Ka Lahui Hawaii, Volume III, Number 23, 7 June 1877 — Page 4
KA NUPEPA KA LAHUI HAWAII.
HONOLULU, IUNE 7, 1877.
KOMI TE HOOPONOPONO NO KEIA AOAO.
LAIKI MAKUA, MRS. KELA A. GILIMANA,
M RS. ELENA MAKALE, MRS. M. KUKE.
Wo rk, for the Night is Coming.
Work, for the night is coming,
Work through the morning hours;
Work while dew is sparkling,
Work mid springing flowers,
Work when the day grows brighter,
Work in the glowing sun
Work for the night is coming,
When man's work is done.
Work for the night is coming,
Work thro' the sunny morn;
Fill the brightest hours with labor,
Rest comes sure and soon;
Give every flying minute,
Something to keep in store;
Work for the night is coming,
When man works no more.
Work for the night is coming,
Under the sunset skies;
While their bright tints are glowing,
Work for daylight flies;
Work till the last beam fadeth,
Fadeth to shine no mre;
Work while night is dark'ning,
When man works no more.
Something to do in Heaven.
(Hana no ma ka Lani.)
1
There'll be something in heaven for children to do
None are idle in that blessed land.
There'll be loves for the heart, there'll be thoughts for the mind
And Employment for each little hand.
Cho.—There'll be something to do;
There'll be something to do;
There'll be something for children to do.
On the bright shining shore, where there's joy ever more,
There'll be something to do.
2
There'll be lessons to learn of the wisdom of God,
As they wander the green meadows o'er;
And they'll have for their teachers in that blest abode,
All the good that have gone there before,
Cho.—There'll be something to do, &c.
3
There'll be errands of love from the mansions shore,
To the dear ones that linger below;
And it may be our Father the children will send
To be angels of mercy in woe.
Cho.—There'll be something to do, &c.
Ke Alaula—No Lazaro.
Ua noho o Iesu me kana mau haumana ma kekahi wahi o lakou wale no. Aole ona loaa i na kanaka manao ino i makemake e pepehi iaia; aka, ua ike no nae kona mau hoa'loha i kona wahi i noho ai. He nui aku o Iesu mau hoa'loha mamua o kana mau haumana.
O Lazaro ka inoa o kekahi o kona mau hoa'loha. Elua mau kaikuahine o Lazaro; o ko laua mau inoa o Mareta a me Maria. Noho pu lakou ekolu. Ua aloha lakou ia Iesu, a ua aloha o Iesu ia lakou.
Ua hele pinepine mai o Iesu e ike ia lakou, a noho maloko o ka hale, a kamailio pu ma lakou. Ua makemake mau o Mareta e hoomakaukau i papaaina maikai, ma na wahi a pau a Iesu e hele mai ai, aka, ua makemake nui nae o Maria e noho malie a hoolohe i kana mau huaolelo maikai.
Mahope iho, ua loohia ia o Lazaro e ka mai nui. He nui ko Mareta a me ko Maria aloha no ko laua kaikunane; a ua ike no hoi laua, he hiki ia Iesu ke hoola i ko Lazaro mai, nolaila, hoouna aku la laua i kekahi mea i o Iesu la, e hai aku no ka mai o Lazaro.
He mamao loa kahi a ua kanaka nei i hele aku ai e imi ia Iesu, a nui loa iho la ko Lazaro mai, a mahope iho, make iho la oia. Uhi ia iho la ia me ka aahu keokeo, a hooia aku la iloko o kona ilina, a pani ia aku la o mua me ka pohaku.
Ua kali o Mareta a me Maria, me ke ake nui e hiki mai o Iesu. He eha mau la i hala ae, a hoea mai la o Iesu. Aole i manao o Mareta a me Maria, he hiki ia Iesu ke hoola hou ia Lazaro; no ka mea, ua liuliu ae nei kona make ana; nolaila, noho iho laua ilalo a uwe.
