Ka Lanakila, Volume I, Number 10, 16 September 1909 — Na Inamona Kuhinia o ka Papaaina Uluwehi o Ka Lanakila. [ARTICLE]

Na Inamona Kuhinia o ka Papaaina Uluwehi o Ka Lanakila.

"E Holoholopinaau," i niaau aku ai o Ukali. "Heaha na mea hou ano nui o na ale o ka moana?" "0 ka moku Nautilo, ka pilikua aiwaiwa o ka lipolipo oka moana, ua paa ika wiliau oka luawai mimilo kamahao loa o EneLl-ni, a ua hamole pu kona lhu i ka hookui ana me na pohaku ako'ako'a," wahi a Holoholopinaau ia Ukali. c< Ano, e Ukali, e hoomaka hou ana ka kaua papakahikuhi no ka kaua mau hua Inamona o keia kikina, oiai na epaepa o KA Lanakila e kapekupeku ana no kona alahele i ka lipolipo i ke Kai o ka Welau Hema," wahi a Holoholopinaau i olelo aku ai ia Ukali. "0 ka pou hea ka pou uuku loa i kamana ia iluna o ke kanaka?" wahi hou no a Holoholopinaau i ninau a-ku ai i kana, haumana. "0 ka-pou oka ihu," wahi a Ukali. "Loaa pono mai la ia oe e kuu hoa, he keu ka nui o ko'u naauao e Ukali," i pane hou aku ai ke kumu naauao Holoholopinaau. "Heaha ka olelo?" "Oia ka leo ame na hoailona e hoike ana i ka manao o ke kanaka," wahi a Profesa Ukali, "Pololei hou no oe e Ukali. Alaila, nawai i hoopuka i na olelo?" Na ke alelo no hoi. Nana i hookapalili konini ka l&u lihilihi," a hu ae la ka aka honehone a ua mau olohe la. Ano, e Ukali; ina he onu ka ma'i, heaha ka laau?" Ka u! Aole ka oe i ike he kowali pehu ka laau, he hoona-ha apu ka hana. Oia ae la ka'u la, a pehea kau?" wahi a Ukali. Kahuna no oe, e Ukali,'* wahi a Holohoiopinaau. "Aole oe he kahuna a-u kukui elike me na kahuna haha o kakon nei ka hapapa o.na lima, aka, he kahuna pookoi oe o ka papa kiekie." "Heaha ke poo o ke kanaka?" "Oia ka pahu ume o ka noeau, ke ki kupanaha o ke ®la, ka home oka ike,*ka waihona o ke akamai, a o ka lei hanohano o ke kanaka." ft Heaha hoi kfe kLio?" "Oia ka hale o na mea kaipahao, a o ka home hoi o na uhane,"

"Heaha hoi ka lauoho "Oia na kahiko pau ole i ka heluia, a o ka uhi nani oke poo. Nolaila, e oe eka elemakule i uhiia ke poo me na oho hina, he hoailona alii nani ia ona Ja kanikoo. Pomaikai ke kanaka i loaa iaia na la hapauea o ke ola ana." u Heaha ka umiumi?'.' "Ka hoailona nani o ke kane, a o na kahiko ui o ka wa kanikoo." <( He Profesa maoli no oe e Ukali ) ,) wahi a Holoholopinaau. "A he Akeakamai oiaio loa hoi oe e kuu kumu i piha i na mea o ka lani ame ka honua nei," i pane aku ai o Ukali ia Holoholopinaau me ka haaheo nui o kona nanaina, a hookuu ae la ka papa leo ana a ua mau olohe nei.

Owai ke kanaka i make a kahe mai kona koko a hoea ia kakou nei? Haina: O Adamu, oiai, oia ke kupuna mua loa o na kanaka apau. Lele nna ka baluna i ka 1783. Pa'i mua ia na hua mele ma ka A. D. 1473. He 2,754 ka ni» o na olelo Jike ole o ke ao nei. Iloko o ka mile kuea hookahi, he 640 eka. Hana mua ia ka wahi leta i ka 1839. Loaa mua ka makakila kakau i ka 1830. Hana ia ka papa pa'i nupepa mua loa ma Kopenahagena i ka 1493. O ka nui o na hua palapala o ka Baibala ma ka olelo Beritaniā he 3,566,480; he 773,746 hua olelo; 31,173 pauku, he 1,189 mokuna, a he 66 ka nui ona buke. Oka pauku uuku loa, oiā ka pauku 35 o ka mokuna 11 o loane. O na mea kino a pau, e emi iho ana ko lakou mama ma na wahi kiekie. Ina he 700 paona kaumaha o kekahi pohaku ma ka ili-kai, aka ina e lawe ia oia no luna o kekahi puu o ekolu mile kie, We, e emi an# kona kaumaha he 690 no paon»,