Ka Lahui Hawaii, Volume I, Number 52, 23 December 1875 — Page 4

Na Ekalesia o Kawaiahao a me Kaumakapili.

Halawai kakahiaka, la Sabati .... hora 10½
Halawai po ..... hora 7½
Halawai Apana auina la ..... hora 3½
Kula Sabati ..... hora 9½

NA KULA SABATI.
NA HAAWINA.
1876—Ian. 9. Ka poniia ana o Davida i Alii.—I Samuela 16:1—13.

1 Olelo mai la o Iehova ia Samuela, Pehea la ka loihi o kou uwe ana ia Saula, no ka mea, ua haalele au iaia, aole oia ke alii maluna o ka Iseraela? E hoopiha oe i kou pepeiao i ka aila, a e hele, e hoouna aku au ia oe i o Iese la no Betelehema : no ka mea, ua wae iho au i alii no'u iwaena o kana mau keiki.
2 I aku la o Samuela, Pehea la wau e hele ai? ina lohe o Saula, e pepehi mai ia ia'u. Olelo mai la o Iehova, E lawe pu me oe i bipiwahine, a e i aku, Ua hele mai nei au e kaumaha aku ia Iehova.
3 A e kahea aku oe ia Iese e hele mai i ka mohai, a e hoike aku au ia oe i kau mea e hana aku ai : a e poni iho oe no'u i ka mea a'u e olelo aku ai ia oe.
4 A hana aku la o Samuela i ka Iehova i olelo mai ai, a hele aku la i Betelehema; a haalulu na lunakahiko o ke kulanakauhale i kona hiki ana mai, i mai la, I hele mai nei oe me ke aloha?
5 I aku la ia, Me ke aloha no: i hele mai nei au e kaumaha aku ia Iehova ; e hoomaemae oukou ia oukou iho, a e hele pu mai me au i ka mohai. Hoomaemae aku la oia ia Iese a me kana mau keiki, a kahea aku la oia ia lakou i ka mohai.
6 ¶ A i ko lakou hiki ana mai, nana aku oia ia Eliaba, i iho la, He oiaio imua o'u ka poni a Iehova.
7 A olelo mai la o Iehova ia Samuela, Mai nana oe i kona ano mawaho, aole hoi i ka loihi o kona kino ; ua hoole aku au iaia : no ka mea, aole ma ka mea a ke kanaka i ike ; ke nana nei ke kanaka i na helehelena, aka, ke nana nei o Iehova i ka naau.
8 A kahea aku la o Iese ia Abinadaba, a hoike iaia imua o Samuela. I mai la ia, Aole i wae mai o Iehova i keia.
9 Hoike aku la o Iese ia Sama. I mai la ia, Aole o Iehova i wae mai i keia.
10 Hoike aku la o Iese i kana mau keikikane ehiku imua o Samuela. I mai la o Samuela ia Iese, Aole o Iehova i wae mai ia lakou nei.
11 Ninau aku la o Samuela ia Iese, O ka pau anei keia o na keiki? I mai la ia, O ka pokii wale noi koe, aia hoi, ke malama nei ia i na hipa. I aku la o Samuela ia Iese, E kii, a lawe mai iaia : no ka mea, aole kakou e noho iho a hiki mai ia.
12 Kii aku la ia, a lawe mai la iaia. He ehu, he nani kona mau maka, he maikai ke nana aku. Olelo mai la o Iehova, E ku ae oe, a e poni iaia, no ka mea, oia no ia.
13 Alaila lalau aku la o Samuela i ka pepeiaohao aila, a poni iaia iwaena o kona mau hoahanau : a hiki mai la ka Uhane o Iehova maluna o Davida ia la, a ma ia hope aku. Ku ae la o Samuela, a hele aku ma Rama.

———:o:———
KA WEHEWEHE ANA.

