Ka Lahui Hawaii, Volume I, Number 9, 25 February 1875 — Page 5
PANAI NO "KA LAHUI HAWAII."
HONOLULU, POAHA, FEBERUARI 25, 1875.
Moolelo o ka Ahahui Euanelio o ka Mokupuni o Oahu.
Halawai ka Ahahui o ka mokupuni o Oahu ma Kaumakapili i ka la 7 o Feberuari A D 1875 hora 11 A. M. Wehe ia na hana me ka haiao a P. W. Kaawa ma Oih. 2—39.
Eia na Kahu me na Elele i hiki mai:
Kawaiahao Rev. H. H. Paleka Moo
Kaumakapili, — D. Nuhi
Kalihi me Moanalua, S. Paaluhi Huka
Ewa, — —
Waianae, — A. Kekilo
Waialua, J. N. Paikuli Kapua
Kahuku, J. Kekahuna S. Kai
Hauula, — Maluae
Kahana, D. Kekiokalani Kauwa
Waikane, — Puuweuweu
Kaneohe, — Meemano
Waimanalo, S. Waiwaiole Mahoe
Wailupe, — Kawai
NA LALA MAU
Rev. L. Kamika, J. F. Pogue, B. W. Paleka, P. Naone.
Koho ka hale ia Rev. D. Kekiokalani i Lunahoomalu, o Rev. J. Kekahuna i Kakauolelo.
Koho ia ke Komite imi Hana, Rev. J. F. Pogue S. Waiwaiole me Paaluhi.
Ma ke noi a Rev. J. F. Pogue, ua koho ia o Rev. M. Kuaea i hoa kuka no ka aha.
Ma ke noi a P. W. Kaawa, ua malamaia he wa haipule a hiki i ka manawa e hoike mai ai ke Komite imi Hana.
Na hoike a ke Komite imi Hana:
1 Hapalua hora haipule mamua o kela la keia la.
2 Na hoike Kihapai.
3 Na heluhelu Haawina.
4 Na Palapala Hoopii.
5 Koho ana i mau komite no ka Ahahui nui o Iune e hiki ana.
6 Heaha na mea e hoohoihoi ai i na manao o na Kahu o keia Aha.
7 No ka ona.
8 No ka huikau o ka noho ana o na hoahanau aole i mareia.
9 No ke Kula Kahunapule.
10 No ka Oihana Kuloko.
11 No ka Oihana Kuwaho.
12 He pono anei ka pule pualu ana ma ke Anaina Sabati, ma ka pule a ka Haku.
13 No na Ekalesia Kahu ole.
Hoomaha ka Aha.
Hora 1½ P M halawai hou ka Aha, pule ka Lunahoomalu.
Hapaiia ke kumuhana elua, no ka Hoike Kihapai.
Na Rev. J. Kekahuna D. Kekiokalani Puuweuweu Kakauolelo S. Waiwaiole J. W. Paikuli H. H. Paleka D. Nuhi A. Kaoliko S. Paaluhi D. K. Maluae Mr. Kawai i heluhelu mai i ka Hoike Kihapai o na Ekalesia o Kahuku, Kahana, Waikane, Kaneohe, Waimanalo, Kawaiahao, Kalihi a me Moanalua, Waianae, Waialua, Kaumakapili, Hauula, Wailupe.
Ma ke noi ua kohoia o Rev. E. T. Doane i hoa kuka no ka Aha.
Ma ke noi ua hooholoia ka hora 9½ A M o ka la apopo i manawa e hoolohe ai ia Mr. Doane no na mea hou o Maikonisia.
Na S. Waiwaiole i hoike i kana hana no Waikane.
Hoopaneeia ka halawai a ka hora 9 A M o ka la apopo me ka pule a Mahoe.
POAKOLU, LA HANA 2, FEB. 10.
Koho ia na komite mau.
Eia na komite imi kumumanao Rev. J. N. Paikuli Kaawa me Mr. Puuweuweu.
Na Komite Pai Moolelo, Rev. H. H. Paleka me J. Kekahuna.
Lilo ka hale i ka hoolohe i ka hoike a Mr. Doane no na mea o Maikonisia. A pau ia hoopaneeia ka halawai a apopo.
POAHA, LA HANA 3, FEB. 11.
Halawai hou ka Aha i ka hora 9 A. M.
Hapaiia na hana o ka la.
Kumuhana 3 No ka heluhelu Haawina.
Heluhelu o J. Kekahuna i kana haawina, "Ka hai ana i ka Euanelio, heaha ia?"
Heluhelu o Rev. D. Kekiokalani i kana haawina, "Heaha ka mana o ke Kahu Ekalesia iloko o kona Ekalesia?"
Koho ia o J. M. Kealoha i hoa kuka.
Heluhelu o Rev. S. Waiwaiole i kana haawina, "Heaha na ipu i hoomakaukau ia no ka luku i hoike ia ma Roma 9—22?"
