Ka Lahui Hawaii, Volume I, Number 29, 15 July 1875 — Page 4

Na Ekalesia o Kawaiahao a me Kaumakapili.

Halawai kakahiaka, la Sabati .... hora 10½
Halawai po ..... hora 7½
Halawai Apana auina la ..... hora 3½
Kula Sabati ..... hora 9½

NA KULA SABATI.
NA HAAWINA.
Au g. 1—Ka wai o ke Ola—Ioane IV:5—15.

5 A hiki aku la ia i kekahi kulanakauhale o Samaria, o Sukara ka inoa, e kokoke ana i ka aina a Iakoba i haawi aku ai no kana keiki no Iosepa.
6 Ilaila ka punawai o Iakoba. No ka maluhiluhi o Iesu i ka hele ana, nono iho la ia ma ua punawai la: o ke ono paha ia o ka hora.
7 Hele ae la kekahi wahine no Samaria e huki wai: i mai la o Iesu ia ia, Ho mai no'u e inu.
8 No ka mea, ua hala ae na haumana ana i ke kulanakauhale e kuai i ai.
9 Alaila ninau aku la ka wahine no Samaria ia ia, No ke aha la oe, he Iudaio, e noi mai nei ia'u, i ka wahine no Samaria, i mea inu? No ka mea, aole e launa pu na Iudaio me ko Samaria.
10 Olelo mai la o Iesu ia ia, i mai la, Ina ua ike oe i ka makana o ke Akua, a i ka mea hoi e olelo ana ia oe, Ho mai no'u e inu; ina ua noi mai oe ia ia, a ua haawi aku ia i ka wai ola nou.
11 Olelo aku la ka wahine ia ia, E ka Haku, aole o'u bakeke, a ua hohonu ka punawai; nohea la e loaa'i ia oe ua wai ola la.
12 Ua oi aku anei oe mamua o Iakoba o ko makou kupuna, nana i haawi keia punawai no makou, a nana hoi i inu i ka wai, a me kana poe keiki, ame kana poe holoholona?
13 Olelo mai la o Iesu, i mai la ia ia, O na mea a pau e inu i keia wai, e makewai hou aku no ia.
14 Aka, o ka mea e inu i ka wai a'u e haawi aku ai ia ia, aole loa ia e makewai hou aku; aka, o ka wai a'u e haawi aku ai ia ia, e lilo ia i wai puna iloko ona e pipii ana i ke ola mau loa.
15 Olelo aku la ka wahine ia ia, E ka Haku, ho mai no'u ua wai la, i ole e makewai hou aku au, i ole hoi e hele hou mai ia nei e huki.

