Ka Lahui Hawaii, Volume III, Number 27, 5 July 1877 — Page 1

KA LAHUI HAWAII.
"Ua mau ke Ea o ka Aina i ka Pono."
BUKE III.}  HONOLULU, POAHA, IULAI 5, 1877.  {HELU 27.

KA NUPEPA KA LAHUI HAWAII.

Paiia ma kela Poaha me keia Poaha.
H. H. PALEKA,  Luna Hooponopono.
He pepa i hoopukaia i kela me keia hebedoma no na Ohana a me na Ekalesia o Hawaii; he mea kokua i ka noho pono ana o na ohana, ka maluhia o kanaka, a me na pomaikai kino a uhane o ka Lahui Hawaii. "Aole paonioni; aole haanui; aole hikiwawe ka huhu; aole noonoo ino."
O na Kumumanao a pau, na Nu Hou o kela me keia ano, na Mare, Hanau, Make, e kakau mai i ka Luna Hooponopono, a e paiia no ke kupono.
Aole e aeia ka pilikino, ke kuamuamu, ka hoino, a me ka huhu, a ua makemakeia ka hoohoihoi, hoolana manao, hoonaauao, a me ka hoopono.
He $1.75 ka auhau o keia pepa no ka makahiki, a he $1.00 no ka hapa makahiki.
E hookaa mua ia ka auhau o ka pepa mamua o ka loaa ana i kekahi mea makemake e lawe.

NO NA OLELO HOOLAHA.

E lawe ana keia pepa i na Olelo Hoolaha a na makamaka, e like me ke kupono, a e lawa pono ai hoi me ka hoohaiki ole i ka huina o na kolamu kukulu manao, no ka uku haahaa.
O kela a me keia makamaka e makemake ana e hoolaha, e hele mai ma ke keena a e hui pu me ka Luna Hooponopono.
Aole e paiia kekahi Olelo Hoolaha ke ole e hookaa mua ia ka auhau.
Eia kekahi, ke noiia aku nei na makamaka e hoouna mau mai i na mea hou; mai hooloihi loa i na palapala; e hai pololei mai i na manao me ke kuawili ole, a e kakau mai me na hua moakaka.
H. H. PALEKA,
Luna Hooponopono.

E. STREHZ,
[AILUENE]

MALAILA E LOAA AI NA ANO LAAU A pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o Alanui Papu a me Hotele, ma Monikahaae.  1 1y

S. B. DOLE.

LOIO a he Alakai ma na mea pili Kanawai. Ua makaukau oia e pale i na hihia imua o na Aha Hookolokolo a pau o keia Aupuni, me ke kakau ana i na Palapala Pili Kanawai, ma ka olelo Hawaii a ma ka olelo Beritania.  1 1y

WAi Hui o ka Hau!

E IKE IA ka Hale ma ka inoa o "BONANZA" Ke haawi ia aku nei ka poloai i na makamaka keonimana a me na lede o ke kaona Alii, e kipa ae ma ka hale hookipa inu wai momona o ko oukou makamaka nona ka inoa malalo iho, a e loaa no ka hau i hoomomonaia (ICE CREAM) na wai momona o na ano a pau! hoohuihui ia e ka hau iniki o Nuuanu. O keia hale, he hale i hoomakaukauia no na keonimana a he keena nani i hoomakaukau ia no na lede. E kipa mai, a o ka makepono me ka oluolu ke haawi ia'ku, oiai, he makamaka, a he kamaaina no Hawaii nei o  JOHN W. CROWELL.
2-1 y  (Keoni Koloela.)
Ma ka Hale "BONANZA" ma alanui Moi, mawaena o ka hale kahi umiumi a me ka halekuai o Dillingham ma.

C. H. DICKEY, (Kale Kika,)
LOIO!

A he Luna Kepa i apono ia e ke
Aupuni no ka Apana o Makawao, Maui Hikina.
E HELE NUI mai ka poe a pau i loohia ia me na pilikia pili Kanawai o ka "Ua-ukiu" nei, a na ko oukou makamaka oiaio no e kokua a e hooikaika e hoopau i na pilikia ma na ano a pau o ke Kanawai.  17-1y.