Ma kela pule, ua lohe kakou. Ua haalele ke Akua ia Saula no kona mau hewa. Na Samuela i hai aku iaia. Mahope iho, ua mihi Saula, ua ae, ua hewa, a noi ia Samuela e kala i kona hewa, a e huli mai a e hoomana pu ia Iehova. Hoole nae o Samuela, a huli haalele iaia, aka, ua haawiia he hoailona no ko ke Akua hoonahae ana i kona aupuni mai ona aku, heaha ia hoailona? 15:27, 28. Heaha hoi ke ano o ke Akua? p. 29. Hiki ole i ke Akua ke mihi. Ua oleloia nae, ua mihi ke Akua no kona hoolilo ana ia Saula i alii, heaha ke ano o keia mihi me ka mihi ole? Ma kekahi hana, ua like ke Akua me ke kanaka e mihi ana no kana hana mua. A ma kekahi hana, aole ona ano mihi, ua paa loa
kona manao e hooko i kana olelo, a hooko no. Heaha kekahi hana a Samuela i hana'i ia Agaga ke lii o na Ameleka? 15:32, 33. No ke aha oia i hana'i i keia, aole o Saula? A mahope pehea Saula, Samuela, ke Akua? p. 34, 35.
P. 1. Ehia mea ma keia pauku? 1 he ninau, 2 he kumu, 3 he kauoha, 4 he hoouna, 5 he wae. 1 Ninau ke Akua ia Samuela, pehea ka loihi o ke aha? Ua hewa anei Samuela no kona uwe loihi ana no Saula? 2 No ke aha e oki ai oia i kona uwe ana? No ke aha ko ke Akua haalele ana ia Saula? Aole anei oia i mihi i kona hewa? Ua mihi no, aka, he mihi hookamani, aole mihi io, aole pau ka hewa. 3 Heaha ke kauoha? He aila aha keia? He pepeiaohao keia e hoopihaia'na i ka aila poni. Heaha ka Samuela i lawe ai mamua no ka poni ana ia Saula? I Samuela 10:1. Mahea ka like ole o ka hue aila me ka pepeiaohao aila? Mahea ka oi? Owai ka oi, ke lii mua anei? kona pani paha? 4 E hoouna aku ana ke Akua ia Samuela i o wai la? ihea? Heaha Betelehema? aia mahea? 5 E wae ana ke Akua ia wai i alii?
P. 2—5. Ke kanalua ana o Samuela no ke aha? Pehea ke Akua i hoopau ai i kona kanalua? A i kona puka ana'ku i ke kulanakauhale pehea na lunakahiko? No ke aha ko lakou makau? Ma ke aha Samuela i hoopau ai i ko lakou makau? Ma kana mau hua aloha, &c.
P. 6—13. Ehia keiki a Iese e noho ana ma ka hale? Owai ka mua? Heaha ke kuhihewa o Samuela no Eliaba? Nana oia ma ke aha? Nana ke Akua ma ke aha? Heaha ka Iesu mau olelo no na Parisaio &c., ma Mataio 23:25—28? Pau na keiki ehiku a Iese i ka lawe ia imua o Samuela, aole nae i kohoia kekahi i alii, aole ke Akua i makemake ia lakou, a ane kuhi paha o Samuela aole e loaa ana i mea ana e poni ai i alii ma ka ohana a Iese, Ninau nae oia, heaha ia ninau? A pane Iese pehea? Owai ka mea i koe? Aia mahea oia? E aha ana hoi? A kii ia a laweia mai imua o Samuela kena ke Akua iaia e aha? A poni ia Davida, heaha ka i hiki mai maluna ona? Uhane aha keia?

NA MANAO PILI.

1 Nui paha ka poe mihi hookamani me Saula.
2 Nui paha ka poe i haalele ia e ke Akua no ka mihi hoopunipuni a hoomau ana i ka hana hewa.
3 Aole make e uwe a kaumaha, a pule no ka poe i haaleleia e ka Uhane o ke Akua, ke hoomaopopo ia mai lakou e like me ka poe i make, a haule iloko o ka luaahi. Makehewa a pule no lakou.
4 No ka maopopo ole ia kakou ka poe e ola nei i haaleleia e ke Akua, pono no ke uwe a kaumaha, a pule no na mea a pau, a pau ke ola kino.
5 Mai mahalo i na mea nui, maikai, nani ke nana'ku. Malama ua hoowahawahaia lakou e ke Akua.
6 Mai hoowahawaha i na mea uuku, ano ino, ilihune, naaupo. He poe uuku na kamalii, he aupuni uuku Hawaii nei. Nui ka poe naaupo, hawawa, &c. Malama ua makemake ia lakou e ke Akua.
He pokii o Davida, he kino uuku kona, he oihana hanai hipa. Iesu ka mamo a Davida, he helehelena i mahalo ole ia, ua hoowahawahaia e kanaka, aka, ua koho ia o Davida i alii, a o Iesu ka mamo a Davida, ua hookiekieia'e oia i alii nui maluna o na mea a pau. Hiki hoi ke lilo oukou na pokii i poe alii ma ka lani ke hahai oukou mamuli o Iesu.

