Ka Lama Hawaii, Volume I, Number 16, 1 August 1834 — Untitled [ARTICLE]

Wailuku, Mei 13, 1834. E Aneru,—Ke hoouna aku nei au ia oe i ka palapala o k'ou holo ana i Honuaula a i Kula, a i Hamakua loa, a i Hamakua poko, e hai aku i ka olelo a ka Haku, a e ike i ka hana a ka poe kumu, a me ka lakou poe haumana i hana'i i keia mau la. Aloha ia oe. Kou kaikaina, J. S. GARINA. Satude, Mei 3, 1834. I ke kakahiaka nei holo mai au e ike i na kanaka e noho ana ma na kua aina, a e hai aku ia lakou i ka olelo a ka Haku. Ma ka lio ko'u holo ana. Ua maikai ke ala a hiki i Kawailepolepo—uuku paha ka hana i koe a hiki ke kaa ilaila. Ma Kawailepolepo, hoike mai kekahi kula, a mahope iho, hai aku au ia lakou i ka olelo a ke Aleua. Amosa 4: 12. ka'u poo-olelo ia. A holo hou i kekahi kauhale. Kaluaihakoko, aohe kula malaila, aka, hoouluulu

au i kekahi poe kanaka, a hai aku au i ka Iesu olelo, Ioane 3: 3. Ahiahi, hiki au i Honuaula, a hoakoakoa na kanaka hai aku la au ia lakou i ka olelo a ke Akua ma Korineto elua 6: 2. Mei 4. Sabati. I ke kakahiaka hai aku la au i ka olelo a ke Akua i na kamalii o ia wahi, Kekahuna 12: 1. Aole nui loa na kamalii iloko o ka hale pule. Mahope iho, hai aku la au, i na kanaka, i ka ke Akua olelo 2. Korineto 5: 10. Elua tausani kanaka paha imua o'u. A ahiahi hai hou aku i ka Iesu olelo Luka 8: 17. Mei 5. Monede. I ke kakahiaka hoike mai ko Honuaula poe haumana. Aole makaukau ka nui o lakou. E imi ana kekahi poe i dala no ko lakou kino. A pau ka hoike ana, hai hou aku au ia lakou i ka olelo a ke Akua. Ioane 5: 39. Mahope, holo au i uka a hiki i Kula. Ke ala, "he ino, he aa, he nahelehel." E hiki no nae ke hana i ala maikai. Ua maikai ka aina. Aole nui ka ai e ulu ana i keia wa, no ka palaualelo o kanaka paha. Awakea, hiki au i Waiele. Malaila, hoike mai ke kula uuku, a hai aku au ia lakou i ka olelo a ke Akua, "E hiki mai kou aupuni." Holo hou a ahiahi hiki au i Loiele. Aole nui na haumana malaila. Hele liilii lakou e imi ana i ka dala no ke kino. Hai aku la au ia lakou i ka olelo a Iesu. Mataio 6:20. Holo hou a poeleele, hiki i Kalalua, a moe malaila. Ua nui ke anu i ka po. Mei 6. Tusede. Kakahiaka ae la, hoike mai kekahi poe haumana, a pau ae la, hai aku au ia lakou i ka olelo a ka Haku. Ma Mataio 6: 34. Holo hou ā hiki i Makawao, hoike mai kolaila poe haumana, a hai aku au i ka olelo a ke Akua. Ma Haliimaile kekahi, hoike mai na haumana. Aole nui ko laila kula—Ua maikai no nae, ua makaukau. A pau ka hoike ana, hooikaika au ia lakou e imi i na mea e pono ai lakou, a me ka aina--i lilo lakou i poe naauao io i ola lakou ia Iesu. Holo hou aku la a hiki i Haeku ma Hamakua loa. Ua pau ko Hamakua poe kula i ka hoakoakoaia—Ua makaukau ka-hi-makaukau ole kekahi. Pau ka hoike, kuhikuhi au imua o lakou i ka pono, a hooikaika au ia lakou e lilo wawe i poe hou. Ma Hamakuapoko, nui ke kula—uuku mamua, aole nui loa. Hai aku au i ka Iesu olelo, a pau ia, holo aku la au, a hiki i Wailuku. E hoomaikaiia ke Akua Amene. Eia ka papa e maopopo ai ka poe haumana i hoike mai ma Maui hikina. Mei wahine. kane. a pau loa. Kawailepolepo, 20 24 44 Honuaula, 112 103 215 Kula, 62 65 127 Makawao, 26 32 58 Haliimaile, 31 38 69 Hamakua loa, 173 236 409 Hamakua poko, 38 50 88 Waikapu, 42 47 89 Waiehu, 9 4 13 Napoko, 9 8 17

Waikuli, 10 15 25 Wailuku, 80 134 214 na makaainana —— 49 40 89 Na haumana —— ——makou. 661 796 303 661 1457 1457 a pau loa.