Ka Lahui Hawaii, Volume II, Number 19, 4 May 1876 — He Moolelo Baibala. [ARTICLE]

He Moolelo Baibala.

[HAKUIA E REV. C. B. ANERU.] Helu 7. Auhea oukou kuu poe opio, a me ka poe imi naauao? Ke paipai nei au ia oukou e; huli nui i ka Mok.10. o Kinohi. Malaila no i kakan ia ka Mole, ke Kumu, a me na lala mua o ka moolelo o kela a me keia lahui o ka honua. Mai loko ae o ko laila mau inoa mua loa o Noa me kana mau keiki, a me kana poe moopuna. ua manamana ae ke kuauhau o na lahui, a hiki aku i na welelau a pau o ka honua,—a hiki mai i ko Hawaii nei no hoi. Aole nae manao i ka mea nana mai ka Baibala e hoomohala ae i na kuauhau, a hoomoakaka mai i na moolelo lehulehu. Hookahi wale no mea nui nui i hai ia mai, i pili like i na mamo o Noa ma, e mahuahua ana mahope o Kekaiakahinalii. Hookahi no lehelehe, hookahi hoi olelo a lakou a pau loa. I ko lakou hele ana mai ka hikina mai, loaa ia lakou kahi papu ma ka aina o Sinara, a noho iho la lakou ilaila. Aia no ia papu ma ka aina i kapa ia o Sinara, (Shinar) e pili ana i ka Muliwai o Eupareta. Olelo ae la kekaki kanaka i kona hoa, I na kakou e hana i ua pohaku ula. (unihapa) e kahu a moa loa. O ka lakou mau puna, no ua mau pohaku ula la, he bitumena. Olelo hou ae la lakou. Ina kakou e hana i kulanakauhale no kakou, a me ka hale pakui, e kiekie ae kona welau i ka lani, a e hookaulana ae i ko kakou inoa, o hoopuehu ia aku kakou maluna o ka honua a pau. Iho mai la o Iehova ilalo e nana i ke kulanakauhale a me ka hale pakui a na keiki a kanaka i hana ai. I ihola o Iehova, Aia hoi, hookahi no poe kanaka, hookahi hoi o lakou lehelehe, eia ka lakou e hoomaka nei e hana, a mahope aku, aohe mea keakea ia lakou ke hana i na mea a pau a lakou i manao ai. Ina kakou e iho iho kakou, a malaila e hookahuli ai i ka lakou olelo, i hoomaopopo ole ai lakou i ka olelo a kekahi. Pela o Iehova i hoopuehu aku ai ia lakou maluna o ka honua a pau, a oki iho la ka lakou hana ana i ua kulanakauhale la. No ko lakou kuee i ka Iehova kauoha, e hoolaha ae a piha ka honua, nolaila kona huhu a hoopuehu aku ia lakou. No ia mea, ua kapa ia ka inoa o ia wahi, o Babela. (oia hoi, Kahuli). Aka, o kekahi moopuna a Hama, o Nimeroda ka inoa, ka hiapo a Kuza, ka Hama hanau mua, he kanaka koa loa hoi keia Nimeroda, (Kin. mok X, na pauku 8, 9, 10.) oia ka i hooalii ia ia iho, o ke alii mua hoi a kakou i lohe ai ma ka honua nei,) a hoomaka no i kona aupuni ma kela aina papu o Sinara, a mahope iho, hoolilo no oia ia kulanakauhale o Babela i poo aupuni nona. Pau na kanaka i ka hoopuehuia mai Babela aku a kau liilii aku ka nui, waiho no ka Baibala i ka moolelo o ia lahui aku a ia lahui aku a ia lahui aku a hahai i keia lala o Sema, ka lua o ka Noa mau keiki. Penei ko lakou kuauhau.

1 ka makahiki 100 o ko Sema ola ana; hanau iho la kana keiki o Arepakada i elua makahiki mahope o Kekaiakahinalii. M. H. M. H. Arepakada a ia Sala 35, kona ola okoa - Sala a ia Ebera 30, " " " Ebera a ia Pelega 34, " " " 464 Pelega a ia Reu 30, " " " 239 Reu a ia Seruga 32, " " " 239 Seruga a ia Nahora 30, " " " 230 Nahora a ia Terah 29, " " " 148 Terah a ia Aberama 70, " " " 205 Kekaiakahiaalii a ia Aberama 292. E houluulu 292 me 1656 mai Adamu a i Kekaiakahinalii, a loaa ia kakon, 1948 makahiki, mai ia Adamu a ia Aberama. Ua kapa ia ko Aberama mamo, ma o Isaaka kana keiki, he poe Hebera, (Hebrews) mamuli o Ebera, ka ha o ka hanauna mai Sema ae. I ka makahiki 101 mahope o Kekaiakahinalii, hanau ka Ebera keiki o Pelega i ka Makahiki o lehova i hoopuehu i ka poe kukulu i ke kalanakauhale o Babela, (E nana i ka mok. X, p., 25 o Kinohi.) Ina kakou e hoohalike ma keia, a me ka papa kuauhau mai ia Adamu a ia Noa, e ike no kakou e ola ana o Adamu i ka wa o Metusala. Ua launa pu no hoi o Metusala me Sema, a ua ola pu o Sema me Aberahama a me kana keiki o Isaaka. Nolaila, ekolu wale no mea e hai waha i keia moolelo mai ia Adamu a ia Isaaka, a elima a eono paha mau mea mai Adainu a ia Mose, ka mea nana i haku mai ia moolelo mai kinohi mai. (Aole i pau.)