——:o:——

O ka mea i kaulana loa ai ka aina o Kanaana, oia no ka hanau ana o ko kakou Haku malaila. Oia ka aina hanau o Iesu. Malaila no hoi kahi ana i ao ai, a me kahi ana i hana ai i kana mau hana mana. I ka wa o Iesu ua mahele ia ka aina iloko o na apana ekolu; o Iudea ma ka hema, o Galilaila ma ka akau, a o Samaria mawaena. Ma keia mokuna e ike ai kakou ia Iesu iloko o keia mau apana ekolu. I. Hele oia mai Iudea aku, p. 1—3. II. Hele oia mawaena o Samaria, a me kana mau hana malaila, p. 4—42. Hele hou aku la oia a i Galilaia, noho iho la ilaila, a hana hou i ka hana mana, p. 43—54. Ua pili ka haawina no keia la no ko Iesu kamailio ana me ka wahine no Samaria. Hele aku lao Iesu a hiki i Sukara; ua luhi a noho iho la ma ka punawai a Iakoba. O Iesu hookahi malaila, a hele mai la ka wahine e huhi wai. Noi ka Haku e haawi mai i wai, alaila hoomaka laua e olelo. Hoino mai ka wahine ia ia ma kona ano Iudaio. Hoike aku o Iesu ma ka pauku 10 i ka wai o ke ola. 1. O Iesu Kristo, oia ka makana o ke Akua i ko ke ao nei; oia ka wai o ke ola. Aole e ola ke  kanaka pale aku ia Kristo. O ka Hoola hookahi ia; aole inoa e ae i haawi ia mai e ola'i kanaka. 2. O keia makana o ke Akua, ua hoohaahaa loa oia iaia iho, ua hele mai imua o kanaka e noi ai; ua launa me ka poe o ke kulana malalo loa. Ua haawi wale mai Oia Iaia iho i na kanaka. He pomaikai nui keia no ko ke ao nei. 3. Oiai ua haawi wale ia mai keia makana, o Kristo, he nui loa ka poe e nele nei a e nele ana no. Aole lakou i ike i ka mea i hele mai iloko o ka olelo a ke Akua e hoola ia lakou; no ia ike ole, ua nele.
Moolelo o ka Ahahui Kula Sabati o ko Hawaii Pae Aina.
Kawaiahao, Iune 10, A. D. 1875, hora 1 P. M., o ka Peresidena C. J. Laiana ma ka noho, na ka Peresidena ka pule. Na lala i hiki mai.
No Hawaii—Kalapana, Puna, Kahu Kula Sabati a me Elele G. W. Kaikuahine; Laupahoehoe, Hilo, G. W. Moo; Hamakua Hikina, Hamakua Waena, Hamakua Komohana a me Waimea, Hawaii, Kamaihoolewa.
No Maui—Honokohau, S. L. Kalama; Honuaula, Rev. L. Kaiwi; Lahaina, B. W. Kekapa; Kipahulu, J. L. Kekaulike; Molokai a me Lanai aohe elele.
No Oahu—Kawaiahao, S. B. Dole; Kalihi me Moanalua, Kanikahoe; Waimanalo, G. Apela.
No Kauai—Koloa, Nakapaahu; Lihue, Hosea Kahele; Anahola, G. B. Meheula; Koolau, G. M. Keone.
Na Kahu Ekalesia i hiki mai i ka halawai.
No Hawaii—Hilo, Rev. A. O. Forbes; Hakalau, Rev. S. Kukahekahe; Kohala Hema, Rev. S. Aiwohi; Kona Akau, Kekaha, Rev. G. P. Kaonohimaka; Kona Akau, Helani a me Kailua, Rev. J. Waiamau; Kona, Kealakekua, Rev. S. W. Papaula; Kalapana, Rev. S. Kamelamela.
No Maui—Hana, E. Helekunihi; Kipahulu a me Kaupo, D, Puhi; Honuaula, L. Kaiwi; Lahaina, A. Pali; Molokai, Pelekunu, N. Pali.
No Oahu—Kawaiahao, H. H. Paleka; Kaumakapili, M. Kuaea; Kalihi a me Moanalua, S. Paaluhi; Waialua, J. N. Paikuli; Kahana, D. Kekiokalani; Waimanalo, S. Waiwaiole.
Hapai ka aha no ke Komite hoomakaukau buke himeni hou, oia hoi o S. B. Dole, a hooholo ka aha e hoomau aku ia S. B. Dole, a e pani ia Rev. M. Kuaea ma kahi o Rev. P. W. Kaawa, a ia C. J. Laiana ma kahi o Rev. H. H. Paleka.
A ma ka manao o ka aha, i hapalua dala ke kumukuai no ka Buke Himeni hookahi, a hooholoia i Elima Haneri Dala ($500.) e lilo no ia hana. Hapai ka aha no ka hoike o na Kahu Kula Sabati Nui o na aha Mokupuni.