I ka lohe ana o Mareta, ke hele mai nei o Iesu ma ke alanui, hele aku la ia imua ona, a pane aku la: "Ina o oe pu kekahi maanei, ina aole e make kuu kaikunane, a i keia manawa no, he hiki no ia oe ke hoola iaia."
Pane mai o Iesu: "E ala hou mai no kou kaikunane."
"Ae," wahi a Mareta; "Ua ike no au, e ala hou mai ana no ia i ka la mahope, ka wa hoi e ala hou mai ai na kanaka make a pau."
Ua makau o Mareta, o hoola koke ole o Iesu ia Lazaro; aka, ua ike no nae ia, he hiki no ia Iesu ke hoola. Hoi aku la o Mareta i ka hale, ike aku la ia Maria e noho ana ilalo me na hoa'loha e noho pu ana me ia.
Hawanawana aku la o Mareta i kona pepeiao a hai aku la ua makemake o Iesu e kamailio aku iaia; a hele aku la laua a loaa o Iesu e kali ana ma ke alanui. Hele pu aku la na makamaka e uwe ana, a e uwe nui ana no hoi o Maria, a i kona ike ana'ku ia Iesu, haule iho la ia ilalo ma kona mau wawae a pane aku la: "E ka Haku, ina o oe pu maanei aole e make ko'u kaikunane."
Kaumaha o Iesu i ka ike aku iaia ua kaumaha a me ka lehulehu e kanikau ana. Aole ona makemake e ike aku i kahi poe e kaumaha ana, no ka nui o kona aloha.
Pane aku la o Iesu: "Mahea ko oukou wahi i waiho ai ia Lazaro?"
Pane mai la lakou: "E hele aku kakou a ike," a hoike aku la lakou i ke ala.
Ia Iesu e hele ana ua kulu iho la ka waimaka ma kona mau papalina.
Hiki aku la lakou i ka ilina, he poopoo me ka pohaku nui mamua.
Pane mai la o Iesu: "E olokaa aku i ka pohaku ma kahi e."
Manao iho la o Mareta e hele ana o Iesu e nana i ke kino make o Lazaro, a pane mai la: "Mai komo aku iloko, oiai ua ino kona kino i keia manawa. Ua make oia he eha mau la i hala'e nei." Olelo aku la nae o Iesu iaia e manaoio he hiki Iaia ke hoola ia Lazaro.
Olokaa aku la lakou i ka pohaku. Alawa'e la ko Iesu mau maka i Kona Makua ma ka lani, a hoomaikai aku la no ke kokua mai iaia e hana i na mea kupaianaha.
He lehulehu loa na kanaka e kuku ana a e noonoo ana i ka Iesu mau hana.
Pane ae la o Iesu: "E Lazaro, e hele mai."
Lohe mai la o Lazaro, aka ua make ia. E lohe ana no ka make i ko Iesu leo. Ala'e la ia a hele mai la i ka puka o ka ilina. Ua paa kona mau wawae, na lima a me kona mau maka i ka lole.
Pane aku la o Iesu, "e wehe i ka lole."
Nani ko Mareta a me ko Maria hauoli i ka ike hou ana'ku i kona mau helehelena. Nani ko laua hoomaikai ana 'ku i ka Haku Iesu no Kona aloha.
O na kanaka i ike i keia ua kahaha a pane ae la. "He oiaio o Iesu ke Keiki a ke Akua! "
No Chri stopher Columbus.
HELU 12.
E na makamaka aloha o ka LAHUI HAWAII:—Ke hoomanao nei paha oukou i an anoninoni o Columbus ma i kahi o ka pilikia iloko o ka ino, a ua hoohiki lakou ma ka pule ana'ku i ke Akua, e hooko i kona mau makemake. Hookahi mea a lakou i hoohiki paa'i, oia ka hele ana'ku iloko o ka halepule mua a lakou i kipa aku ai a haawi aku i na hoomaikai ana i ke Akua no Kona hoopakele ana ia lakou. E ku ana kekahi halepule ma kahi kokoke i na aekai o ka mokupuni o St. Mary, a ua hoomanao aku o Columbus i kona poe kanaka no ua hoohiki nei a lakou. Ua hooholo iho ia e hele kekahi hapa i ka pule, a hoi mai lakou, alaila hele aku ia me kekahi hapa.
