Ka Lama Hawaii, Volume I, Number 18, 1 September 1834 — Page 1

KA
LAMA HAWAII.
HE MEA IA E HOOLAHA IKE, A HE MEA HOI E PONO AI KE KULANUI.
"I naaupo ka uhane, aole ia he maikai.".......NA SOLOMONA.
Makahiki 1. MAUI, LAHAINALUNA, SEPATEMABA 1, 1834. Helu 18.

HE BEA KEOKEO.

NO KA BEA KEOKEO.

            Eiwa paha kapuai ka loa o ka Bea keokeo, a eha kapuai a keu kona kiekie. Ua oleloia, hookahi tausani eono hanere pouna ke kaumaha o kekahi; oia hoi ke kaumaha o ka Bipi nui. He umi iniha ka palahalaha o kona kapuai.
            Ua loihi kona nuku, pakole na pepeiao: ua nui loa na wawae, a ua pakole kona huelo. Ua loihi kona kino, a me kona ai; ua palahalaha na kapuai ona, a elima no manamana, me na maiuu oioi loa.
            He iwakalua niho ko na Bea a pau ma ka iwia luna, a he iwakalua kumamalua
            O kona hulu, ua keokeo melemele, aole keokeo loa. Ua loihi kona huluhulu, a manoanoa, a kunahihi.
            Aole holoholona i oi aku kona huhu a me ka maka ole, mamua o ko ka Bea keokeo. Ina i hahaiia, a eha paha, alaila, ka huhu weliweli loa, a e lawe no ia i ka loa ana e hele aku ai. Ina eha ia i kekahi, aole loa ia e hooki i ka hakaka, a make.
            Ua malama loa ia holoholona i kana keiki. Aole holoholona i pale ae i ka hewa e like me ia. Aole loa makau iki ke hakaka me na mea a pau loa. Ina i hahaiia ka makuwahine, o ke keiki kona mea manao mua, a malama loa no ia lakou. A ina e pepehiia, e palu aku no ia i ke keiki maloko o ka make me ka malama aku, aole loa haalele, a pau ka hanu ana.
            Aia ma Ainaomaomao, a ma Lapalani, kahi i loaa nui ka Bea keokeo, ma kahi makahiki.
            O ka ia kana ai, a me na mea i paa ia ia ma kahakai. E ai no hoi ia i ke kino o na kohola make, a pae wale mauka, a lana paha makai.
            Mauka no kona wahi noho nui ai, aka lilo, a luu ilalo i ka ia, a loaa no.
            O ka Bea keokeo ke alii o na holoholona ma na aina anu. Ma ia mau aina, aole holoholona pono ke hakaka pu me ia, nolaila, oia ke alii o na holoholona ma Ainaomaomao, a ma Lapalani.
            Okoa loa ka Bea keokeo okoa loa ka Bea eleele. O ka eleele o kekahi, a o ke keokeo o kekahi, malaila, kekahi like ole, a ma ka ai kekahi like ole, no ka mea, he ia a me ka io, oia wale no ka ai a ka Bea keokeo, aole loa ia i ai iki i na mea ulu. Aka, o ka Bea eleele, o na mea ulu, oia wale no kana ai, a i pololi loa, alaila ai ia i ka io. He loihi ka ai a me ke poo o ka Bea keokeo, a he puipui ke poo a me ka