Ka Lama Hawaii, Volume I, Number 20, 20 September 1834 — Page 3
LAMA HAWAII.
25 Mai kuko aku i kona maikai ma kou naau,
Mai puniheiia oe e kona mau lihilihi.
26 A i ka wa i lilo ai ka wahine i hookamakama,
Aia ke kane a ka wahine ma ka mamala ai,
Hoohalua oia i ka uhane waiwai,
27 E lawe anei ke kanaka i ke ahi ma kona poli,
Aole e wela ia mai kona kapa.
28 Ina e hele ke kanaka ma na nanahu a,
Aole anei e wela ia mai kona kapuai?
29 Pela ka mea e hele ana i ka wahine a kona hoalauna.
Aole e aponoia na mea e hoopa ia ia.
30 Aole i hoowahawahaia ka aihue i kona aihue ana.
Ina he mea ia e maona ai i kona pololi.
31 Aka, i loaa oia e uku pahiku no,
E haawi oia i ka waiwai a pau o kona hale.
32 O ka mea moekolohe me ka wahine, aole ona naauao.
Oia ka make o ka uhane ke hana ia.
33 E loaa ia ia ka eha a me ka hoowahawaha.
Aole hoi e holoiia kona mea e hilahila ai.
34 O ka lili ko ke kanaka mea ukiuki,
Aole ona aloha i kona la e hoopai ai.
35 Aole oia e manao nui i ke kalahala,
Aole hoi oia e oluolu, ke haawi mai oe i makana.
No ka Lama Hawaii. Helu 1.
"O ke kulanakauhale i ku i kahi kiekie, aole ia e nalowale." Pela ka Iesu. I ko'u manao, ua pili keia i ke kula nui. Auhea oukou e na haumana o ke kula nui? E noonoo oukou. Ua kukulu oukou i ko oukou kauhale i kahi kiekie. I ka holo ana o na malihini ma ka moana, a kokoke ka mea mua a lakou i ike maka ai. Aia no ko lakou maka maluna o oukou, aole paha me ka manao oluolu, me ka noonoo nae i ke ano, a me ka hope o ke kula nui. Aole pono anei oukou ke manao pinepine, e nana ana mai ka poe hewa ia oukou?
Aole lakou wale no. Ua kaulana no ke kulanui o Hawaii nei. Ua lohe ko Amerika poe haipule, a me kolaila poe naauao, a me ko Beritania paha, i keia kula; aia no ko lakou mau maka maluna o oukou. I ko lakou lohe ana i kela makahiki mamua aku nei, hauoli nui lakou. Manao lakou i keia kula i mea e hoomalamalama nui i keia pae aina, e like me ka la maoli i kona puka ana ma ka hikina i ke kakahiaka, e pau ai ka pouli o ka po. Manao lakou i ke kula nui, i punawai hohonu, i mea e oluolu ai ka aina, i ke kahe ana o kona wai mai kela kihi o ka aina a keia kihi, i mea e ulu nui ai na mea maikai a pau i kanuia. Aole pono anei ia oukou ke manao pinepine, aia no na maka o ka poe naauao, a me ka maikai o na aina a pau maluna oukou?
Aole paha ko lakou wale no. O ko'u manao, e nana mai ana kekahi poe o keia ao maluna, ma ka lani. Aia no paha na maka o kekahi o ko oukou poe alii na maka o Kalaimoku, a me Kaahumanu maluna o oukou, me ka makemake nui i ka pono o keia pae aina. E nana mai ana kekahi poe anela ia oukou, a e nana mai no hoi o Iesu ko lakou Haku ia oukou me ka makemake e lilo wale ai oukou i poe e pono ai ka aina. Aole pono anei oukou ke manao pinepine, aia no ko ka lani poe maikai e nana mai ana ia oukou? Oiaio—"he poe hoikeia mai oukou i ko ke ao nei, a i na anela a i na kanaka"
Auhea oukou? Ua akaka lea ia i ko'u manao, aia no ia oukou ka mea e pono ai ka aina. I ko oukou noho ana ma ka molowa, aole noonoo pono oukou, aole lilo i poe naauao, a me ke akamai, a me ka ikaika ma ka pono, pehea ko oukou malamalama? aole lilo anei ia i pouli? "A ina i lilo ka malamalama iloko ou i pouli, aoheio hoi o ka nui o ua pouli la!" I ko oukou noho ana pela, e lilo koke na punawai ole la i punawai awaawa, a e kahe mai na wai awaawa e make ai na mea a pau i kanuia ma ke kihapai o Iehova ma Hawaii. Ina pela ko oukou, e akaaka mai ka poe hewa; e uwe nui ka poe naauao, a me ka poe maikai, a e huhu mai ke Akua. Ina pela, aole lana iki ko makou manao, no ka mea, ua akaka lea ia i ko makou manao, aohe mea e olai ko keia pae aina he make hewa ka makou ma ke kula nui!
KE PAPAINOA NO NA MOKU I KU MAI NA LAHAINA I MAUI I NA MALAMA O MARAKI A ME APERILA A ME MEI 1834.
Ka manawa i ku ai. Na inoa o na moku. Na alii. Na wahi o na moku. Na malama ma ka moana. Na barela aila. Na barela o ia kau.
Maraki
11 Orion Gilford Nanetuketa 13 300 300
15 George & Mary George Lawrence Vineiada 27 2400 500
29 Enterprise John Stetson Nanetuketa 15 450 400
Alexander Cofin David Baker 15 600 350
Ape. 1 Kingston W. E. Sherman 17-5 250 150
3 Daniel Webster Philetus Peirson Saga Hareboro 7 50 50
4 Beaver Jared Gardner Hudesona 10 270 270
8 Pacific Paul Chase Nu Bedefoda 12-5 1050 1050
Timolion Joshua Bunker 27 1300 300
Stonington Benj. H. Lawton jr. Nu Ladana 7 30 30
Corinthian Stephen Grinnel Berisetola 15-5 300
Ann Parry Reuben RAY Potesemauta 15 500 500
Rodman Henry Lewis Nu Bedefoda 9 400 400
Pocahontas Charles Barnad Potesemauta 13 300
Ape. 10 Thomas Williams George Allen Setonitono 9 200 200
10 Arabella James Peirson Saga Hareboro 8 200 200
12 Zenas Coffin John B. Coleman Nanetuketa 21 1000 400
Eagle Joshua Grinnel Nu Bedefoda 8 400 400
14 Helvetius G. S. Brewster Nu Ladana 21 1100 300
16 Victory Matthew Mayhew Nu Bedefoda 22 1200 400
17 James Maury Henry Bigelow Salema 11 400 400
18 Caledonia Porter Smith Nu Ladana 33 2300 1000
19 Franklin Elijah Davis Nu Bedefoda 10 500 500
21 Boy Henry Champlain Warena 8 400 400
28 Amazon Reuben Creosy Faira Havena 10-5 200 200
29 Charles Henry George F. Joy Nanetuketa 17 1000 200
Marther Timothy W. Riddles Hudesona 7
Mar. 1 Orazimbo Lewis Adams Nu Bedefoda 15 700 450
3 Brighton Robert Tuckerman 29 2200
10 Ohio Charles W. Coffin Nanetuketa 3-3 550 550
12 Maria Alexander Macy 18 600 400
Iune 3 George Nehemiah Wort 18 850 400
32 Na moku 476-5 22050 10050