Aahu iho la lakou i na aahu kupono a holo aku la iuka no ka haawi ana'ku i ko lakou mau hoomaikai ana. Hele huakai aku la lakou i ka halepule; aka, aole nae lakou i hoomaka aku ma ka hoomaikai ana, aia hoi, ua ala mai la ka lehulehu i alakai ia e ke kiaaina a hoopuni ae la i ka halepule a lawe pio aku la i na luina.
Ua hanaia keia mea me ka ike ole mai o Columbus, a ua hoomaopopo ole ia i na pilikia i kau aku maluna o kona mau kanaka. I ka hora 11, aole o lakou hoi iki mai, a no ia mea, ua haohao o Columbus, a manao iho la ia ua ili paha ka waapa, a i ole ua hoololoiahili ia e ka poe Putigi. Kauoha aku la ia e huki ia ka heleuma, a holo aku la a hiki i kahi e ike ia'ku ai o uka a me ka halepule. Mailaila aku ike aku la oia he nui wale na kanaka me na mea kaua, i alakai ia e ke kiaaina, e holo aku ana a kau iluna o ka waapa, a holo aku i kahi a ka moku e ku ana. I ka pili ana mai ma ka aoao ua makau ke kiaaina i ka pii ana mai iluna, a ua ae aku la o Columbus i kona maluhia kino, a ninau aku la i ke kumu i kau ole mai ai na Sepania iluna o ka waapa? Ua ae mai no hoi ke kiaaina ia lakou e hele aku iuka. Ua kamailio kalakala aku oia i ua kiaaina nei, me ka olelo aku he hoino kaua kana mau hana i na Moi o Sepania, na mea hoi na laua mai kona Komisina, a hoikeike aku la ia i ke Komisina. Ua pane mai ke kiaaina me ka huhu nui, a me ka olelo mai aole ia i ike owai la na Moi o Sepania, aka, nana e ao aku i na Sepania i ke ano o na kanaka Putigi.
Kauoha aku la ia ia Columbus, e komo aku iloko o ke awa, a hai mai la na ka Moi o Potugala i kauoha mai. Kahea aku la o Columbus i kona mau kanaka, i hoike no na mea i hanaia, me ka manao e kaua aku i ua mokupuni nei. Aole oia i hoolohe aku i ke Kiaaina. Pa ikaika mai la ka makani, a pii ino mai la ke kai. He awa pohaku ko St. Mary, a he ano haiki. Kauoha iho la ua Adimarala nei e hoopiha ia i mau pahu me ka wai kai, i ukana no ka moku, a holo aku la no ka mokupuni o St. Michael, aole no i mamao loa aku. Ua ikaika loa ka ino, a he ekolu wale no mau sela akamai o luna o ka moku. I ke kakahiaka nui o kekahi la ae, hoi hou aku la lakou i ka mokupuni o St. Marys, e hoao e kii aku i na luina, i ka waapa a me kekahi mau heleuma.
Hiki aku la lakou i kahi a lakou i ku mua ai. Iho mai la kekahi kanaka mai na lae pohaku mai, a kahea mai la, aole make haalele ia wahi. Hoouna mai la ke Kiaaina i kekahi Luna Aupuni, e holo mai, a e hoomaopopo i ke Komisina o Columbus, a e nana i na io mai na Moi mai o Sepania. Ua ike no o Columbus, he mau hana apiki wale no keia, aka, no kona ake nui e loaa mai kona mau kanaka, a holo aku, nolaila, ua ae aku ia.