E. O. HALL & SON
[E. O. HOLO MA.]

NA MEA KUAI I NA MEA MAHIAI
NA LOLE, PENA, AILA,
—A ME—
NA ANO LAKO E AE A PAU.
Kihi o Alanui Papu me Moi.  1-1y

          KE HOIKE AKU NEI KA MEA NONA KA inoa malalo iho i ka lehulehu o Koloa a me na wahi e ae e kokoke ana, ua makaukau oia i keia manawa e hana i na
KII KAHA NO KE KUKULU HALE
ana a me ka houluulu ana i na lilo, no ka poe e manao ana e kukulu hale. A ua makaukau no hoi e hana Olelo Aelike no ke kukulu hale o na ano a pau, a
HANA KAA O KELA ME KEIA ANO.
O na ano mea hana kamana a pau e loaa no ma ke kahua kahiko, ma Koloa, oia hoi na
PAPA O NA ANO A PAU, PUKA
MOLINA-PUKA ANIANI, KUI,
PENA, AILA, &c. &c.
E kuaiia no ma ke kumukuai haahaa loa. E hoopaeia no ka papa ma na awa pae a pau mai Koloa a hiki i Waimea me ka uku haahaa loa. Aole uku o ke kaha ana i na Kii Hale ke kuaiia ka Papa mai a'u aku.
W. H. WRIGHT.
Koloa, Kauai, Dek. 4, 1876.  [51-6m.]

PAPA, PAPA.
AIA MA KAHI O
LEWE RS & DICKSON
(O LUI MA.)

KE KAHUA KAHIKO MA
Alanui Papu a me Alanui Moi
E LOAA AI NA
PAPA NOUAIKI o kela a me keia ano.
NA PAPA NANI
A PAA NO KE KUKULU ANA I NA HALE.
Na Pani Puka,
Na Puka Aniani,
Na Olepelepe,
Na Pou, na O-a,
Na Papa hele,
Na Papa Ku,
Na Papa Moe.
Na Pili o na ano a pau!
NA PEPA HOONANI,
Na PENA o na wai a pau
Na Kui mai ka nui a ka makalii,
Na Ami-puka,
Na Ami-puka Aniani,
Na Ami o na ano a pau,
NA AILA PENA,
NA AILA HOOMALOO,
NA AILA o na ano a pau.
NA VANIKI
Na mea HOOHINUHINU o na ano a pau.
Na Balaki o kela a me keia ano.
A KE HAI IA AKU NEI KA LONO i na makamaka a pau, ua makaukau keia mau hoa o oukou e hoolawa aku ma na mea a pau e pili ana ma ka laua oihana
—NO KA—
UKU HAAHAA LOA!
like me ka mea e holo ana mawaena o LAUA a me ka MEA KUAI.
E hele mai! E na makamaka!
A e lawa no hoi ko oukou makemake me ka oluolu
1  a me ka maikai.

In the Shelter of the Rock.
Crown of Glory. p. 20.

1
Ma ka malu o Iesu
Huna ia'u la,
Huna no a launa pu,
Launa mau la.
Cho.—Ma ka malu o Iesu
Maha au,
Ma ka malu o Iesu
Maha au,
Ma ka malu o Iesu,
Ma ka malu o Iesu,
Maha au.
2
Ma ka malu o Iesu
Moe au la,
A hoopuni na luuluu,
Auhee mau la.
Cho.—Ma ka malu o Iesu, &c.
3
Ma ka malu o Iesu
Pule au la,
Pule no a mele pu,
Oli mau la.
Cho.—Ma ka malu o Iesu, &c.
4 Mai ka malu o Iesu
Pii ae au la,
A ma ko Ziona puu
Malu mau la.
Cho.—Ma ka malu o Iesu, &c.
HAWAII.

Moolelo o ka Ahahui Euanelio o ka Pae Aina Hawaii.

