Ka Lanakila, Volume I, Number 10, 16 September 1909 — Ka Wehewehe Moeuhane. [ARTICLE]

Ka Wehewehe Moeuhane.

Aeto. Ma ka moeuhane ua pepehi aku oe a nlake kekahi aeto, he hoike hala oleia no na pomaikai e ulu nui ae ana ma kau hana, a ina ua ai aknoei kona i'o, alaila, ke kali mai la ke kau--1 o ka halawai pu me oe, a ina ua ike aku oe i keia n.inu e lele ana maka lewa me ka hiehie nui, alaila, hai maopopo mai ka moeuhane ia oe i ka palena ole o ka pomaikai ame ka hanohano e loaa ana ia oe elike me ke kulana o kou hoona auaoia ana. Aumokukaua. Ma na awakumoku,.i]a kapakai, na wai hohonu ame ka laula lipolipo o ka mo~ ana nui, a ma ia mau wahi, ua ike aku oe i kekahi puulu nui o na mokukaua, alaila, e loaa ana ia oe kau mau mea i makemake ai mamuli o ka aelike a kekahi i&e mua mai ai ia oe, a ina ua ike aku oe he mokukaua e holo ana iluna o ka aina paa kahi i kuleana oleia no ka holo ana o na moku, alaila, he kipikipi, a i ole, he ma'i luku ke pahola ana maluna o ka aina. Elike me ka nui oia mau mokukaua e holo ana noluna o ka aina, pela no ka nui o ka poino ame ka pilikia e hoea mai ana. Otomobile. Ina ua ike aku oe ma ka moeuhane i ka holo ana ae o kekahi ano kaa i huki oleia e ka holoholona elike me keia ae la, he hoakaka pukalua ole ia e hai mai ana, eia aku a hoea mai ma kou ipuka hale he hoaloha i nalowale kahiko e hele mai ana e halawai me oe, a ina e kau anā oe maluna o ua kaa holo ahiahi la, a ua nanea maoli oe i ka lalawe holu a kona mau ku'e, alaila, aole ka haawina i huna mai i kona oiaio ia oe, aka, ua hai maopopo mai no kou hele aku ma kekahi huakai loihi. Haokila. Ina ua loaa ia oe he paila nui o ka haokila, alaila, e nui anfe itfa pono e loaa ana ma kau hana, a he holomua hoi, a ina ua ike aku oe e a ia ana e ke ahi, alaila, he puka liu nui ua hamama no ka hoopoho ana i kauhana. Ka Moana. La'i malie ke kai a moe malie na ale o ka moana, he hoailona ia no ka oluolu ame ka pomaikai o ka nohona home ana, a pela pu nohoi me na launa makamaka ana, a ina e olapalapa na ale, a ooloku mai ka moana, ālaila, e hai mai ana ia mau mea ia oe eia he ino a hoea ae iloko o kou nohona ohana ana. Huilakaa. O kou ike ana aku i kekahi huiln kaa ma ka moeuhane, he hoailonaia o na pomaikai lehulehu e loaa ana ia oe ame kou ohana pu. O keia, ka mea i oleloia "Ka Huila o ka Holomua." (The Wheel of Progress.) Lsmpua, Ina ma ka haawina moeuhane ua

ike iho oe ia oe iho e lei ana i kekahi lei i hanaia noloko mai o na pualike ole, alaila, elike me Ke ano oia lei ame ka nui o na ano pua i lawa ai oia lei, pela ana no ka nui o na pono ame na pomaikai e loaa mai ana ia oe.

Laka-puka. Oka moeuhane ua ike oe i ka laka-puka, e hai maopopo ana no ia i ka hiki ole e ko kau mau mea i manao ai, a pehea la ka nui o kau hooikaika ana e nele ana no.