Ka Leo o ka Lahui, Volume I, Number 19, 12 September 1889 — Untitled [ARTICLE]

Ua malama ae ka Hui Telefona Mutual i ko lakou halawai makahiki ma ka hora 11 a. m., maloko o ke keena o ka Hui. Nui hoi ka eke ia a kela poe lawaia o Kalia i la kapule nei. He ike wale aku la hoi i ka iamo a na holua i ke kai, na kiki pu o Waialae e noke mau la i na la kapule. Aohe i nema maoli makou i ka waeaolelo kuloko me ka manao ino, aka ua hoaiai ka LEO O KA LAHUI, i ka hoike a kekahi haole i maa loa ma ia hana. Ina io no "hapopo" ke kumu maopopo ole, auhea ka hoi o Uwila? I waena o na kii kaha lima i kaha ia ma Hawaii nei o ke kii kaha o ke alii ka Moiwahine kekahi ona kii maikai loa. Ua hana pa-ka ia keia kii e kekahi opio Hawaii oia hoi o Makainai opio. Nui ka mahalo. Ke hoomaoe mai nei ka Pae Aina no ka mea e pili ana i na Hui Kalaiaina. O ka pane kupono, nou e hauoli'i; poholalo ae oe me na Luna Aupuni me ka hookikina ikaika ana e hapuku kuleana ole i na buke a me na mea a pau o ka Hui Kalaiaina o Hamakua. Ua makemake makou e oili loa ae mai ko kani a-i a i ke kino mailoko ae o na kamaa buti o Mr. H. M. Wini ma. Hooikaika aia no ka pono o ke suapo lio iwaena o ka muliwai. la makou i hoike aku ai i ko makou lohe mahui, o ka ona o ka Pae Aina kekahi kuleana e wae i na hoa lala o ke kiure; aole loa makou i hoopuka i kekahi huaolelo mawaho ae o kela huaolelp ana i kapa mai nei ia makou, he "puaa eku lepo," aka, o kona ano mau ia o ka lili maka welawela no ko makou kupaa mai ka aoao o na kanaka Hawaii.