I ka pau ana o keia, ua hookuu mai la ke Kiaaina i na luna, a hoi mai la lakou iluna o ka moku, huki koke ia ae la na pea a me ka heleuma, a haalele aku la lakou i ka mokupuni o St. Mary's.
Ke hoike mai nei keia kii i kekahi Canal; a heaha ke Canal? He kahawai nui i eliia a hoopihaia me ka wai, no ka holo ana o na waapa. Ua lawe ia mai ka wai mai kekahi kahawai mai. Aohe i mamao loa aku mai ka hoomaka ana o ke Canal, he elua mau puka ma kela a me keia aoao, i kapaia he mau laka a laka paha. Ke iho mai ka waapa, e komo ana ia maloko o ka puka maluna, alaila, e paniia ka puka maluna, alaila, e weheia ka puka malalo. O ka wai maluna, ua oi ae kona kiekie mamua o ka wai malalo, a ua hanaia ka laka no ka hapai ana a hookuu ana i na moku. Ke weheia ka puka malalo, alaila, e iho ana ka hohonu o ke kai a hiki i ke kai make o lalo loa, a e iho iho ana ka waapa e like me ke emi ana o ke kai, a hiki i ka hohonu kupono, alaila, o kona hemo ana aku ia mawaho o ka puka malalo loa. E kauo ia ana ka waapa e na lio, e hele ana mauka o ka aina, a i hikiiia i ka waapa me kekahi mau kaula loloa, a na kekahi keiki a kanaka paha e hookele. Ma kekahi o na mokuaina nunui, e like me Nu Ioka, he mea nui a lehulehu keia ano kahawai. Ina la mua, mamua ae o na kaa ahi, ua nui a mahuahua na ukana i laweia mai kekahi wahi a i kekahi e keia mau waapa o keia mau kahawai, a ua kau pinepine na kanaka a holo mai kekahi wahi a i kekahi, oiai o ke ala wale no ia e hiki wawe ai ma na huakai loloa.
O kekahi o na hana nui o keia mau la, oia no ka eli ia ana o Sueza Canal, e hoohui ana i ke Kaiwaenahonua me ke Kai Ula. Ma keia hahawai e holo ai na moku nui, a hoopokole mai i ka manawa e lilo ana ma o ke kaalo ana'e i ka Lae Hope, ke holo aku i Inia.
NO NA KAMAIKI.
KE KEIKI MAKAPO.
He hiki ia oe ke ike i na mea a puni oe, aka, ua ike no au i kekahi keiki makapo, a ina oe i kokoke aku iaia, aole ia e ike mai ana ia oe. E haha mau ana ia me kona mau lima mamua ona, i ike ai ina he mea kahi mamua o kona ala a i ole. Ina ia e hele ma ke alanui e lawe pu ana ia he laau, me kekahi aoao ilalo a e hoonee aku imua, i maopopo ai kona wahi e hele ai, a ina he mea kahi mamua ona. Ina e haule ka laau iloko o ka lua, a i ole e kuia me ka pohaku, e ku ana ia a haha ma kekahi aoao a ma kahi, a hele malie loa i hina ole ai.
Mamua he ike no ia e like me oe, aka, ua haalele nae kona makuahine iaia wale no iloko o ka rumi kuke, i kona manawa uuku loa, a haule aku la ia iloko o ke ahi, a wela kona lae a me kona mau maka. Mahope mai aole ona ike iki; aole e hiki i ke kauka ke lapaau, no ka mea, ua wela loa kona mau maka.
He keiki oluolu a hoomanawanui ia, a
HOIKEIA KA HOOKAMANI.
I ka wa o ka Bihopa Fenelon e noho kahunapule ana no Lui XIV; ua hele aku ua 'lii nei i ka pule i kekahi Sabati, a ua kahaha oia i ka ike ana aku aole mea i hele mai i ka pule, oia wale no a me kona mau ukali a me ke kahunapule, aole hoi o ka lehulehu e hele mau ai.