Halawai ka Aha ma ke Keena o Kawaiahao, hora 10 A. M., i ka la 5 o Iune, M. H. 1877, Rev. T. Coana ma ka noho, A. Pali, Kakauolelo.
Hooponoponoia na inoa o na Lala a me na Elele i hiki mai, a me na Lala mau o ka Aha i hiki mai.
NO HAWAII HIKINA.
Ekale sia  Kahu
Hilo   Rev. T. Coana
" Onomea  " J. H. Pahio
" Puula  " J. N. Kamoku
NA ELELE.
Kapaakaula.
NO HAWAII KOMOHANA.
" Pukaana  Haiolelo, T. Puuohau
" Kapalilua  " J. W. Kauhane
NA ELELE.
Kaholoaa.
NO HAWAII AKAU.
" Kohala Kom.  Rev. S. C. Luhiau
NA ELELE.
W. A. Mio. Kapaona.
NO MAUI.
" Waihee  Rev. O. Nawahine
" Lahainaluna  " S. E. Bihopa
" Lahaina  " A. Pali
NA ELELE.
D. Kapoi.  Makaiwi.  S. Kamohakau.
NO OAHU.
" Kawaiahao  Rev. H. H. Pareka
" Kaumakapili  " M. Kuaea
" Kalihi & M.  " S. Paaluhi
" Ewa  " J. S. Kalana
" Kahuku  " J. Kekahuna
" Hauula & Kah.  " D. Kekiokalani
" Waikane  " J. N. Paikuli
" Waimanalo  " S. Waiwaiole
NA ELELE.
J. K. Iosepa, Apela, Kaapu, Kahalewai.
NO KAUAI.
" Waioli  Rev. R. Puuki
" Anahola, Haiolelo,  G. M. Keone.
" Lihue  " G. Puuloa
" Koloa  " J. H. Mahoe
NA ELELE.
Meheula, Kaaiohelo.
NA LALA MAU.
J. F. Pokue, W. Frear, H. Binamu, S. C. Damon, J. W. Smith, W. P. Alexandero, D. Baldwin, J. W. Kapu, J. Manuela, J. B. Hanaike.
Palo ta ana, ua kohoia o S. Waiwaiole i Lunahoomalu, J. M. Alexanedero Kakauolelo haole, S. Paaluhi ke Kakauolelo Hawaii.
Noi ka Aha, e koho ka Lunahoomalu i na Komite Hoonohonoho Hana.
T. Coana, M. Kuaea, A. Pali.
Ma ia hope iho malama ia he manawa haipule.
Hoike mai ke Komite Hoonohonoho hana.
1 Hapa hora haipule, ma ka hoomaka ana o ka halawai—Penei, 20 minute mamua o ka hoomaka ana, 10 " " ma ka hookuu ana o ka Halawai i kela la a i keia la.
2 Hoike Kihapai a na Komite o na Aha.
3 Hoike o na Aha Mokupuni.
4 Heluhelu i na hoike Helu Ekalesia.
5 Hoike Makahiki a ke kakauleta, & ka Puuku o ka Papa Hawaii.
6 Koho ana i ke Kakaule ta & ka Puuku o ka Papa Hawaii.
7 Koho ana i mau lala hou no ka Papa Hawaii.
8 Hoike o na Kula hanai.
9 No ke Kula Kahunapule.
10 Na Misiona Kuwaho.
11 Na Lala o keia Aha i make i keia makahiki.
12 No na Ekalesia liilii, pono anei ke hoohui malalo o ke Kahu hookahi.
13 Ke ola o na Kahu.
14 Ka malu o ka La Sabati.
15 Ke ano o na Ekalesia o Hawaii nei.
16 Na Nupepa Hawaii.
17 No ke Kula Sabati.
18 Na Dala Mahinahou.
19 Ka Pule mua o Januari, & ka Poaha hope o Feberuari.
20 ka Manawa e halawai hou ai keia Aha.
Koho ka Aha i mau hoa kuka.
Nailipelapela, Kawai, P. Naone, P. Kanoa.
Hapai ka Aha i ke Kumuhana 2.
Heluhelu mai o S. Paaluhi, I ka hoike a J. Bikanele ke Komite o na Ekalesia o Hawaii Akau.
Heluhelu mai o M. Kuaea ke Komite hoike o na Ekalesia o ka Mokupuni o Oahu.
Noi ka Aha e hoopanee a hui hou i ka hora 1½ P. M.
Pule ka Lunahoomalu.
Halawai hou ka Aha i ka hora i hoopaneeia. Pule o J. Manuela.
