamauna ia a he mauna kahi inoa, a o kahi e ku liilii ana na laau malalo iho o ke kuamauna he kuahea ia wahi. O kahi e ulu ana o na laau makai mai o ke kuahea, he wao kona inoa, he waonahele kekahi inoa, a he wao eiwa kekahi inoa, a o kahi o na laau loloa makai mai oia wahi, he wao maukele ia, a o kahi e hoomaka hou ai o na laau e kuliilii, he waoakua ia, a o kahi makai mai e ulu ana ke amaumau, he wao kanaka ia, a makai mai he ilina, he pahee, he kula, a he kahakai nohoi