Hoike waha mai o Rev. J. Waiamau, no na Kula Sabati o Hawaii Komohana.
No Maui Hikina, Rev. E. Helekunihi; hoike waha mai oia no na Kula Sabati oia apana.
No Maui Komohana a me Lanai, hoike mai o Rev. M. Kuaea, aohe lakou i lawelawe ia hana.
No Oahu—Hoike mai o C. J. Laiana no kekahi hapa o na Kula Sabati o Oahu. Hoike mai o S. Waiwaiole ka Hope Peresidena no ke Kula Sabati o Waianae a me Waialua.
Hoike mai o A. O. Forbes, no ke Kula Sabati o ka Ekalesia Haole o Hilo.
Heluhelu mai o Nakapaahu no ke Kula Sabati o Koloa i Kauai.
Hoike waha mai o Rev. S. Kamelamela, no ke Kula Sabati o Kalapana a me Opihikao.
Hoike mai o Hosea Kahele no ke Kula Sabati o Lihue, Kauai.
Hoike mai o L. Kaiwi no ke Kula Sabati o Honuaula, Maui.
Hoopaneeia a halawai hou i ka Poalua, Iune 15, hora 1 P. M. Pule o J. Waiamau.
LA HANA ELUA.
Halawai hou ka aha e like me ka hoopanee, ka Peresidena ma ka noho. Pule o G. Puuloa.
Heluhelu mai ke Kakauolelo i ka moolelo o ka la mua, me ka moolelo o ka makahiki i hala, me na hooponopono, a hoaponoia.
Heluhelu mai o C. J. Laiana he palapala e pili ana i ka Buke Himeni Hou, mai a H. M. Wini mai.
Heluhelu mai ke Kakauolelo he palapala hookohu mai ke Kula Sabati o Kipahulu, Maui, no J. L. Kekaulike.
Heluhelu mai o C. J. Laiana he palapala hoike no ke Kula Sabati o Waimea, Hawaii.
Hoopanee na hana no ka hoike o na Kula Sabati. Hapai ia ka hana ma ka heluhelu ana mai o ke Kakauolelo i ka moolelo o ka halawai o ka A. D. 1874.
Hooholo ka aha e hoopanee ka halawai akea o ke Kula Sabati a kela makahiki aku.
Hapai ka aha no na papa helu o na Kula Sabari. A hoouna aku i na Kahu Kula Sabati Nui o na aha mokupuni.
Ma ke  noi mai o kekahi o na hoa o ka Ahahui Kula Sabati Oahu, e lawe ia aha i na lilo no ua papa panihakahaka.
Hapai hou ka aha no na Buke Himeni e hoihoi hou aku ia H. M. Wini, a e kuai aku kela hoa keia hoa ia buke e like me ka makemake; me ka mahalo pu aku ia H. M. Wini.
Hapai ka aha no ke koho ana i Peresidena, a ma ka manao o ka aha, na ke Kakauolelo e haawi aku ma ka balota, a nolaila, ua koho pono ia o C. J. Laiana i Peresidena, a o Rev. S. Waiwaiole ka Hope Peresidena. Koho ka aha ma ka balota ana i Kakauolelo, a ua koho ia o S. Paaluhi i kakauolelo.
Hapai ka aha no ke koho i mau Kahu  Kula Sabati Nui no na aha mokupuni.
No Hawaii Hikina, Hon. J. Nawahi ke Kahu Kula Sabati Nui, Rev. S. Kamelamela kona hope; Hawaii Komohana, J. Waiamau; Hawaii Akau, S. Aiwohi.
Maui Hikina, E. Helekunihi; Maui Waena, P. W. Kahale; Maui Komohana a me Lanai, A. Pali; Molokai, E. Kekoa; Oahu M. Kuaea; Kauai, W. H. Lice.
Na Komite hooko—H. H. Paleka, S. B. Dole, Z. P. Poli, W. L. Moehonua a me M. Kuaea; ka Puuku, S. B. Dole.
I ekolu la halawai o keia aha i ka Makahiki Hookahi Tausani Ewalu Haneri Kanahiku Kumamaono.
Komi te pai moolelo—C. J. Laiana a me S. Paaluhi, a e hoolaha ia ma na nupepa elua o kakou.
Ma ka manao o keia aha e pono e lawe like na Kula Sabati a pau i na haawina i hoomakaukauia e ka Makua Rev. L. Laiana, no na haawina Kula Sabati i paiia ma na nupepa Hawaii o kakou.
E hoopanee keia aha a halawai hou i ka malama o Iune, A. D. 1876 ma Honolulu nei. Pule o Rev. P. W. Kaawa, himeni, pule o Rev. S. Kukahekahe.
S. PAALUHI, Kakauolelo.