Hooholoia e pai ia keia Kumumanao ma ka nupepa.
Heluhelu o B. W. Paleka i kana haawina, "Heaha ua kanaka la o ka hewa i hoike ia ma Tesalonike 11.2:2—4?"
Hooholoia e paiia ia Kumumanao ma ka nupepa.
Heluhelu o L. Kamika i kana haawina, "E wehewehe i ka pauku ma Ioane 5:17?"
Heluhelu o Rev. H. H. Paleka i kana haawina, "E wehewehe i ka pauku ma Kinohi 4:15?"
Hoopanee ia ka halawai a i ka hora 1 PM
Halawai hou ka Aha ma ka hora 1 P. M.
Heluhelu o Puuweuweu i kana haawina "Nohea mai ka palaka nui loa o na Ekalesia, no na Kahu anei, no na Ekalesia paha?"
Heluhelu o Rev. J. N. Paikuli i kana haawina, "Pehea la e mahuahua ai ka manaoio?"
Hoopanee ia ka halawai a halawai hou i ka la apopo.
POALIMA, LA HANA 4, FEB. 12.
Hapaiia ke Kumuhana 4. No na Palapala Hoopii.
He palapala mai ka Aha o Kauai mai, e hookuu mai ana ia T. Puuohau ma ke ano he keiki na ia Aha, e lilo i keiki na keia Aha. Ua apo aku keia Aha iaia.
He palapala kahea na ka Ekalesia o Kaumakapili ia Rev. M. Kuaea.
Ma ke noi ua waiho ia keia ma ka lima o kekahi mau komite, Rev. L. Kamika, S. Waiwaiole, me J. N. Paikuli.
Ma ke noi ua koho ia i mau komite hooponopono i ke Kumukanawai o keia Aha, B. W. Paleka, M. Kuaea, me J. F. Pogue.
Hooholoia.—E apo keia Aha ia M. Kuaea i hoa no keia Aha.
Hooholoia.—O Rev. J. N. Paikuli ke komite e hoike i na hana o keia Aha imua o ka Aha nui, a o ke Komite no na hoike Kihapai o Rev. S. Waiwaiole, na Elele o Maluae no Hauula, Meemano N. Kaia Kawaha me S. W. Kauai.
Kumuhana 6. Heaha la na mea e hoohoihoi ai i na manao o na Kahu o keia Aha.
Koho ia he komite na na e waiho mai i olelo hooholo. O H.H. Paleka me S. Waiwaiole na komite.
Ka hoike a ke Komite no na Palapala kahea i ka ekalekia o Kaumakapili.
Ua neoneo ko oukou Komite i ka palapala kahea ia Rev. M. Kuaea e hele mai a lilo i Kahu no ka Ekalesia o Kaumakapili ua manao makou ua maikai a pololei ka palapala kahea, a ua maikai hoi ka palapala e pane mai ana, nolaila, ua manao ko oukou Komite, he pono i keia Aha e koho i komite e hoonoho ia Rev. M. Kuaea i Kahu no ka Ekalesia o Kaumakapili. L. Kamika, S. Waiwaiole, J. N. Paikuli, na komite.
Hoopanee ia ka halawai a halawai hou i ka hora 1.
Halawai hou ka Aha.
Kumuhana 7. No ka ona.
Hooholoia.—Na Rev. J. N. Paikuli e haku i olelo hooholo a hoolaha ma ka nupepa.
Ua kamailio nui ia na Kumuhana 8, 9, 10, 11, 12.
Ka hoike a ke Komite haawi Kumumanao.
1 Heaha ka hana a na Ekalesia no ka poe ilihune? Rev. J. Manuela.
2 E hoike i ke ano o kela me keia pule? Rev. P. W. Kaawa.
3 E wehewehe ia ka Pauku ma Halelu 76:10. Rev. H. H. Paleka.
4 Ka mohai a Aberahama a me ka manaoio i pili ia mohai. Rev. M. Kuaea.
5 E wehewehe i ka Pauku ma I. Petero 4:18. Rev. S. Paaluhi
6 Heaha ka laaulapaau e ola ai, e pau ai ka palaka o na Ekalesia? Rev. S. Waiwaiole.
7 No keaha i loaa nui ole ai ka Uhane Hemolele maluna o na Ekalesia o Oahu nei? Rev. D. Kekiokalani.
8 E wehewehe i ka Pauku ma Oihana 26:28 T. Puuohau.
9 O ka hoopaakiki hea o ka naau o ke kanaka ka ke Akua i hoonaukiuki ai i hoikeia ma Halelu 95:8. Rev. L. Kamika.
10 Heaha ka makaukau mua o ka Uhane iloko o ka naau o ke kanaka?
No ka Ekalesia o Waikane.