Heluhelu mai o J. W. Smith ke Komite hoike o na Ekalesia o ka Mokupuni o Kauai.
Hapaiia ke Kumuhana 3.
Hoike o na Aha Mokupuni.
Heluhelu mai o T. Coana ke Komite, Hoike o ka Aha Mokupuni o Hawaii Hikina.
Hapaiia ke Kumuhana 4.
Heluhelu i na hoike Helu Ekalesia.
Heluhelu mai o T. Coana, i ka hoike Helu o ka Ekalesia o Hilo.
Heluhelu mai o S. Paaluhi i ka hoike Helu o na Ekalesia, o Hamakua Hikina, Hamakua-waena, Hamakua Komohana, Kohala Akau & Waimea.
Heluhelu mai o J. N. Kamoku i ka hoike Helu o ka Ekalesia o Puula.
Heluhelu mai o S. C. Luhiau i ka hoike Helu o ka Ekalesia o Kohala Komohana.
Heluhelu mai o O. Nawahine i ka hoike Helu o ka Ekalesia o Waihee.
Heluhelu mai o W. P. Alexandero i ka hoike Helu o ka Ekalesia o Waikapu.
Heluhelu mai o A. Pali i ka hoike Helu o ka Ekalesia o Lahaina.
Heluhelu mai o S. Paaluhi i ka hoike Helu o na Ekalesia,
Honokohau & Kahakuloa, Kaanapali, Kaupo, Kipahulu.
Heluhelu mai o J. S. Kalana i ka hoike Helu o ka Ekalesia o Ewa.
Heluhelu mai o J. Kekahuna i ka hoike Helu o ka Ekalesia o Kahuku.
Heluhelu mai o D. Kekiokalani i ka hoike Helu o ka Ekalesia o Hauula & Kahana.
Heluhelu mai o J. Manuela i ka hoike Helu o ka Ekalesia o Kaneohe.
Heluhelu mai o S. Waiwaiole i ka hoike Helu o ka Ekalesia o Waimanalo.
Heluhelu mai o G. Puuloa i ka hoike Helu o ka Ekalesia o Lihue.
Heluhelu mai o J. H. Mahoe i ka hoike Helu o ka Ekalesia o Koloa.
Heluhelu mai o R. Puuki i ka hoike Helu o ka Ekalesia o Waioli.
Ma ke noi a A. Pali. E koho ka Lunahoomalua i na Komite mau.
1 Komite o na Halawai.
Rev. H. H. Pareka,
" M. Kuaea,
W. A. Mio.
2 Komite no ka Papa Helu.
Rev. S. E. Bihopa, G. Puuloa, J. B. Hanaike.
4 Komita Pai Moolelo.
Rev. M. Kuaea, J. M. Alexanedero, S. Paaluhi.
Noi mai o T. Coana, Hora 9 A. M. o ka la apopo, E hoike mai ai ke Kakauleta & ka Puuku o ka Papa Hawaii.
Koho ana i ka Puuku a me ke Kakauleta.
Hoopaneeia a mahope o ka wa e hoike ai ka Puuku a me ke Kakauleta.
Heluhelu mai o S. Paaluhi i ka hoike o ke Kula hanai o Kohala Akau.
Heluhelu mai o J. M. Alexanedero i ka hoike hou oia Kula ma ka olelo haole i unuhiia mai e W. P. Alexandero.
Hoike mai o Mr. Hyde ka Peresidena o ke Kula Kahunapule i kona manao, i unuhiia mai e W. P. Alexandero ma ka olelo Hawaii.
Hoopanee ka hoike o na Kumu o ke Kula Kahunapule, a ka la apopo, Hora 9 A. M.
Kohoia o J. M. Alexandero i Komite e hai aku i na Kumu o ke KUla Kahunapule.
Hoopaneeia a hui hou i ka la apopo Hora 9 A. M. Pule ka Lunahoomalu.
LA HANA 2.
Poakolu, IUne 6, M. H. 1877.
Halawai hou ka Aha ma Kawaiahao, hora 9 A. M.
Lunahoomalu ma ka noho, Rev. S. Waiwaiole.
Malama ia ka 20 minute o ka wa, haipule. Kahea ia na inoa e S. Paaluhi.
Heluhelu mai na Kakauolelo i ka moolelo o ka la hana mua, a hoaponoia.
Heluhelu mai ka Puuku o ka Papa Hawaii i kana hoike, E. O. Hall.