"Heaha ke kumu o keia ?" wahi a ka Moi i ninau aku ai.
"E ka Moi," wahi a ke kahunapule, "ua hai aku au i ka lehulehu aole oe e hele mai ana i ka pule i keia la, i hoomaopopo iho ai oe i ke kumu o ko lakou hele ana mai ianei ; ina e hele mai e hoomaikai aku i ke Akua, a ina paha i hele mai e ikea e hoohaahaa aku imua ou e ka Moi, a ano hoohanohano aku ia oe.
E pono i na makua e ao aku i ka lakou mau keiki aole e hoopuka i na huaolelo pelapela ma ke alanui a ma na wahi e ae. He hoohilahila ia lakou iho a me na makua pu.
ua aloha ka lehulehu iaia. Na kamalii e alakai iaia i ka holoholo. E heluhelu mau ana wau i na moolelo kaao imua ona. He makemake loa ia i ka himeni, a he paanaau loa na kaao iaia.
I na manawa e kamailio ia ai no ka pua ulaula a mauu uliuli, aole ia e hiki ke hoomaopopo, no ka mea, ua nele kona mau maka i ka ike.
Ua noi aku ia i na keiki i kekahi manawa e lawe mai i mau hainaka silika ulaula, keokeo, a melemele. Haha iho la ia a pane ae la, ua like wale no lakou a pau, no ka mea, hookahi wale no o lakou ano iloko o kona mau lima. Aole ona manaoio he ano e lakou, a i ka hai ia ana aku he ano e io no, uwe iho la ia. Ua ola ia a hiki i kona elemakule ana. O kona manao a me ka noonoo ana, ua like no me ko ka poe e ae, aka, o kona mau maka ua makapo mawaho, a komo ole aku la ka malamalama iloko.
NO KA LA.
He nai ae na nanaina o ka la mamua o ka mahina, a he nui io no. He pa miliona ka nui ae mamua o ka honua hookahi. He mamao loa mai o kakou aku, mamao loa mamua o na hoku. He 93,000,000 mile ke kaawale mai o kakou aku nei. Aole e hiki ia kakou ke hoomaopopo pono i keia mamao.
Na ka Makua nui i hana a kau aku ma kona wahi, i hoonaniia ai ko kakou honua a me na honua e ae, a maikai. Na ka la ka malamalama ao me ka wela. Ina e lawe ia ka la, e nele ana kakou i ka malamalama, koe wale no ka imoimo o na hoku. Aole e ao ana aka he pouli pau ole. Me ka la ole no ka hoopumehana ana i ka honua, e lilo no ka wai i hau. Aole e ulu ka mauu a e make no ka laau. Aole e hua na laau, a e lilo no nae mea a pau i hau. E make ana na kanaka a me na holoholona no ke anu a me ka pololi. He pilikia weliweli nui ke lawe ia aku ka la mai kona wahi aku.
Nani kilakila ia ke pii mai ma ka hikina i ke kakahiaka nui. Nani ka hauoli o na manu a mele lakou i na mele lea ke kiei ae ia maluna o na laau a me na pali hauliuli.
O ka la ka mea nana e hoohauoli a hoonani i ka honua. Nana e hooulu i ka mauu, hooulu i na laau a hoonani i na pua. E hala ana ka manawa loihi ina wau e hai aku ana i na pomaikai a pau a ka la e haawi nei ia kakou. O ka oiaio, ua aneane o na pomaikai a pau e loaa nei ia kakou mai ka la mai no. No ka nui o na pomaikai mai ka la mai, ua hoomana kekahi mau aupuni ma ke ano he akua no lakou. Aka, e nana aku kakou Iaia me ke aloha, i ka mea nana i hana ka la, a me na honua a pau.
AHAHUI EUANELIO HAWAII.
