Ka Leo o ka Lahui, Volume I, Number 17, 10 September 1889 — Page 4

KA LEO O KA LAHUI.

"E Mau ke Ea o ka Aina i ka Pono."

 

He Malolo Nanea

 

--- NA ---

 

LATE MURANA.

 

-----

 

Ka Olali o na Moana Ehuehu --- Ka

Ouli o na Ipo Ekolu --- Ka Na-

ni Huna o Aruima --- Ka Ui

hoomahie o Serina.

 

--- A Me ---

 

Ka Nohea luli ole o Ratiela

 

-----

 

HE MAKANA I KA NUPEPA PUKA LA “KA

LEO KA LAHUI.”

 

-----

 

Ia lohe ana, ua pupuahulu koke ae la lakou a pau me ka manao e lalau koke aku ia Late a Iumai iho iloko o ka wai, aka, me ka emoole luaole, ua lekei aku la oia iluna o ka waapa, a kauoha koke aku la oia i na mea e hoe ana, e hoe awiwi aku i ka waapa iwaho, a ua hooko

koke ia kela manao.

            Aole i keakea aku na kauwa i ka manao o Late Murana, aka, o ka lakou i pane aku ai oia keia.

            E Late Murana, e hele a loaa ka pomaikai ma kau huakai, hoomanao wale iho hoi oe no makou kau kauwa nei.

            Ua hiki ole ia’u ke hoopoina no oukou a pau ekolu; wahi a Late Murana, no ka mea, ua hoopakele mai oukou ia’u.

            Mahope iho o keia manawa a lakou e kukai olelo nei, ua hulihoi koko aku la na kauwa me ka awiwi luaole me ko lakou makaala pu ana hoi ia lakou iho o loaa mai i ko lakou iho o loaa mai i ko lakou haku, aole hoi i ike ia aku kana mau mea e hana mai ai no lakou nei.

            E waiho aku kakou no na kauwa a me ko lakou alii, a e huli hope ae hoi kakou a nana aku i ka mea nonakeia nanea.

            Oiai ka waa a e holo ala, a ia lakou i mamao aku ai mai ka aina aku, ua ninau mai la kekahi mea e hoe ana, Owai oe?

            O Late Murana, wahi a Late i pane aku ai.

            O Late Murana, malihini makou i kela inoa, wahi a ka mea e hoe ana, a noke ae la i ka akaaka henehene.

            Ma keia akaaka ana, maopopo iho la ia Late he wahine ka keia inau mea e hoe nei i ka waapa, koe wale no ka mea e noho pu ana me ua Late la mahope, ka mea hoi nana e paa ana i ka hoe o hope.

            Oiai, ma ka akaaka ana o kela mau mea mamua, ua hoomaopopo aku la o Late he leo wahine, nolaila, he wahine laua wahi a Late iaia iho, a o keia mea mahope, he luahine paha a i ole ne ipo paha na keia mau wahine, oiai aohe ona onioni, aohe no hoi he pane leo.

            Oiai nae lakou iloko o na kike olelo malie ana me ka hoomau ana no i ka hoe ana, aia hoi, ike aku la o Late Murana i ka uiuiki mai o kekahi kukui i kahi mamao loa a ninau iho la oia i ka mea e noho ana ma lona aoao.

            He kukui aha kela? He moku anei?

            Aohe pane leo ae o ka mea e noho ana ma kona aoao, nolaila, manao hou ae la o Late Murana, he kuli ka paha keia, oia ka mea i hiki ole ai ke hoopuka i kekahi huaolelo.

            Hoomau aku la no nae lakou i na kukai olelo malie ana me kela mau kaikamahine e hoe la, aole nae lana i hoomanao ua ike ia laua e Late Marana, aka, o Late ua ike maopopo no laua e like me kana lohe ana ma ka leo.

            He mau hora pokole wale no@@ ke holo ana aku a lakou, a mawaena@@ ka hora 4 a me 5. pai aku la la@@ ina kekahi aoao o ka muliwai, @@ ke ka-e o ua muliwai la e ku @a kekahi hale nui nani a maikai; no @ na hoi na puka aniani nunui e ha@@ mama pono ana i ka muliwai.