Hooholo ka Aha e waiho aku i kana hoike ma ka lima o kahi komite.
Koho ka Lunahoomalu i ke Komite, J. W. Smith, J. W. Kapu, S. C. Luhiau.
Heluhelu mai ke Kakauleta i kana hoike.
Hooholo hou ka Aha, e waiho aku i kana hoike.
Hooholo hou ka Aha, e waiho aku i kana hoike ma ka lima o kahi komite.
Koho ka Lunahoomalu i ke Komite, S. E. Bihopa, J. H. Mahoe, G. Puuloa.
Noi mai o T. Coana, e koho ia i keia manawa ka Puuku o ka Papa Hawaii.
Hooholoia. Ma ka palota ana, ua kohoia o E. O. Hall i Puuku no ka Papa Hawaii.
Ma ka palota ana, ua kohoia o H. Binamu i Kakauleta.
Hoopanee ia a halawai hou i ka hora 1½ P. M. Pule o T. Coana.
Halawai hou ka Aha i ka hora i hoopanee ia. Pule o Paikuli.
Koho ka Aha ma ka palota ana i na lala o ka Papa Hawaii.
Eia na inoa:
J. D. Parisa, S. C. Damon, A. O. Forbes, S. E. Bihoba, Mr. Hyde, J. S. Kalana,
J. N. Paikuli, Kalanao, Nailipelapela.
Heluhelu mai o S. Paaluhi i ka hoike a ke Komite o na Ekalesia o ka Aha Mokupuni o Hawaii Hikina.
Heluhelu mai o S. Paaluhi i ka hoike helu o ka Ekalesia o Kekaha, Kona Akau, Hawaii.
Heluhelu mai o M. Kuaea i ka hoike helu o ka Ekalesia o Kaumakapili.
Heluhelu mai o Kahalewai i ka hoike helu o ka Ekalesia o Waianae.
Heluhelu mai o S. E. Bihopa i ka hoike helu o ka Ekalesia o Lahainaluna.
Heluhelu mai o J. N. Paikuli i ka hoike helu o ka Ekalesia o Waikane.
Heluhelu mai o Keone i ka hoike helu o ka Ekalesia o Anahola.
Heluhelu mai o T. Puuohau i ka hoike helu o ka Ekalesia o Puukaana.
Heluhelu mai o S. Paaluhi ke Komite Hoike o ka Aha Mokupuni o Oahu.
Heluhelu mai o S. Paaluhi i ka hoike helu o ka Ekalesia o Kalihi a me Moanalua.
Heluhelu mai o J. H. Mahoe ke Komite Hoike o ka Aha o ka Mokupuni o Kauai.
Hapai ka Aha i ke Kumuhana 10. Na Misiona Kuwaho.
Ua kamailio nui ka Aha no keia kumuhana.
Hooholo ka Aha i Komite e kukakuka me ka poe e manao ana e hele i ko na aina e.
T. Coana, H. Binamu, J. H. Mahoe, komite i kohoia e ka Lunahoomalu.
E akoakoa mai ka poe e hele ana i ko na aina e, me na Komite i koho ia, i ka hora 8 A. M. o ka la apopo.
Hapai ka Aha i ke Kumuhana 11. No na Lala o keia Aha i make i keia makahiki.
Noi mai o M. Kuaea e koho i Komite e haku i mau manao hoaloha'loha no na hoa i make.
Koho ia o W. P. Ale xanedero, G. Puuloa, J. S. Kalana.
Hoopanee ka Aha, a hui hou i ka la apopo hora 9 A. M.
Hookuu ia me ka pule a T. Coana, J. W. Smith, W. P. Alexandero.
LA HANA 3.
Poaha Iune 7, M. H. 1877.
Halawai hou ka Aha ma Kawaiahao hora. 9 A. M.
Ka Lunahoomalu ma ka noho, S. Waiwaiole.
Malama ia ka 20 minute wa haipule.
Kahea ia na inoa e S. Paaluhi.
Heluhelu mai na Kakauolelo i ka moolelo o ka la hana 2, me na hooponopono a hoaponoia.
Noi mai o H. Binamu, e ae aku ka Aha e hookuu ia laua o J. F. Pokue i keia la. Hooholoia.