E halawai ana ka Ahahui Euanelio Hawaii ma Kawaiahao, Honolulu, Oahu, i ka Poalua mua la 5 o Iune, M. H. 1877—Hora 10 A. M.
NA HAIOLELO.
Oihana Misionari Kuwaho.
Olelo Haole, Rev. S. E. Bihopa.
Olelo Hawaii, Rev. J. H. Pahio.
Oihana Misionari Kuloko.
Olelo Hawaii, Rev. S. Waiwaiole.
Olelo Haole, Rev. A. O. Polepe.
KUMUMANAO O KA AHAHUI KULA SABATI.
Ua haawi mai ke Komite o ka Ahahui Kula Sabati i na Kumumanao a lakou i koho ai no ka halawai iloko o June, a me na inoa o ka poe haku manao, a oia keia:
1. Ka mana o na Kula la iloko o na kula Sabati—C. J. Lyons.
2. Ka pono o ka hele ana o na haumana Kula Sabati i ka pule anaina a noho pu me na makua.—W. W. Hall.
3. Ka mana o na Kula Sabati iloko o na ohana.—W. H. Rice.
4. Heaha na hana e ulu ai ka makemake i keia Ahahui?—S. B. Dole.
5. Na lulu mau iloko o na Kula Sabati, no na kumu hea e pono ai?—N. Kaiaikawaha.
6. Heaha na haawina Kula Sabati maikai loa ae?—Kekapa.
7. Mahea ka oi o ka pono, o na papa nui anei, o na papa uuku paha?—J. N. Haole.
8. Mahea e loaa ai na kumu no na Kula Sabati?—Seta.
9. Na hoike lealea o na Kula Sabati.—H. Martin.
10. Na hana hui i ka hoomaka ana a me ka hookuu ana o na Kula Sabati.—J. Nawahi.
11. Na halawai o na kumu.—Hookano.
12 Na hoike hapaha o na Kula Sabati Iosia Waiwaiole.
Na Komite.
J. F. POGUE, M. KUAEA,
W. W. HOLO, S. B. DOLE,
H. H. PARKER.
HAAWINA KULA SABATI.
HELU 12. SABATI, IUNE 17.
KUMU HANA.—Ka lawe pio ia'na o ka Iseraela.
PAUKU BAIBALA—2 Na Lii 71:6—18.
6 I ka makahiki eiwa o Hosea, hoopio aku la ke alii o Asuria ia Samaria, a lawe pio aku la i ka Iseraela i Asuria, a hoonoho iho la ia lakou ma Hada, a ma Habora ma ka muliwai o Gozana, a ma na kulanakauhale o ko Media.
7 No ka mea, ua hana hewa na mamo a Iseraela ia Iehova ko lakou Akua, nana lakou i lawe ae mai ka aina o Aigupita mai, mai lalo mai o ka lima o Parao, ke'lii o Aigupita, a ua malama lakou i na akua e.
8 A ua hele lakou ma na kahawai o na lahuikanaka e, na mea a Iehova i kipaku ae mai ke alo aku o na mamo a Ieseraela, a me ko na'lii o ka Iseraela a lakou i hana'i.
9 A ua hana malu na mamo a Iseraela i na mea pono ole ia Iehova ko lakou Akua, a ua hana no lakou i na heiau ma ko lakou mau kulanakauhale a pau, mai ka puu kaua o ka poe kiai, a hiki i ke kulanakauhale paa i ka papohaku.
10 A kukulu lakou i na kii, i na kii hoi o Aseterota, ma na puu kiekie a pau, a malalo o na laau uliuli a pau.
11 A malaila lakou i kuni ai i ka mea ala ma na heiau a pau, e like me na lahui kanaka a Iehova i kipaku ae mai ko lakou alo aku; a hana lakou i na mea ino e hoonaukiuki aku ia Iehova.