NA AHAHUI EUANELIO.
AHAHUI EUANELIO HAWAII.

          Ua hoopanee ia ka Ahahui Euanelio o Hawaii a ka Poalua mua o Iune, hora 10 A. M., o ka M. H. 1876.

HAWAII AKAU.

          E halawai hou ka Ahahui Euanelio o Hawaiii Akau ma Hamakua Hikina, i ka Poakolu mua o Maraki, M. H. 1876.

HAWAII HIKINA.

          Ma Puula, Puna, Hawaii, e halawai hou ae ka Ahahui Euanelio o Hawaii Hikina, i ka Poakolu Akolu o Maraki, M. H. 1876.

HAWAII KOMOHANA.

          Ma Hookena, Kona Hema, Hawaii—Luakini o Pukaana, i ka malama o Maraki, hora 10 A. M. o ka M. H. 1876. E halawai hou ae ka Ahahui Euanelio Hawaii Komohana.

AHA LUNAKAHIKO O MAUI.

          Ma Lahainaluna, Maui, kahi e halawai hou ai keia Aha i ka Poalua Mua o Mei, M. H. 1876.

AHAHUI EUANELIO OAHU.

          Ma ka malama o Feberuari, M. H. 1876, i ka luakini Hoole Pope ma Waikane, Koolaupoko, Oahu, ka halawai ana o keia Aha.

AHAHUI O NA EKALESIA O KAUAI.

          E hoopanee keia Hui a halawai hou ma Koloa, Kauai, i ka malama o Aperila, M. H. 1876.

He moolelo no Paulo.
HELU 16.

