Ka Lama Hawaii, Volume I, Number 7, 28 March 1834 — Page 1

KA
LAMA HAWAII.
HE MEA IA E HOOLAHA IKE, A HE MEA HOI E PONO AI KE KULANUI.
I naaupo ka uhane, aole ia he maikai. NA SOLOMONA.
Makahiki 1. MAUI LAHAINALUNA MARAKI 28. 1834. Helu 7.

HE LIO.
 
NO KA LIO.

            He mea hanohano ka Lio, ua nani kona helehelena. Ua kiekie kona poo, ua pio maikai ka ai, ua loihi ke kino, ua wiwi na wawae, ua ikaika nae a ua hinuhinu maikai kona oho.
            He mea haaheo ka Lio, ua lokomaikai nae. Ua ikaika ia, i ke kauo i ke kaa, a i ka lawe i ke kanaka ma kona kua. O kona mau kapuai, oia kona mea e pale aku ai i ka hewa. Ua makemake ia i ka ululaau. Ina i pulu i ka hou, alaila kaa no ia ma ka lepo, a e hea aku no ia i kona hoa ma kona uwe ana.
            He umikumamalua ona niho, eha ole, a he iwakalua kui.
            He eleele kekahi Lio, he keokeo kekahi Lio, he ulaula kekahi, he kikokiko kekahi, he olenalena kekahi, he ahinahina kekahi, a nui aku no ke ano.
            O ka pipi wale no ka mea i oi aku kona maikai mamua o ko ka lio.
            I ole ka lio, alaila, aole hiki na halekaa, a me na kaa, a me ka holo wawe o ke kanaka ma kahi loihi. I ole ka lio, aole hiki wawe na eke palapala ma na aina naauao, a e lohi lawe ukana ana, a me ka holo ana o na waapa ma na muliwai i eliia.
            Ke ola la no ka Lio ma na aina a pau, kakaikahi na aina i koe. He kauwa maikai ka
Lio; poino na aina ke loaa ole.
            Ma na ululau ma Aferika a ma Amerika Akau, holo wale na Lio hihiu he nui loa, he mau haneri no ma kahi hookahi. E hele pu no lakou, no ko lakou aloha kekahi i kekahi, a i mea hoi e hiki ai ke pale i ka hewa, ke kii ma kekahi ilio hae ia lakou.
            O ka Elepani a me ka ilio maoli, o laua wale no na mea i oi aku ka lakou ike mamua o ka lio. E hiki no ke ao aku ia ia, e moe, a e ala mai ma ka olelo ana a ke kahi, a e hele aku, a hoi mai, a e hana i na mea he nui loa.
            No Arabia na Lio maikai loa. Ua liilii no, aka, ua maikai, ua mama, ua laka, a e holo no ma kahi loihi loa me ka hoomaha ole. He poe Lio lokomaikai loa lakou, aole paupauaho.
            Ua olelo ia, he lokomaikai ko Arabia i ka lakou lio, a nolaila ka lokomaikai mai o ko laila lio. I ka wa i uuku ka lio, malama no lakou, a olelo lokomaikai aku, a ao aku ia lakou e paani a lelele pu me na kamalii. Aole lakou e hahau i ke kaula, e like me ko Beritania a me ko Amerika a me ko Sepania, e malama e like me ka malama ana i ka makamaka i kekahi manawa, moe pu no na keiki o ko A-