Ka Leo o ka Lahui, Volume I, Number 19, 12 September 1889 — He Pake Kaawe. [ARTICLE]

He Pake Kaawe.

Ma ka hora 4:30 o ka waanaao Poaono noe, ua loaa aku kekahi Pake nona ka inoa o Dong Chin ua make loa mamuli o ke kaawe ana iaia iho malalo o ka hale liiilii ma ka mahi laiki o Hopper ma Pawaa. I ka wa i loaa aku ai, ua hole a anuanu me he la ua make kahiko. Ua noho hana kela Pake malalo o ka mahi laiki a Hopper no na mahina he 4 i hala ae nei. A ua mahalo nui ka luna hana iaia, no kona noho malie, aole ona puhi opiuma a pili waiwai hoi, nolaila, ua lilo kona kaawe ana i mea hookahaha i ka noonoo. He 24 makahiki o ua Pake la. Ua manao wale

ia o ke kumu o kona kaawe ana, oia no ka loaa ana mai o kekahi leta iaia mai Kina mai, e hoike ana ua make kona makuahine a o kona makuakane hoi ua mare hou aku la i ka wahine hou, a he hana ino loa nae ua makuahine kolea 'la i ka wahine mare a me ke keiki uuku a ua Dong Chin la. Mal ka loaa ana mai o kela lono ua hoomaopopo ia ke ano kukule o ua Pake 'la a hiki wale i kona kaawe ana iaia iho. Ua hooholo ka Aha koronela, ua make kela Pake mamuli o kona kaawe ana iaia iho, ma o ke kaumaha o kona noonoo no na hana pono ole i hana ia maluna o kana wahine a me ke keiki ma Kina. ♦♦♦