          I kekahi manawa o ka hopena o ka makahiki mua i noho ai o Paulo ma Epeso, ua manao ia ua holo aku oia ma Korineto no kekahi manawa pokole. Ua hoike ia mai keia holo ana ma II Kor. 12 : 14 a me 13 : 1. "Eia ke kolu o kuu hele ana aku i o oukou la." Ina o ka hele ana mahope iho o kona haalele ana ia Epeso, oia ke kolu , alaila, o ka lua o ka hele ana mamua aku o ia manawa. E nana ma II Kor. 13:2. O ke kumu nui o keia hele ana ona, e hooponopono hou i ka poe kue i ka maemae o ka Ekalesia, (II Kor. 12 : 21.) Aole nae oia i oki aku ia lakou mawaho aku o ka Ekalesia; aka, ua ao aku oia ia lakou, e hana no oia pela, ma kona wa e hiki hou aku ai ilaila, ke ole lakou e mihi. (II Korineto 13:2.)
          I ka nana aku, aole hoohua mai kana mau hooponopono ana, a me na ao ana aku ia lakou, i na hua i makemake ia, a ua hiki koke aku no hoi ka lono i ona la, no ka mahuahua o na hana pono ole ma ka Ekalesia o Korineto. No ia mea i palapala aku ai oia ia lakou i kekahi leta, a o ua leta la, aole i malama ia a hiki i keia wa; (I Kor. 5:9—12) ma ia leta i papa aku ai oia i na Karistiano, mai launa aku me ka poe moe kolohe. Eia ke ano, o na poe a pau i launa pela, e hookaawale ia lakou mai ka Ekalesia aku.
          Mahope iki mai o ia wa, hiki mai la kekahi mau hoahanau o ka ohana o Keloe i Epeso, mai Korineto mai, a hai aku ia Paulo i ke ano o na hana ma Korineto, no ka mokuahana ana o ka Ekalesia, ka mea nana i hoopau i ka noho lokahi ana, a me ke aloha hoahanau, (I Kor. 1 : 11, 12.) Ua lohe pu no hoi ia i ka hewa i hana ia e kekahi lala o ka Ekalesia—a he hewa no hoi i makemake ole ia e ko na kanaka e,—o ua mea la nae i lawehala, e noho lanakila ana oia, ma ke ano huikau hewa me kona makuahunowai wahine, me ka hooponopono ole ia. He mea i hoino ia ka iloko o ka Ekalesia, a ua hoowahawaha nui loa iho la o Paulo i ka Ekalesia.
          Oiai keia mau hana e hana ia ana, ua like ka holomua o ka Ekalesia, me ko ka Iseraela lanakila ana, he Akana no nae kekahi iwaena o lakou aole i hoahewa ia, (Ios. 7.) I ua wa la hoi, ua loaa mai ia Paulo kekahi palapala mai ka Ekalesia mai o Korineto, e pane mai ana i kana palapala ia lakou, i hoike ia maluna ae, a he mau ninau kekahi i waiho ia mai nana e hooholo. He mau ninau e pili ana i na mea ai i mohai ia i na kii; i ka mare ana a me ka noho manuahi; i ka pono e oki mare, a me kekahi mau mea e ae. No keia mau ninau, a no ka hoomaemae ana i ka manao o ka lehulehu—i na hewa i haumia ai ka Ekalesia o Korineto, oia ka mea i kono ia ai ka lunaolelo kaulana e kakau iho i kana palapala e waiho nei a hiki ia kakou, ma ke ano, "Ka Episetole Mua i ko Korineto." Ua kakau ia ua Episetole nei i ka wa i aneane ai e pau kona noho ana ma Epeso, a i ka makahiki 57 a 58 paha.
          E pili koke ana me ka lanakila kamahao o ka Paulo ao ana, ka moolelo o kekahi hoohaunaele nui a Demeterio i hoalaala ai, ke kahuna hana kala. O ua kanaka nei a me ka poe o ia oihana hookahi, ua loaa mai ia lakou ka pomaikai nui ma ka hana ana, a me ke kuai ana aku i na kii liilii o ka luakini o Diana; a i ole ia, he mau apana dala liilii paha i hana ia mamuli o ke kii o ua luakini la. Aka, ua emi mai la ka makemake nui ia o ua mau kii luakini nei no ka laulaha ana ae o ka hoomana Karistiano. I ka ike ana o Demeterio e pau ana kona pomaikai ke laha ka Euanelio, hoakoakoa mai la oia i na poe kahuna kui dala a pau, a hoike aku la, e pilikia ana lakou no ka lilo o ka lakou oihana i mea ole; a e poino hoi ke akua wahine nui, o Diana, no kona hoowahawaha ia mai. Aole no ka mea e ae, no ka alunu, ka puni loaa, oia ke kumu i hoala ai o Demeterio i keia haunaele, a me keia pioloke nui. Ua piha koke mai la ke kulanakauhale holookoa i ka haunaele, holokiki aku la na kanaka i ka hale keaka, a hopu iho la i na hoa hele o Paulo, ia Gaio, a me Arisetareko. Ua makemake o Paulo e komo pu aku mawaena o na kanaka, aole nae e ae na haumana e hookuu aku iaia, i kahi e poino ai kona ola. He mau hoa'loha no hoi kekahi o Paulo mawaena o na poe alii o Asia. He umi keia poe e koho ia ai i kela a me keia makahiki, he poe luna no ka hoomana ana ma ka luakini, a no ka hoikeike ana i na hana paani, a me na lealea keaka no na akua. O kekahi o keia poe luna ka i nonoi mai ia Paulo, aole make komo aku iloko o kahi keaka.
(Aole i pau.)

MARE.

          Aug 21—Ma Haliimaile, Makawao, Maui, ua hoohui ia o Maukele k. me Kamakaimoku w. Na Rev. J. S. Gerina laua i mare.
          Nov. 21—Ma Kalihi-Waena, Oahu, mare ia e Rev. S. Paaluhi o Mr. B. W. Kekuinae me Miss Kaheananui.

NA POE MARE O KAUAI, E KA REV. G. PUULOA.

          Aug. 20—Lihue, mare o Kamanao k. me Kalua.
          " 27 " " Kame Iahanesi k. me Mikala w.
          " 29 Wailua, " Kamaholelani k. me Kealo-liilii w.
          Sept. 30—Kapahi, " Pulehu k. me Hilo w.
          Okat 19, Niumalu, " Kaia k. me Kamalokai.
          Nov 28 " " Kolohaiole k. me Lili w.

