Ka Lanakila, Volume I, Number 12, 30 September 1909 — KO KE KALANA MAU KUHINIA. Hui hou no kakou me Ka Lanakila! [ARTICLE]

KO KE KALANA MAU KUHINIA.

Hui hou no kakou me Ka Lanakila!

Ma ka Alameda oka la inehinei aku la, i kau pu aku ai ka hoike makahiki a ke Kiaaina W. F. Faria no Wakinetona. Me he la a keia po Poaono iho e weheia ai na kii onioni o kā hale hou e ku nei ma ke kihi Waikiki makai ona alanui Nuuanu ame Pauahi. Oia hele ia. Oke anu kau e nuu me ke ahi e hamo ana pau na hulu. Ahai ka pupuhi ia Bablo Aliseo noho mai i kanahele. O keia ka paahao i mahuka aku mai ka laina aku o na paahao e hana nei ma Kapiolani Paka ma ka Poalua nei. He kani anei no na pukuniahi? Aole. He kani, uina a nakolo na na owili pauda e wawahi ana i ka papaku o lalo o ka home aloha a Kaahupāhau me kana mau pua. Aole e loihi na la o ka pau mai no ia; a na ka mikini eli-lepo aku ka hana no ka hoopau pono" ana i ke kahua huki-moku o Puuloa. Ia Lunanana Waiona Fanela e hopu ana ia Geo. T. Turner ma Alanui Rikeke no ke ku-e i ke kanawai waiona, ua loaa aku he mau omole lehulehu. Ua loaa pu aku no hoi iaia he luna mahuka no ka mokukaua Tenesi maloko o ua hale ia. Pau elua manii no Kuapapanui me hookahi pohaku wale no. E hoomanao i ke kukini hele malie, holo kuku, holo kiau a holo wiliahiu e malamaia ana ma Paka Aala ma keia la ekolu iho a hoea mai; a ilaila kaua ame kakou e ike ai i ke kieiki o na alaloa alualua kinikini o Hiroshima ame ke keiki o ka aina ona lio wawae hulu nui o Kikane. Owai kau moho o keia heihei a na Helene oiwakaluakumamaono mile. O Tsukamoto anei? a o lakekona paha. Hoolulu aku ka manao i ka nani o na papalina o na huna one o Waikiki, a i na nalu ku-palu o Ka« lehuawehe. Hihi ka noonoo i ke aweawe a na hunakai, lilo nae ke ola o J. F. Pickard kekahi o na luina o ka mokukaua Peneselavania mamuli o ka auau kai ana ma ka auwina la Poalua nei,—Pi holol