            I ko lakou pai ana aku ua pane mai la na kaikamahine e hoe ana@@ E ke kanaka opio, ma ke ka-e @@ keia muliwai e haalele ana makou @ ia oe, a pela hoi oe ia makou, He @ minamina nui ko makou nou e ke @ kanaka opio, aka, o ke alanui a ma kou e hoi nei he alanui hiki ole ia @@ i ka lehulehu o na kanaka i like ka @ aahu me kou ke hele.

            No keaha mai hoi ka mea e hiki @ ole ai? wahi a Late i hooninau aku ai.

            Pane aku la na kaikamahine, he kaupu aohe mea hiki ke hele ilaila, a ina e hele ana kekahi mea ma kona manao iho, alaila, e make io ne oia.

            Auwe, ina pela, aole au e hahai aku mako oukou meheu, a o ke aloha no ko oulou a nui loa, wahi a @ Late Murana.

            Ae mai la no hoi ua poe la a mamua nae o ko lakou huli ana ae e hoi no ko lakou alanui, aia hoi, huli mai la ka mea i kamailio pu ole me Late a wehe pu ae la oia i kekahi mea mai loko ae o kona lole a pane mai la oia me ka leo malie e like me ka leo wahine penei:

            E ke kanaka opio ui, e makana aku ana au i keia wahi makana uuku a nau ia e malama, a ina oe e noonoo nui ana no kena makana a’u e haawi aku nei ia oe, alaila, e hui hou ana no kakou i ke ahiahi o ka la apopo.

            I kela wa a ka leo o ka nea i kamailio mai ai imua o Late Murana, hoholo ae la ka lia maeele a puni ke kino o ua koa la, me he mea la @@ ma kona hoomaopopo aku, ua like me ka nanahe o kona leo, a me ka malie hoi ke puana mai i kana huaolelo, pela no ka nani a me ka mae-mae o kona nau helehelena.

            Aka, aole i hoomaaopoopo loa aku ua Murana la, lalau aku la oia i ka makana mai ka lima mai o ua kino kanaka maopopo ole la, a i ka paa ana i ko ia nei lima, hoomaopopo iho la oia he wahi apana pepa ka ua mea la.

            Lawe ae la oia a ho-o iho la iloko o ka eke o kona lole, a haawi aku la i na hoomaikai ana no ka makana i loaa nai iaia,

             Huli like aku la ua poe la a hoi aku la no ko lakou home; a o Late Murana hoi, hoaa wale iho la no oia ma ke kae o ua muliwai la.

            Ia wa, ala mai la na noonoo ana iloko o Late Murana nokona home a me kona mau makua hana aloha ole, a oia kana i nana aku ai i ke kulanakauhale o Poma me ka naau mokumokuahulu a hoopuka ae la oia i keia mau huaolelo me ka hele-lei pu ana iho o kona mau waima-ka penei:

            O oe e ke kulanakauhale o Roma aole au e kilohi hou aku ana ia oe ma keia hope aku, koe wale no, ina e loaa ana ia’u ka mana e hiki ai ke kulai i kou mana a me kou no-ho alii ma keia mua aku, alaila e huli hoi hou mai no au.

            Me keia mau huaolelo kuoe, huli ae la o Late Murana a hele aku la mo kekahi hale ana i ike aku ai he hale ano kokoe ana i ka muliwai.

            Huli hou ae la nae oia a nana aku la i ka hale nui e ku ana ma ke kae wai, aia hoi, ike maopopo aku la oia i ka nani o ua hale la a me kona mau hiohiona a pau, a ko-ho aku a oia he hale ia no kekahi o no alii a i ole no kekahi kanakawaiwai loa paha.

 

$15,000.  KUMUHANA.   $15,000.

 

KA HUI KALEPA HAWAII!

 

$3,500!     I HOOKAAIA MAI.     3,500!

 

ME KA HAUOLI NUI MAKOU E HOIKE AKU NEI I KA

 

Hui Kalepa Hawaii.

