Ka Lanakila, Volume I, Number 15, 21 October 1909 — KA PILII'O-PILI-IWI-PILIKOKO-A O KA PILI O NA PILI. Heaha ka Pili i Pili Pono? [ARTICLE]

KA PILII'O-PILI-IWI-PILIKOKO-A O KA PILI O NA PILI.

Heaha ka Pili i Pili Pono?

Aia he elua mau ohana e ola nei i hiki ole', a i lilo hoi i mea paakiki loa ma ka hookaulike ana i ka pili i pili aku ai kela ame keia pakahi o ua mau ohana la ia lakou iho. He hookahi o keia ohana aia ke ola nei ma Italia, a o kekahi ohana eia ma Amerika. Ua hoike ae kekahi luina e ola nei ma Italia i kona moolelo elike me keia; Ua mareia au i kekahi wahine kanemake. He kaikamahine kana rre ke kane mua nona ka inoa o Silivieta, ka mea a kuu makuakane i mare aku ai mahope o ka make ana o kuu-makuahine. Ma keia ua lilo ko'u makuakane he hunona na'u, a o kuu kaikamahine kauaoao hoi makuahine no'u. Hanau iho la ka'u wahine he keikikane, ka mea i lilo ae he kaikaina kauaoao no kuu makuakane a iamanawa like he makuakane hoahanau no'u, oiai he kaikunane oia no kuu makuahine kauaoao. Mahope iho hanau iho ka wahine a kuu makuakane he keikikane, a lilo oia he kaikaina no'u, a he keiki kauaoao hoi, oiai nae o ke keiki no ia a kuu kaikamahme kauaoao. O ka'u wahine o kupunawahine no ia, no ka mea oia ka makuahine ponoi o kuu makuahine kauaoao i mare i kuu makuakane, oiai nae owau no ke kane a kuu wahine, a i keia wa he moopuna no au nana. A i keia wa ke ike nei āu, Oke kane a ke kupunawahine a ua mea la no, oia no kona kupunakane, nolaila, i ka hopena owau no ko'u kupunakane ia'u iho. Oia hoi, he moopuna au no ko'u kupunakane ana no —a he kupunakane no ko'u moopuna ana no. Pali nihoniho nohoi ka pili o keia keiki o na legiona o Roma kahiko. E hoomanao i ka pili paa, pili hemo ole o kē kaikamahine umi a me elima makahiki o ka Mokuaina o Penesilavania i keia oili hou ana aku.