Noi mal o H. H. Pa reka, e waiho hou i kana hoike a hui pu me ka lua o ke Kumu o ke Kula Kahunapule. Aeia.
Heluhelu mai o S. Paulo i ka hoike Helu o ka Ekalesia o Halawa.
Heluhelu mai o Keaupuni i ka hoike Helu o ka Ekalesia o Olowalu. & Ukumehame.
Hapai ka Aha i ke Kumuhana 12. No na Ekalesia liilii, pono anei ke hui malalo o ke Kahu hookahi?
Ua kamailio ka Aha, a ua hooholo, E hoihoi i keia Kumuhana i na Aha Mokupuni.
Hapai ka Aha i ke Kumuhana 13, No ke ola o na Kahu.
Ua kamailio ka Aha.
Ma ke noi a M. Kuaea, e koho i Komite e haku i na manao e pili ana i ke Ola Kahu.
Eia ke komite, W. P. Alexanedero, M. Kuaea, E. Kekoa.
Heluhelu mai o J. M. Alexanedero he Leta na na wahine haole haipule o Honolulu nei, e noi mai ana i ka Aha.
A me na haumana o ke Kula Kahunapule a me ka lakou mau wahine, E hele aku i ka paina Inu Ti, ma ka hora 7 P. M. o ka la apopo, ma Kaukeano. Ua ae aku ka Aha ia noi.
Noi mai o A. Pali, e koho keia Aha i Komite e haku i na  manao hoalohaloha no ka Hooilina Moi i make W. P. Leleiohoku.
Koho ka Lunahoomalu ia Komite.
A. Pali, G. Puuloa, S. Kamohakau.
Hoolaha aku ka Lunahoomalu, E halawai ana ka Ahahui Kula Sabati o ka Pae Aina Hawaii. I ka hora 1 P. M. o keia la.
Noi mai o M. Kuaea, e hoopanee keia Aha, a halawai hou i ka hora 9 A. M. o ka la apopo. Pule o S. E. Bihopa.
LA HANA 4.
Poalima, June 8, M. H. 1877.
Halawai hou ka Aha ma Kawaiahao, I ka hora 9 A. M.
Lunahoomalu ma ka noho.
Malama i ka 20 minute wa haipule.
Kaheaia na inoa e S. Paaluhi.
Heluhelu mai na Kakauolelo i ka Moolelo o ka la hana 3, a hoaponoia.
Noi mai o H. Binamu e hookuu aku ka Aha iaia i keia la. Ua ae ia.
Hapai ka Aha i ke Kumuhana 14. Ka malu o ka la Sabati.
Hooholoia. Ma ka Pule Ekolu o July e malama ia ai. Haiolelo no ka malama i ka maluhia o ka La Sabati. A ma ka Poaha mai oia Pule e malama ia ka pule hookeai ma na Ekalesia a pau.
Heluhelu mai o H. H. Pareka, i ka hoike o ke Kula Kahunapule.
Hapai ka Aha, I ke Kumuhana 15 "Ke ano o na Ekaleisa o Hawaii nei.
Ua kamailio ka Aha, A hoopanee i keia Kumuhana, a hui hou i ka hora 1 P. M.
Pule ka Lunahoomalu.
Halawai hou ka Aha i ka hora 3, hoopanee ia.
Pule o S. Paulo.
Hapai hou ka Aha, I ke Kumuhana 15, ke ano o na Ekalesia o Hawaii nei.
Noi mai o A. Pali, O ka Olelo hooholo a ke Komite o kela makahiki e pili ana No ka hoomaemae Ekalesia.
Oia hoi o M. Kuaea,
E. Kekoa  Komite.
G. Puuloa.
Oia no ka olelo hooholo a keia Aha e hoohana aku ai.
Hapai ka Aha, I ke Kumuhana 16.
Na Nupepa Hawaii.
Heluhelu mai o W. P. Alexandero he Palapala na na wahine haole haipu-
le. E hooponopono nei i ka aoao 4 "O ka Nupepa Ka Lahui Hawaii." E ninau mai ana i ka makemake o keia Aha ia lakou ma ia hana ana, aole paha? Ua hoapono aku ka Aha ia lakou.
