Ka Lama Hawaii, Volume I, Number 4, 7 March 1834 — NO KE ALII O PEGU A ME KONA MAU ELEPANI. [ARTICLE]

NO KE ALII O PEGU A ME KONA MAU ELEPANI.

Ma na aina naaupo ma ka Hi kina o Asia ua manao nui ia ka ; Elepani, ua hoomanaia no kekahi.

Malama loa ke alii o Pegu i eha Elepani, he Elepani keokeo wale no. Hoonani loa ke alii i ua mau Elepani la, a hanai aku la ia lakou i ka ai i hoomakaukau nui ia me ka inai a me na mea ono; a waiho aku i ka ai maloko o na kiaha gula wale no; malaila na Elepani e ai ai. Haawi aku no ia i na kauwa e lawelawe no lakou; a e holoi aku ia lakou i ka wai i malamaia maloko o na bakeke kala. Ua hoonaniia lakou i na gula pepeiao a me na gula apo, a me na daimana a me na mea maikai. I ka wa i hele āku ai ke alii, hele aku keia mau Elepani imua ona. Aole lakou i hoohanaia, aole loa. I ka wa i hele aku ai ke alii e ike ia lakou ma ko lakou hale, kukuli lakou imua ona, a oia no kekahi i kukuli imua o lakou. Aole i kukuli ia mau Elepani ia hai, i ke alii wale no, no ka mea, pela lakou i aoia aku ai. Ua kakaikahi. na Elepani keokeo, nolaila ua manao nui ia.lakou e na lii", a o lakou no ka hala e kaua ai. Lohe ke .alii o Pegu, he mau elepani keokeo ko ke alii o Siama, a hoouna aku la ia i i mau kanaka e kuai. Olelo aku la ia i kona kanaka: o ka mea a ke alii o Siama e ma kemake mai ai, oia ka oukou e haawi aku ai me ka hoohalahala ole. Hoole loa ke alii o Siama. aole kuai, aole loa, aole i ke kala. aole i ke gula, aole i ka mea e. Alaila, huhu ke alii o Pegu no kona hoole ana, a kaua aku la ia ia, me kona poe koa a.pau; a pio ke alii o Si ma ia ia, a lawe iho la ia i kona aina a me kana mau

Elepani keokeo, na mea ana i makemake mua ai. No ke Kula o Oloalu laua me Oukumahame, ma Maui. Palapala mai Mr. Polona penei. ''Oloalu, Feb. 27. 1834. I keia manawa, he 230 haumana a keu o ko nei kula . He 60 kane, he 60 hoi wahine a keu, a me na kamalii he 109. .Ua kaawale lakou i 8 mau papa. Ma ka Hoikehonua, hookahi papa kane, he 41 lakou; a ma ka Helu kamalii he 19. Ma ka Helu kamalii, hookahi no papa wahine, 50 paha lakou; a ma ka A hoi he 10 a keu. O ka poe kamalii, he 109 lakou. Ma ka Hoikehonua, hookahi no papa kaikamahine he 15. Ma ke kakau ana ma ka papa pohaku, a ma ka Helu kamalii, hookahi no papa Keikikane, he 19 lakou. Ma ka heluhelu ana, hookahi pa - pa he 64; he poe keiki kane kahi a he poe kaikamahine kekahi: a ma ka A no hoi he poe kamalii uuku he 11. Ua ikaika no ko lakou manao ma ka palapala, a kokoke akamai. kekahi. Aole hale kula maanei. hoomanawanui lakou me ka hale ole. Manao no na haumana e kukulu i wahi hale kula ma keia hope ,ku.' ? Ina e maleemake oe e hoomnna'o pono, e ao oe e hai mau aku ma ka oiaio. O ka mea haule i ka hewa, oia ke kanaka;o ka mea kaumaha ka naau malaila, o a ke kanaka haipule; a o ka mea kaena ia ia iho malaila, oia ko ka Diabolo.