Ka Leo o ka Lahui, Volume I, Number 19, 12 September 1889 — Eia Mai Ua Nani. [ARTICLE]

Eia Mai Ua Nani.

Eia malalo iho ua lawe mai makou he leta i kakau ia e kekahi kamaaina o Honokaa, Hamakua, Hawaii, maloko o ka nupepa "Buletina" o ka Poalua iho nei, Sept. 10. A na oukou no e wae pono iho i ke ano oiaio a me ka nani a kaulike ole wale a ka poai hoomaemae. "Lunahooponopono Buletina:" -- "Iloko o kekahi mau la pokole aku nei i hala, ua hopu ia kekahi Pake makai o Honokaa nei no ke puhi opiuma a me ke kuai opiuma. He wa loihi nae o ka pauaka ana a ka aoao hoopii, aka ua hookolokolo ia, a ua ahewa ia, no ke puhi opiuma wale no, a hoopai ia he 24 hora ma ka hana oolea a me $150. Ua hana oia i ka hoopai paahao, aka aole oia i haawi aku i bona no ia mau dala. I kona manawa i hemo ai mai loko ae o ka halepaahao ua kau koke ae la no oia i kona pihi makai a hele aku la e lawelawe i ka hana me he la aohe pohihihi maluna ona. He inoa ino loa ko kela Pake ma keia @ @ @ @ @ na kupa o keia wahi, heaha la ke kumu o ka Hope Makai Nui e malama nei i ke kanaka o keia ano. He kumu hoohilahila keia ino no ka oihana. HE KUPA. Honokaa, Augate, 4.