Koho ia o Rev. J. M. Alexandero i Komite e hai aku i na wahine haole, I ka hoapono o keia Aha ia lakou. Ma ko lakou Hooponopono ana i ka aoao 4, "Ka Nupepa Ka Lahui Hawaii."
Hooholo ka Aha e ninau ka Luna hoomalu i ka nui o ka Nupepa Lahui Hawaii, ma na Ekalesia mai Hawaii a hiki i Kauai.
Hapai ka Aha, I ke Kumuhana 17. No ke Kula Sabati.
Noi mai o J. N. Kamoku, e hoopanee i keia Kumuhana a hiki i ka wa e noho ai ka Ahahui Kula Sabati o ka Pae Aina Hawaii.
Hapai hou ka Aha, I ke Kumuhana 18.
Na Dala Mahinahou.
Ma ke noi a Kahalewai e ninau ka Lunahoomalu. He Olelo Hooholo, Hooholoia. Oia keia. Aia no i ka manao oia Ekalesia ka hoolilo ana i ka lakou mau Dala Mahinahou.
Heluhelu mai o M. Kuaea ke Komite o na halawai.
1 E hui ana na anaina elua o Kawaiahao me Kaumakapili, ma ka luakini o Kawaiahao, I ka pule kakahiaka hora 10½ A. M. E hoolohe i ka Haiolelo a Pahio, a i hiki ole mai oa, ia J. H. Mahoe, He Haiolelo no ka Oihana Kuwaho.
2 Ma ka pule po i ke ahiahi Hora 7½ P. M. E hui ana na anaina elua ma Kaumakapili, e hoolohe i ka Haiolelo makahiki a Rev. S. Waiwaiole, no ka OIhana Kuloko.
3 Mahope o ka pau ana o ka Haiolelo, E lulu Dala ke anaina, e like me ka hooponopono ana a na Kahu oia mau Ekalesia.
Hoopanee keia Aha a hui hou i ka hora 9 A. M. o ka la apopo.
Pule o A. Pali, J. W. Smith, J. N. Paikuli.
LA HANA 5
Poaono, Iune 9, 1877.
Halawai ka Aha ma Kawaiahao, hora 9 A. M. Ka Lunahoomalu ma ka noho. Malama ia ka 20 minute wa haipule. Kahea ia na inoa.
Heluhelu mai na Kakauolelo i ka moolelo o ka la hana 4, Hoaponoia.
Hoike mai o T. Coana, ke komite no ka poe e hele i ko na aina e.
Hooholoia. E lawe ka Aha a noonoo i ka hoike a ke Komite.
Ma ke noi e puka iwaho ka poe nona na inoa ehiku, e noho ka Aha e noonoo ia lakou.
Noi ka Aha e hoike mai o W. P. Alexanedero i ko Makaiwi kupono i ka hele i ko na aina e.
Hooholo ka Aha e waiho aku ma ka lima o ke Komite, a na lakou e waiho aku i ka Papa Hawaii.
Hapai hou ka Aha i ke Kumuhana 16. No ka Nupepa Ka Lahui Hawaii.
Noi mai o E. Kekoa, e hoopau i ke kamailio ana no keia Kumuhana.
E hoomau aku keia Aha i ke kokua ana i ka Nupepa Ka Lahui Hawaii.
I keia makahiki e like me ka Olelo Hooholo o ka makahiki 1874.
Heluhelu mai o E. Kekoa komite hoike o ka Aha Lunakahiko o na mokupuni o Maui.
Heluhelu mai o S. Paaluhi i ka hoike a S. W. Papaula ke komite hoike o na Ekalesia o Hawaii Komohana.
Heluhelu mai J. W. Smith ke Komite a ka Puuku o ka Papa Hawaii.
E hoapono ana, Hooholo ka Aha e hoapono aku.
Hapai ka Aha i ke Kumuhana 19. ka Pule mua o Ianuari, a me ka Poaha, hope o Feberuari.
Hooholoia. E hoomau aku e like me mamua.
Hapai ka Aha i ke Kumuhana 20.
Ka manawa e halawai ai keia Aha.
Hooholoia. E halawai keia Aha ma ka Poalua Elua o Iune, M. H. 1878.
Malamaia ka hapalua hora haipule.
Hoopanee keia Aha a hui hou i ka hora 9 A. M., Iune 11.
(E nana ma ka Aoao Eha.)