MA RE.

Mar. 21.—Ma Kalihiwaena, Oahu, ua hoohui ia o Amana pake me Kaumu w. Na Rev. S. Paaluhi lua i mare.
Ma r. 30.—Ma Manoa, O., ua hoohui ia Frank Metcalf, me Miss Alice Forsyth. Na Rev. S. Paaluhi laua i mare.
Mei 30.—Ma Kalihi-waena, O., ua hoohui ia o Davida Hoopii me Miss Wahineai Kaaiai. Na Rev. S. Paaluhi laua i mare. Iulai 4—Ma ia wahi no mare ia o Raymond Reyes me Miss Kapeka. Na Rev. S. Paaluhi laua i hoohui.
          O KEIA poe mare a pau malalo iho, ua hoohui ia lakou e Rev. L. Kaiwi, ma Honuaula, Maui. Ma Honuaula, Maui, ua hoohui ia o Apao (pake) k, me Moanauli w. Na Rev. L. Kaiwi laua i mare. O Kinolua k. me Nalae w. Halomoana k. me Lono w. Makanui k. me Kahopuaiki w. Kaapa k. me Napoi w. Kalepa k. me Keaupuni w. Akaka k. me Paipai w. J. Louth me Maria Kanekoa w. Geo. Kaiama me Kuala w. Kaoao me Makapo w. G. Lake me Maria w. Luahine me Limahui w. Kailipalauli me Kahelkawelu w. Kamahalo me Keliikoliola w. Akuma (pake) me Niau w. Pili me Koreka w.

HANAU.

Ma Kaakopua, Honolulu nei, Iulai 9, hanau o Kaolelo w, na ka wahine a H. J. Kaaha.

MAKE.

Iulai 8.—Ma keia Kaona, make o Kapena Lona (Capt. Thos. Long,) i ka 61 o kona mau makahiki.
Iulai 9—Ma keia Kaona make o Makanahelehele k.
Iulai 10—Ma keia Kaona, make o Robata Self (Robert Self,) i ka 45 o kona  mau makahiki. He haole oia i aloha nui ia, oiai, he kahu lio nui oia na na Moi i hala a hiki wale i keia au. Ua waiho iho he wahine a me na keiki e u ana nona.
Iulai 10—Ma Honokaupu, H. O, make o Kainamoo k.

S. B. DOLE.

LOIO a he Alakai ma na mea pili Kanawai. Ua makaukau oia e pale i na hihia imua o na Aha Hakolokolo a pau o keia Aupuni, me ke kakau ana i na Palapala Pili Kanawai, ma ka olelo Hawaii a me ka olelo Beritania.  29 6m.

Laau Ola, Laau Ola.
AIA MA KAHI O
DILLINGHAM & CO.
KA LAAU KAULANA A
BISHOP SOULE!
HE LAAU HAMO MAIKAI KEIA!

a ua kaulana iwaena o ka poe nana i hoao; he mea e ola'i
Ka Hui, Lumakeke, Kikala-hanee, Mau-i, O a me na mai o ia mau ano.
UA HOAO IA KEIA LAAU A UA MAHALO nui ia. "He umikumamalua makahiki o ka oopa ana o kekahi mea, a i keia laau ua ola koke." Wahi hoi a kekahi, "He laau waiwai loa keia no ka hikiwawe o kona hoola ana." wahi hoi a kekahi, "Ua pau ko'u hoomaloka, ua hoao au i na laau e ae a pau, aole i ola kuu LUMAKEKE, he nui na makahiki o kuu kaa ana i ka eha, a i nei laau ua ola au, ola loa." Eia hou ka kekahi, "He nui na makahiki o ka waiho ana o kuu wahine ma kahi moe me ka mai, ua lapaau ia aole ola, a i ko maua lohe ana i keia laau kaulana, ua hoao ia, a ua ola koke ia iloko o na pule eono." E hoao ka poe mai i keia laau kaulana. Aia ma ka Halekuai o DILLINGHAM & Co., oia hoi ka hale o Kaimana.
Laau Kaulana
A KAUKA SUCH!
He laau e ola'i ke KUNU, ka eha o ka PUU, me ka HANO me na eha a pau e pili ana i ke AKEMAMA. Aia ma kahi o Dillingham & Co., ma ka Halekuai o Kaimana.
7-1 y

