Ka Lanakila, Volume I, Number 14, 14 October 1909 — KO KE KALANA MAU KUHI NIA. [ARTICLE]

KO KE KALANA MAU KUHI NIA.

O Eddie Fernandez ka mua o na Hawaii e oni nei imua ma ka pa 7 i ana ina kii onioni a hoikeike mai. Pehea ana kakou ia kakou iho? Ua hoike akea ae ka Lunanui o na Hana o ka Lehulehu i ke kupono ole e inuia o ka wai mai Nuuanu mai. Ahea ka hoi,hoolilo ae ike kupono ole i kupono. Ma ka Poalua nei i kau aku ai ka Puuku Konakilina o ke Teritori ma ka mokuahi Marama no kana huakai pili oihana no ka hikina o ke aupuni Aeto. Eia ke Kiaaina Firia ame kekahi puulu o keia kulanakauhale ke noonoo mau nei no kekahi mau hoololi e pono e hanaia ma ke Kanawai Kumu o keia Teritori. Ina o kela lio puiwa lawe berena o Love a i loaa aku i ko makou hueu ma kona wa e holo pukaiea ana ma ka Poakahi nei ma ke alanui Moiwahine, ina ua hanai omoomo palaoaia ua lio kolohe la. Ua pau a pohina loa ka manoanoa ana o na ao opua o ka hilinai o na kepani o ke kulanakauhale nei i ko lakou keiki kukini wawae no ka hiki e holo ina mile he iwakaluakumamaono. O keia na olelo a na lunahooponopono o na nupepa o ke kulanakauhale- nei. Ma ke ahiahi Poakolu nei i hoohauoliia aku ai ke Aloalii o ka Moiwahine Liliuokalani i aloha nuiia ma o ke kipa ana aku o ka Bana Pilipino e paani ika lakou mau mele imua ona. O Alaha Oe ka lakou mele mua i mele ai, kekahi hoi o na mele aka Noeau Alii i haku ponoi ai. Eke Alii, aloha no. Eia i lapana o A. L. C. Akinsona ke komisina ohi no ka hapuku ana mai i na limahana no na mahiko o Hawaii nei i keia mau la. He kanaKa āme ehiku ka nui o na ohana Rusia o Saiberia i ohiia mai eia, aole e poha ke au o keia makahiki, o ko lakou hookuonoono no ia ma Hawaii nei. He mamo anēi lakau na Keopulupulu? Kuailo^