Ka Lanakila, Volume I, Number 14, 14 October 1909 — A HONE MAI KA LEO HE NAAU POPOKI IA-OLU, NAHE, WI, OEOE, HE NAAU HIPA IA. [ARTICLE]

A HONE MAI KA LEO HE NAAU POPOKI IA-OLU, NAHE, WI, OEOE, HE NAAU HIPA IA.

Ua halawai mau a lu'alu'a ko kakou ike mau ana i na mea kani e laa ka base-viola, ka violina ame na mea kani e ae no lakou na leo e oli mai ana mal na kaula ae, i ka wa a na manamanalima e ume lalawe malie ai ia lakou, aka, o na aina kahi i hoonniia ai ko lakou hanauia ana, oia ka kakou e ake aku nei e maopopo. O ka aina a o ke one hanau hoi o na Kelemania, oia ke aupuni alakai no ka hana nui ana i keia mea he aha pila, a i hanaia hoi mai o ka naau oka hipa. Ma keia aina e hana mauia nei keia mea he aha, a ma ka hoike aupuni i pa'iia i ikeia ai, he kanahiku tausani paona o ka naau hipa e hanaia nei malaila i kela ame keia makahiki. 0 ke aupuni o na Rusia ke aupuni ma ka papa elua ma keia ano hana, oiai, ke loaa nei he kanaono a oi aku tausani paona naau hipa i kela ame keia makahiki mailoko mai o kona mau hale hana o keia ano. ]\lamuli nae o ka noii ia ana mai nel o ke ano maikai loa o na aha o keia ano, ua ikeia o na aha i hanaia mailoko mai o na naau hipa o Enelani, oia na ano aha oi loa aku o ka maikai, mamuli o ke aiai maikai, ka milolii ame ka nanahe o kona o leo ke hookaniia. Ma Enelani, he ekolu mehele e kuaiia ai o na aha. No kela ame keia elua paona ame ka hapa e kuaiia ana he $5. 95, $7. 14 ame $7. 61. 1 waena o na loea hookani violina kaulana loa o Europa ame Amenka o keia mau la, ua hiki loa ia lakou ke hai mai ma ka lohe ana ike kani o ka aha, i ke ano o ua aha la, ina no ka popoki a hipa paha. ——- —*** O ka Ka Lanakila mau no, he mikololohua a kuli'u na manao ho-u-he-u-hene. He ono