12 A malama lakou i na kii, i na mea a Iehova i i mai ai, Mai hana oukou i keia mea.
13 Aka, ua ao mai no o Iehova i ka Iseraela, a i ka Iuda; ma na kaula a pau, ma na mea ike a pau, i ka i ana mai, E huli mai oukou mai ko oukou aoao hewa mai, a e malama i ka'u mau kauoha, i ko'u mau kanawai, e like me ke kanawai a pau a'u i kauoha aku ai i ko oukou poe kupuna, a ma ka mea a'u i hoouna aku ai ma ka'u poe kauwa ma na kaula.
14 Aole nae lakou i malama, hooolea lakou i ko lakou a-i, e like me ka a-i o ko lakou poe kupuna, ka poe manaoio ole ia Iehova ko lakou Akua.
15 A hoowahawaha lakou i kona mau kanawai, a me kana berita ana i hana'i me ko lakou poe kupuna, a me na kauhoa ana i haawi mai ai ia lakou; a hele lakou mamuli o na kii lapuwale, a lilo lakou i poe lapuwale, a hele mamuli o na lahuikanaka e puni ana ia lakou, na mea a Iehova i kauoha mai ai, mai hana like oukou me lakou.
16 A haalele lakou i na kauoha a pau a Iehova ko lakou Akua, a hana no lakou i kii i hooheeheeia, i elua keiki bipi, a hana lakou i kii no Aseterota, a hoomana lakou i na puali o ka lani, a malama lakou ia Baala.
17 A kaumaha aku i ka lakou poe keikikane, a me ka lakou poe kaikamahine i ke ahi, a hana lakou i ka anaana hookilokilo, a hoolilo lakou ia lakou iho e hana hewa imua o Iehova, e hoonaukiuki ia ia.
18 No ia mea, inaina nui mai la o Iehova i ka Iseraela, a hookuke aku la ia lakou mai kona maka aku; aohe mea i koe, o ka ohana o ka Iuda wale no.
Pauku gula. "No ka mea, aole lakou
i hoolohe i ka leo o Iehova, ko lakou Akua." 2 Na Lii 18; 12.
Ka Topika. Ka hana me ka uku.
Na mahele 1, na hana hewa p. 7—17.
2 na uku o ka hewa p 6, 18.
Mele—Him. 191, 8. Leo.
1
Ka Haku e, ua haohao wau,
Hoohalahala kuu naau,
I ko'u noonoo, i ko'u nana
Ka pomaikai o na aia.
3
Aka, ka hope o lakou,
He hope weliweli no,
Auwe! auwe! ke ku mai nei
Ma kahi nihinihi e.
Pule no ka poe hookuli, hoolohe ole, makau ole, palaka, hiamoe, &c.
Na Ninau a na Kumu.
Mahea ka Haawina o kela Sabati? oHosea ke kaula, ola pu anei oia me keia Hosea ke'lii o ka Iseraela? E huli i loaa. Loaa ole ea. Nana. Hosea 1:1. 2 Na Lii 18:1. E ola pu ana laua a elua i ka wa o Hezekia. Owai na'lii o ka Iseraela mai ia Iehu mai? Iehoahaza, Iehoasa, Ieroboama II, Zakaria, Saluma, Menhema, Pekaia, Peka, Hosea, oia ke alii hope.
P 6. I ka makahiki ehia o Hosea i hoopio ai ke lii o Asuria ia Samaria? Owai ia alii? Salemanezera. A lawe pio i ka Iseraela ihea? Ehia ohana i lawe pio ia? 10. I ka makahiki ehia o Hezekia? mok. 18:10. Mahea lakou i hoohohoia'i? Mok. 18:11.
P 7. No keaha keia lawe pio ia'na? Heaha ka Iehova i hana'i no lakou? Ua haalele nae lakou ia Iehova, a hele mamuli owai?
P 8. Ua hele lakou ma na kanawai owai? I na kanawai hoomana kii o na lahuikanaka e, o ko Kanaana, ko Moaba, ko Amona, ko Suria, ko Sidona, 2 Na kanawai hoomana kii a na lii o ka Iseraela i hana'i.
