Ka Leo o ka Lahui, Volume I, Number 12, 3 September 1889 — NA MEA HOU O EWA. [ARTICLE]

NA MEA HOU O EWA.

E KA LEO O KA LAHUI, ka ihe laumeki nana e kaa nei kahua loa; ka mea hoi nana e une nei na kupu ino o ke Awalau o Puuloa, (Paeaina wahakole me ke Kuokoa hookamani). Eia Ewa la ua haunaele i ka Moae, mamuli o kou hoike ana mai i na lua hnna a me na apoopoo o na powa; akahi no a kaakaa mai na maka o kuu mau hoa kanaka i hoopio ia e ka mana o keia mau d@a ino; a ua hoike ae kekahi @ ana lakou i ka haalele i ka pepa ke pau keia makahiki. Huro! No "Ka Leo o ka Lahui," Huro no "Ka Oiaio;" Eia iho na mea hou o Kaiahamauleo: Ua hoala ae nei na keiki o ka ai- na ula nei i ka lepo, he Hui Kinipopo, a ua uniki nui iho nei. Piha pono ka luakini o Ewa nei i keia mau la malalo o ke alakai ana a ke Alii Makai o Ewa nei. He nui ka mahnlo nona, a e hoonani aku ma ia hana maikai. M. S. K. KALOKUOKAMAILE. Ewa, Oahu, Aug. 31, 1889. - ♦♦♦ - A hoea mai i keia la, ua hiki aku ka nui o na dala i uku ia ae ma ka waihona o ka Puuku o ka Hui Kalepa Hawaii i ka $4500. Nui ke ohohia, a hoike ka lokahi o na Hawaii a pau. . He 300 a oi Paeaina Puka La e pai ia nei, a he 180 poe lawe, o ke koena iho, ia Nawelu ma, a ia Nalimaapa ma, a pela aku. O ka hoike oiaio keia a kou Makai Kiu Helu 7, a e noii hou ae hoi au i keia mau la, a hoike hou aku ia oe me ka hakalia ole. MAKAI KIU 7. Ua like ke Keena o Ka Leo o ka Lahui me he makaha la. He laau aku la no Makalei, ka laau ona mau ia e ka i-a.