 

            Oka poe e makemake ana e liko I mau lala no keia Hui, e hiki no ia lakou e uku liilii mai i ko lakou dala me ka manao e houluulu i na wa e like me ka nui o na mahele kuleana a lakou i koho ai.

            O Mr. J. Kua, ka mea nana e ohi ke dala ma ke keena loio o Mr. W. C. Aehi, i kokua ia e Isaac D. Iaea, a me D. W. Pua, ma ka ohi ana i ma dala.

            O na Dala a pau e loaa mai ana, e hoike hebedoma ia aku no ia i kela Poakahi keia Poakahi, ma ke kau ana i olelo hoolaha ma ka puka o ke keena o Mr. Achi, a ma ke alo o Aliiolani Hale.

                                                                           HENRY SMITH,

                                                                           Puuku o ka H.K.H.

 

NA LOLE!   NA LOLE!!   NA LOLW!!!

 

--- MA KAHI O ---

 

L. B. KERR,

 

Ma ke Keena ma Waikiki iho o ke Keena Kudala o James Mogana.

 

 

Na Lole Hou Maikai loa o ke ano hou Akahi no hea mai ne mai

Enelani pololei mai, Mai Europa amai Amerika nai no hoi.

 

Na Pale Ili Ano Maikai Loa o na Kane.

Na Kakini o kela ano keia ano.    

Ma ke Kumuknai Haahaa Loa I ike mua ole ia.

Na Kalakoa Maikai paa loa o kela me keia ano.

Ku ke Ahua hana ka Haawe o ua mea he nui.

E NAUE !   E KIPA ! !   E HALO ! ! !   E NANI ! ! !

 

                                                

A e Wai iho a ku I ka Iini a Loko,  Alaila, Lawe ae no a Aahu

@@@@e ke Kilikohu.

 

              E hea I ke Kanaka e komo maloko,

              E hanai I ka Manao a lawa ka Makemake

              Hookahi no Mohai o ka Ike –a.        d14 sept5 1m*

 

    HEIAU O NA PAIKINI

 

KIHI O NA ALANUI PAUP A ME HOTELE.

 

          HOOLAHA ANO NUI.

 

   KAMAA !   KAMAA ! !   KAMAA ! ! !

 

Ke kahea aku nei au I kou hoomaopopo ana e malama ia ana ma ka

 

POAKAHI, SEPATEMABA 1, 1889.

 

--- MA KA ---

 

MAHELE KUAI KAMAA

 

Kekahi Kuai Hoopau nui ana.

 

Ma keia e loaa ai he Manawa kupono loa e kuai I na kamaa ma ke ku-

Mukuai hoemi ia.

Na Kamaa Pihi o na keiki, mai ke .50 keneta a pii aku.

“   “   haahaa o na keiki, mai ke 50 keneta o ka paa.

                              “   “   o  na  Lede,  mai ka hookah  dala a pii  aku.

 “   “   Pihi ili opio o na Lede, hapaha o ke kumaukuai.

 

Na Kamaa Kane o na oano Linohau.

 

I OKI IA IHO KE KUMUKUAI A KA HAPALUA LIKE.

 

E HOOMAKA HOU AKU ANA KE KULA, A NO IA AU E HOO-

LAHA AKU NEI I NA

 

Lo e Keokeo o na kaikamahine me na opio,- No ka 1-4 o ke kumukuai.

                      Na Lole Keiki, - he 50 keneta wale no o ka paa.  

                      Na Lole Kaikamahine, 10 me 12 mak. – he hookah dala wale no.

                      Na Mikilima Ilikao opio, - Ua hoemiia a ka hookah dala wale no o ka paa.

 

E KUAI  AKU NO HOI AU I NA KUAI HOLOPONO LOA ANA MA NA MEA ILOKOO KA MA-

HELE KUAI LOLE.

 

LIpine !   Lipine !   Lipine !

 

He 2,000 a oi aku na apana Lipine e kuai ia aku ana, no ka hapaami

Ka emi iho o kela a me keia dala hookah.

                                                                S. EHRLICH.

10---qm                                                         Kihi Alanui Hotele a me Papa