11 E wehewehe i ke ano o na pauku ma Hoikeana 11:3—11. Rev. B. W. Paleka
12 Pehea ke ano o ke aloha ana o na Kahuhipa i ka lakou mau hipa? Rev. J. N. Paikuli.
13 E wehewehe i ke kulana o ka Ekalesia o Kawaiahao, mai ia Binamu a hiki i keia wa. P. Naone.
14 E wehewehe i ka Pauku ma Mataio 24:15. Rev. J. F. Pogue.
15 Pehea la e pau ai ka hoomanakii ma Hawaii nei? Ekalesia o Ewa.
16 Pehea la e ulu ai ka ikaika o ke Kahunapule i ka hana a kona Poo. Rev. J. Kekahuna.
17 Pehea ka pono e loaa mai ana no ka Ekalesia Wailupe, o kona kuokoa paha, o kona hoohuiia mai paha? Ekalesia o Wailupe.
Hooholoia e hoonohoia o Rev. M. Kuaea i Kahu no ka Ekale sia o Kaumakapili i ka Sabati la 28 o Feberuari, i ka hora 3 P M.
1 Pule mua, heluhelu Baibala, himeni, S. Waiwaiole
2 Pule hoonoho, P. W. Kaawa
3 Himeni 2 & Haiao, J. F. Pogue
4 Lima aloha, H. H. Paleka
5 Kauoha i ke Kahu, B. W. Paleka
6 Kauoha i ka Ekalesia, L. Kamika
7 Himeni hope & hookuu, M. Kuaea
Hoopaneeia ka halawai a apopo.
POAONO, LA HANA 5, FEB. 13.
Halawai hou ka Aha i ka hora i hoopaneeia ai.
Kumuhana 13. No na Ekalesia Kahu ole.
Hooholoia o Rev. S. Waiwaiole ke komite nana e malama i ka Ekalesia o Waikane.
Hooholoia o Rev. D. Kekiokalani ka mea lawelawe no ka Ekalesia o Hauula, me ka hui pu mai o Rev. M. Kuaea.
No ka Ekalesia o Wailupe. Hooholoia e hoomauia no ia Ekalesia malalo o ka Rev. H. H. Paleka malama ana.
Hooholoia nana Kahu o Honolulu e malama i ka Ekalesia o Ewa.
Hooholoia na Rev. J. N. Paikuli e malama i ka Ekalesia o Waianae.
Hooholoia e lilo ka Poaha hope o Feberuari nei i la haipule no na kula.
Ka hoike a ke Komite no na mea e hoolana ai i ka manao o na Kahu o keia Aha.
Oiai he nui na hi-o ana e kau nei maluna o ka hana a ka Haku iloko o na Kihapai Ekalesia o keia Ahahui, he mea e kaumaha ai ka manao o ka poe i aloha io i ko ke Akua aupuni, a oiai ua kamailio nui keia Aha no keia mea, me ka imi pu ana i na mea e lana ai ka manao o na Kahu iloko o ka lakou hana kaumaha.
E Hooholoia.
1 He mea pono i na Kahu Ekalesia o keia Ahahui ke hookokoke aku a pili loa i ke Kahuhipa nui, oia wale no ka mea i hiki ke kokua a e hoolana i ka manao o kona poe paahana iloko o na wa kaumaha a pau.
2 He mea pono i na Kahu me na luna Ekalesia ke waele aku i na Ekalesia me ke kanalua ole, e hookaawale i na lala maloo mawaho o na ekalesia, he pono ke hanaia keia me ke akahele, me ke aloha a me ka manaopaa no nae.
3 He mea pono i na Kahu ke hoakoakoa pinepine i na haipule uuku o ko lakou mau ekalesia, a e waiho aku i na manao kaumaha me na luuluu o ka Ekalesia imua ona me ka manaoio, ma kahi i akoakoa ai Elua a Ekolu ma ka inoa o ka Haku, malaila pu no o Karisto me lakou.
4 Olelo Hooholo. Ke mahalo aku nei keia Aha i ka Ekale sia o Kaumakapili no ko lakou malama maikai ana i keia Aha ma na mea e oluolu ai ke kino.
Hooholoia, aia a halawai hou ka Aha e halawai ma Kawaiahao i ka Poalua elua o Sepatemaba.
Heluhelu ia ka moolelo a hoopanee ia.
Ke makaikai nei o Kauka Kulika i na kihapai misionari ma Tureke.
Ua poholo ka mokuahi Cartes ma ke kai kuono o Biscay, a he 26 poe i make.
Ua hai aku o Bisimaka i ke aupuni o Sepania e kali ana o Geremania i ka ike aku i ke aupuni hou, aia a wehe ia kekahi olelo o Tepania e hoopau ana i kekahi mau nupepa hoolepope, a aia no hoi a wehe hou ia ka halepule hoolepope ma Cadiza, alaila ike aku o Geremania ia Sepania ma ke ano he aupuni.