Ka Leo o ka Lahui, Volume I, Number 12, 3 September 1889 — Elias Kaululaau Wright. [ARTICLE]

Elias Kaululaau Wright.

He opio Hawaii keia e hoolaha ana ma ka kakou nupepa i keia kakahiaka, eia oia ua makaukau i ka hana huki niho a me ka hoomaemae ana i na niho, hoopiha ana i ke gula. Ua a'o oia me Dr. Whitney. (Kauka Hukiniho) a ua makaukau loa oia ma keia hana, oiai, nana e hana na hana a pau a kona haku i noho ao aku ai. Ano ke ku aku nei oia nona iho, a ke poloai aku nei i kona mau hoa kanaka e huli aku iaia, a nana no e kokua mai i na hemahema o ka poe pilikia ma kana oihana. E huli, e huli a pau, e huliamahi, waiho ia aku hoi na oihana ia Punidala ma, a o na hana pili ia kakou ka kakou e hoohana aku ai. — — ♦ • ♦ — —