Ka Lanakila, Volume I, Number 14, 14 October 1909 — NA AUNEKI KOKO PELEKANE Na Peresidena o Amerika Huipuia-Na Welo Mai na Kupuna Mai. [ARTICLE]

NA AUNEKI KOKO PELEKANE

Na Peresidena o Amerika Huipuia-Na Welo Mai na Kupuna Mai.

Mai ia Keoki Wakinekona mai ka mua o na peresidena o Amerika Huipuia a o ka Makuakane hoi o kona aina, a hiki mai ia peresidena Teodoa Rusevela i pau aku la, ua hiki aku ka heluna o na peresidena i noho ma ka noho peresidena o ka Repuhalika holomua o keia honua i ka iwakaluakumamalima, a i ka iwakaluakumamaono hoi o na hope-peresidena. He ewalu o na hope-peresidena i pii ae a lalau ina kaula kaohi o ka noho poo hookele aupuni ana: a o ka huina o na peresidena ame na hope i lilo peresidena he kanahakumamakolu. Iloko o keia heluna he kanahakumamakolu, he elua wale no i nele me na auneki koko Pelekane, a o laua a elua mai ka mokuaina like mai no o Nu loka, oia o Rusevela ame Vana Burena;ao ke kanahakumamakahi he poe wale no i okomoia ko lakou mau aa me na kulu koko Pelekane elike me ka papa hoike: Pelekane, Enelani 27 Welesi x " Sekotia 5 Sekotia-Airiki 8 Holani 2 He nui na makamaka o makou i hoea kino mai no ka hoohuahualau ana i ke kumu i hooni ole ia ai maloko o na kolamu o ka kakou Lei Onaona kekahi mau moolelp Hawaii i hialaai nui ia? Oka makou pane; Aole i keia wa, e nana aku ia mua. Ua minamina loa makou i ka ike ana he nui na moolelo Hawaii ōiaio, aka, mamuli o na hana imi loaa a kekahi poe e haku olelo wale ai ua lilo i mea lapuwale a hoopunipuni loa, a ua nui ke kanalua o na poe naauao elike me Kauka Emekona ma no keia hana epa a kakou Hawaii.