HANAU.
NA HANAU O HALIIMAILE, MAKAWAO, MAUI.

          Okat. 17, Hanau o S. Leimakani k, na Naukana k. me Kalimawela w.  Okat. 30, Hanau o John Kaluna k. na Kaluna k. me Poohiwi w.  Nov 21, Hanau o Keanaina Opio k. na Keanaina k. me Kamai w.  Nov. 30, Hanau o Kamahine k. na Kamikoa k. me Kahaunaele w.

MAKE.

          Iune 2—Ma Kalihi, Oahu, make o Waihae k.
          Aug. 4, " " " Pa k.
          Sept. 28, " " " Kupihea k.
          Okat. 2, " " " Nawai k.

NA MAKE O HALIIMAILE, MAKAWAO, MAUI.

          Iulai 3, Make o Kahookano k.  Iulai 11, Make oKeai k.  Aug. 21, Make o Pauaa w.  Okat 27, Make o Puha k.  Nov. 30, Make o Keala k.

NA MAKE MA KE KAHUA MAI PAKE, O KALAWAO, MOLOKAI.

          Na Make o Septemaba 5, 1874, Elizabeta Kahoohuli w.  6, Kamakaiwa w.  6, Heneriata w.  7, Keawe k.  9, Maria k.  10, Hanalei w.  11, Solomona k.  15, Kanekoa w.  21, Pine k.  21, Obeta k.  26, Lose w.  Okatoba 6, Paawela k.  11, Keakini k.  11, Ukiki k.  14, Pahee k.  17, Isaac k.  14 Kio k.  20, Hoana Meyn w.  20, Aipaka w.  27, Mahina k.  27, Palaualelo k.  29, Kupa k.  29, Ailaau w.  Novemaba 8, Kihono w.  11, Kapaona k.  16, Kauanui w.  18, Alapipo k.  18, Makia k.  Dekemaba 1, Kaioelu w.  1, Waiwaiole k.  5, Aloi (Pake) k.  11, Pili w.  11, Kahikina k.  12, Kaiwi k.  13, William Crockett k.  10, Keomau w.  29 Papa w.
          Na Make o ka M. H. 1873. Ianuari 3, John Emtburger k.  15, Kealoha k.  19, Nune fu Hid w.  21, Palau w.  25, Keoni Keoho k.  25, Hoano w.  29, Moki k.  Feberuari 1, lo Kookoo k.  4, Pakekepa k.  9, Hanahana k.  10, Sema k.  10, Keawehano k.  27, Naai w.  28, Mele w.  Maraki 6, Kaimanu w.  8, Nakapahau k.  10, Kale k.  11, Kapaniau k.  12, Iona k.  17, Kalili k.  22, Popoki w.  25, S. K. Alapai k.  25, Kaohekanu k.  26, Keino w. 27, Kawaiula k.  Aperila 3, Naohi k.  12, Maihui w.  17, Kalaniwahine k.  18, Kealoha w.  20, Kuikuinui k.  25, Kaaumoana k.  25, hau w.  30, Pelekuho k.  Mei 1, Kapono k.  1, Keaha k.  3, Kalukui k.  9, Muolo w.  10, Maraea w.  11, Hoolealii k.  14, Kaluoku k.  16, Kepou k.  16, Kealewa w.  16, Kaniau k.  16, Keliimanohaloa k.  21, Umi k.  22, Hawaiinoi k.  22, Kane k.  23, Kahinu k.  24, Hinuaualii w.  24, D. B. Kahoe k.  26, Davida k.  28, Paahao k.  31, Keahi k.  Iune 1, Makaila k.  1, Piliiua k.  2, Kulua k.  3, Keliimanohaloa k.  4, Alauka k.  6, Kauahoa k.  7, Keala.  8, Kaiama k.  9, Kalua Kumalae k.  10, Wahine w.  11, Puuhonua k.  12, Moo w.  12, Moolau w.  12, Noa E.  12, Kikau k.  15, Kaimi, k.  16, Pauka k.  17, Lona w.  20, Kaapa w.
          Dek. 2, 1875—Make o Namokolaa k.
          " 5 " " Keai k.
          " 5 " " Awili k.