G. WEST!

HALE HANA KAA HOLO LEALEA ME na kaa hali ukana. E hana hou ia no ho na kaa nahaha no ka uku oluolu. E kapiliia n kapuai lio, no ka uku kupono. Ma ka hale hana mua o Mr. Benfield, ma ke Alanui Alii.  7-1y

NA BUKE
I HOOLAHAIA E KA PAPA HAWAII
—ME KE—
KUMUKUAI O KELA ME KEIA.

BAIB ALA HEMOLELE NUI ILI GULA NANI me na kuhikuhi ma na aoao ..... $12.00
Baibala Hemolele Nui ili eleele kaekae wai gula ..... 5.00
Baibala Hemolele uuku iki iho kae wai gula ..... 8.00
Baibala Hemolele uuku iki iho kae wai gula ..... 4.00
Baibala Hemolele ili eleele ..... 2.00
Kauoha Hou ili gula nani me na kuhikuhi ..... 3.00
Kauoha Hou ili eleele kaekae wai gula ..... 1.00
Kauoha Hou ili eleele ..... .75
Kauoha Hou Hapa Haole ..... .75
Moolelo Ekale sia ..... .50
Haiao ili lahilahi ..... .10
Hele Malihini ana ..... .25
No ko ke Akua ano ..... .25
Hoike Palapala Hemolele ..... .25
Moolelo o Hene ri Opukahaia ..... .15
Hoike Akua ..... .25
Wehewehehala ..... .25
Ninau Hoike ili manoanoa ..... .50
Ninau Hoike ili lahilahi ..... .20
Kumumua Kula Sabati ..... .20
B uke Lawe Lima ..... .10
He Buke no ka Pope ..... .15
Ui Kula Sabati Helu 3 ..... .25
Ui Kula Sabati Helu 4 ..... .15
Ui Kula Sabati Helu 5 ..... .25
B uke Euanelio o Ioane Hapahaole ..... .10
B uke Wehewehe Huaolelo Baibala, elua ano ..... 2.00
B uke Wehewehe Ano Mataio ..... 1.00
NA KAUOHA HOU PAKEKE.
Ili gula nani ..... 1.50
Ili eleele kaekae nani ..... .50
Ili eleele ..... .35
KAUOHA HOU PAKEKE ME NA HALELU.
Ili gula nani ..... 1.70
Ili eleele kaekae wai gula ..... .65
Ili eleele ..... .50
NA HALELU PAKEKE.
Ili Gula nani ..... .50
Ili eleele kaekae wai gula ..... .30
Ili eleele ..... .20
Ka Hae Hoonani (Buke Mele) ..... .25
NA BUKE MELE.
Himeni Hawaii ili nani ..... 1.75
Himeni Hawaii ..... 1.00
Kumu Leo Mele ili manoanoa ..... .50
Kumu Leo Mele ..... .10
Li ra Kamalii ..... .25
Li ra Hawaii 1848 ..... .25
Li ra Hawaii 1855 ..... .25
Hae Hoonani ..... .25
Leo Hoomana ..... .20
EIA NA BUKE HAAWI WALE.
PALAPALA LIILII—
Helu 4—Makemake anei oe i ke ola?
Helu 6—E hele i o Kristo la.
Helu 7—Ka hoi ana mai o ke Keiki Uhauha.
Helu 11—No ka hoohiki wahahee i ke Akua.
Helu 16—Ka Eehia ana o ka Ahaaina a ka Haku a me ka Bapetizo ana.
Helu 17—Mai hana ino i na holoholona.
Helu 18—No ka mahi ana, kuai ana a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
Aia ke keena kuai buke o ka Papa Hawaii ma ka huina o Alanui Betela me Alanui Kalepa, e kokoke ana i ka Hale Leta.  J. F. POKUE.
Kakaule ta o ka Papa Hooko o ka Ahahui Euanelio o ko Hawaii Pae Aina.