P 9. Hana malu lakou i ke aha? Hana i na heiau mahea? Mai hea a hea? Ke ano keia, mai na wahi kiekie a nui na kanaka, a hiki i na wahi mehameha, kanaka ole.
P 10. Na kii owai ka i kukuluia? mahea? na kii paha o ka mahina.
P 11. A kuni i keaha? mahea? e like me wai? A aha ia Iehova? ma keaha?
P 12. A malama lakou i keaha? Ke kanawai ehia ka i papa i ka hoomana kii?
P 13. Ma owai la i ao ai ke Akua ia lakou? Ma na olelo paipai eaha?
P 14. Aole nae lakou i aha? Ua aha i ko lakou a-i? e like me wai?
P 15. Ua hoowahawaha lakou i keaha? a hele mamuli o keaha? a lilo i aha? a hele pu me wai?
P 16. Haalele lakou i keaha? a hana i kii aha? a i kii no wai? a hoomana i keaha? Heaha ka puali lani? a malama lakou ia wai? Baala, ka la, ke kii o ka la.
P 17. A aha lakou i na keikikane, me na kaikamahine? Owai ia akua? Moleka. Heaha kekahi mau hana ino? A hoolilo ia lakou iho e aha?
P 18. Nolaila, ua aha ke Akua i ka Iseraela? Ua pau loa anei na ohana a pau i ka hookukeia i ka aina e? Owai ka i koe? Iuda me Beniamina. Ua hui nae laua a like me ka Iuda, ka mea i oi?
Ua hoopau loa ia anei ke aupuni o ka Iseraela? Ae, ua hoopau loa ia e like me ka wanana ana mamua, aole i kukulu hou ia.
Mele—Him. 200 8—6 Leo.
1
Auwe ka poe i hoopanee,
A mihi ole no!
Ua puni i ka wahahee,
A make mau lakou.
2
Ano e mihi ai oukou,
Kauoha mai Iesu;
Mamuli, wahi lakou,
Alia a huli no.
Na Ninau a ke Kahu.
Na makua. Heaha ke kumu hana o keia Haawina? Ka Iseraela hea ka i lawe pio ia'ku? Na ohana he 10 i kipi a haalele ia Rehoboama, a hele mamuli o Iereboama. Ua akaka ke kumu o ko lakou lawe pio ia'na i ka manao o ke Akua, heaha ia kumu? Ehia hewa a lakou i hana'i i ke Akua? I ka manao nae o ke'lii o Asuria heaha ke kumu o kona lawe pio ana ia lakou? mok. 17:4. He kauwa Hosea na ia alii ua hookupu nona. A mahope iho kipi Hosea, a kii i ke lii o Aigupita e kokua. Nolaila, o ke lii mua o ka Iseraela o Iereboama, he alii kipi ia, a o Hosea ke lii hopo, he alii kipi no i ke Akua, mai ka mua a i ka hope. Ehia makahiki ka loihi 250 paha.
Na keiki. Heaha kekahi mau hewa o ka Iseraela? Pili anei ia mau hewa ia oukou? Pili no ke haalele makou ia Iehova a hele mamuli o na lealea o keia ao. Heaha ka uku o ka hewa? Ka make mau loa.
Ke kula a pau. Hai mai i na manao pili. 1 Pono ole na kipi elua ke kipi i ke aupuni o keia ao, a me ko ke Akua. 2 E lawe pio ia'na ka poe kipi i ke Akua a e kipaku ia'na ilalo i ka po, ke mihi ole ma keia ao.
Mele—Him. 34 6—8. Leo
1 Ke ola anei kakou
Ka poe kipi nei?
Me e ke ahonui ou,
E ko makou Moi.
6 E pau ke kipi e,
Hoolohe pono no.
Aloha, me ka hoomaikai,
A malu mau kakou.
Pule no na kipi, na hoomaloka, &c.