Ka Leo o ka Lahui, Volume I, Number 12, 3 September 1889 — NU HOU KULOKO. [ARTICLE]

NU HOU KULOKO.

Ke kauoha ia aku nei na Luna a pau e paa ana he mau koena pepa ma ko lakou mau lima e hoihoi koke mai i keia Keena me ka hoohakalia ole; a o na Luna a pau e paa ana a hiki i ka la 5 o keia mahina, e manaoia ua kuleana makou maluna o lakou. E hoolohe i keia, o poino auanei. Ma ke Kauoha. Mai poina i ka Heiau o ka Nani. Maikai hoi kou mau Kamaa e Mama! No ka Heau hoi o na Paiki ni. Makepono. Ua peku ia e ka hoki kauo kaa kekahi haole i ka Poaono nei a eha loa. Ua uku mai o Chas. I. Hiram he Eono Dala no ka LEO O KA LAHUI, no eono mahina. Huro! Mahalo i kou lokomaikai. He kohu makani kona no hoi ma ka aekai o Kuloloia ka hookui a ke dala i na eke o ko makou Puuku a e kani mau ana ka hoe. Mai poina i ke kipa ae ma ka HEI-AU o na PAIKINI, a ilaila e wae ai i na nani a me hie aole i kana mai. Alawa ae paha oe i ka olelo hoolaha la. A i eha ko niho ea, kipa ae oe i ke keena huki niho o Elias Kaululaau Wright, ke keiki a Hawaii, a nana ia e hana mikioi noii noelo iho a nani. Aia mawaena o ka Hui Hoku a me ka Honolulu ka paio ana no ka hookuku kinipopo hope loa e ikea ai ka mea iaia ke keehina o ke kahua hoopapa kinipopo. Nui ka ka la o na apana o ko Waianae, Waialua a me Wain@ Ua noke iho ka ka la i na wahi @ nahele a maloo. Me he la pela no i maloohaha ai na wahi bipi o ka makeke. O ke alanui o Pauoa, ua palahinu loa ae nei i keia mau. A ke uku ia nei ka Luna hana Hawaii, he 1 dala o ka la: a o kahi elemakule haole makuakane o ka Luna Aanui, he ekolu pehu o ka la, Nui no ka maemae o ke au vaniki.