Ka Leo o ka Lahui, Volume II, Number 110, 19 January 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA WELI O NA MEA HUNA POHIHIHI—KE KIHAPAI PUA PAHAO, HAO O KAMEPULIA—KE ALAHELE O NA MEA HUNA ELUAME KA LUAWAI KAMAHAO O TAWANIA.

_____

            I ka lohe ana o ka moi no keia mea, ua pii ae la kona huhu a hoopuka ae la oia i na olelo ino he lehulehu wale, a papa aku la oia i ke kahulio aole e kii hou i ke kaikamahine.

            O ka manao paa o ke alii Henerika, e hookau aku i ka hoopa’i maluna o kana kaikamahine a me kana ipo.

            Nolaila hoouna aku la oia i kekahi o kona mau koa e imi i ke kaika mahine alii, a ina e loaa oia alaila, e hoihoiia oia no ka hale alii a o kana ipo hoi e hoopaa ia oia no ka Halepaahao.

            Ua ae aku la na koa a hele aku la lakou malalo o ke alakai ana a kekahi alii koa kaulana.

            Ia lakou nae e hele ana aole no hoi i loihi loa aku ua halawai koke mai la lakou me ke kaikamahine alii a me Don Kupikoa, e hele mai ana laua ma ke alanui pololei e hiki aku ai no ka hale alii.

            Ia wa kukuli iho la ke aliikoa i mua o Kalawalina a pane aku la i keia mau huaolelo penei.

            Ma ka inoa o ka moi Henerika o Suedena nei, ua kauohaia mai nei makou e kii mai e hopu ia oe a me keia kanaka e hele pu nei me oe.

            Heaha kumu o kona manao ana e hana pela?

            Ua lohe ka moi ua hana oe i kekahi mea.

            Heaha ia mea a’u i hana ai?

            Aole au i maopopo, wahi a ke alii koa i pane aku ai.

            Ina pela aole au e ae aku ana i kau mau mea apau e kamailio mai nei no ka mea, aole i ike ka moi ua hana au i kekahi hana pono ole me keia kanaka, a i ole hoi, oia paha ka i hana mai, he ole loa no.

            Eia kekahi, ua hoopakele mai keia kanaka ia’u oiai au iloko o ka pilikia, ka mea hiki ole hoi ia oukou ke hana.

            Pane mai la ke aliikoa, aole au i ike i kela mea o ka olelo kauoha wale no ko’u kuleana a malaila wale no au i hiki mai nei.

            E hoike aku au ia oe me ka pololei aole au e neeu aku ana mai keia wahi aku a hiki i ko’u make ana ina keia wahi.

            I ka lohe ana o ke aliikoa i keia mau huaolelo ua pane koke aku la oia.

            E ke aliiwahine maikai e kala mai ia’u, no ka mea, aole au e kau aku ana i ko’u lima maluna ou.

            Ina oe e mihi i’o mai ana i kou hewa alaila, eia wale no ka olelo ia oe, e hahai mai mahope o maua no ka halealii.

            E ke aliiwahine e poino ana au mahope o kau mau hana.

            Heaha kou mea e poino ai?

            No kuu hooko ole hoi paha i ka olelo kauoha a kou makuakane.

            Mai nana oe no kana mau olelo no ka mea aohe ou pomaikai e loaa mai ana mai a ia mai, e hahai mai mahope o maua a na mana no e kokua ia oe a me na koa me oe.

            Malalo o keia mau olelo ua kaikamahine ala ua ae aku la ua alii koa ala a haele like aku la lakou no ka halealii.

            Hiki aku la lakou no ka pukapa kikeke ia aku la ka puka, a i ka hemo ana mai, ua komo aku la lakou nei me na koa.

            Hela aku la lakou nei a pii aku la i ke alapii a komo aku la iloko a oka halealii, a maloko o ka lumi hookipa alii i hoonoho ia iho ai o Don Kupidoa.

            Oiai no laua nei i noho iho ai ua oili koke maila ka moi Henerika me na maka pupuku a pane maila i keia mau huaolelo penei.

            Nawai oe i kauoha aku e kuu kaikamahine ino hookuli e lawe mai i keia kanaka Palani maanei?

            E kuu papa, e hana hoohaahaa mai ana anei oe ia Don Kupidoa ka moi o ke Aupuni o Palani?

Owai la oia i ko’u manao aole au iike iaia.

E kuu papa, aole anei ae e hoolohe mai i ka’u olelo no kekhai mau sekeua no ka @e@, o keia kanaka o ko’u hoopakele ia.

Aole i pau.

_____

KU AI HOOPOHO LOA!

_____

 

No Ekolu Pule Wale no!

_____

E HOOMAKA ANA MA KA POAKAHI LA 15 O DEKEMABA, NO KA POMAIKAI O KUU LAHUI PONOI.

_____

E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi loa aku ana wau i ko’u mau waiwai a pau ma ke dala kuike, oia hoi, na KALAKOA hooluu like ole.  Mai ka 12 a 20 I‑a no a $100.

Na KALAKOA laula, mai ka 6 a 8 I‑a ko ka $1.00.

Na KALAKOA hapa kanikau laula he 7 I‑a na ka $1.00.

Na KINAMU, he 12 I‑a $1.00.

3 Paa KAKINI WAHINE 25 keneta.

Na PAPALE o na opio wahine i kino hinohi ia, he $1.50 a pii aku, no ka mea hookahi.

Na LEPO‑NALO mai ka 8 a 18 I‑a no ka $1.00.

Na A‑I KALA KEOKEO a me hapaka nikau o na wahine, 10 keneta no ka mea hookahi, a pii aku.

Na KAMAA haahaa o na wahine, he $1.00 wale no no ka paa.

Na KIHEI huluhulu, na HULUHULU manoanoa; na HALII moe a pela aku.

Na PALE‑ILI oluna o na kane, he 25 keneta wale no o ke ano maikai.

Na PALE‑ILI olalo, he 40 keneta wale no a pii aku.

Na PAA LOLE o na keiki o ka KALIKIMAKA.

Na PALULE hana o na kane mai ka 40 keneta a pii aku.

Na PALULE huluhulu mai ke 40 keneta a pii aku.

Na PALULE keakeo i aiana ole io, he oluolu ke kuai ana, a he nui wale aku o koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko’u hale.

F MOSES KEUMI.

ALANUI MOI.     tf.—d

_____

PAPA KUHIKUHI

......O......

KA HUI ALAHAO A ME AINA O OAHU.

_____

E HOOMAKA ANA MA KA LA

25 O OKATOBA, 1890.

_____

 

MANAWA HOLO:

                                                A.M.    A,M.    P.M.    P.M.

Haalele ia Honolulu                *6:15   8:45     1:45     5:30+

Hoea ma Honouliuli                *7:20   9:49     2:49     5:35+

Haalele ia   “                          *7:30   10:51   3:51     5:45+

Hoea i Honolulu                      *8:35   11:55   4:5       6:50+

* Lapule wale no.

+ Poaono wale no.

Oct. 21, 1890     tf—d.

_____

H. P. K. Malulani.

HE LOIO a he hookapeke olelo ma ke Kanawai.  E loaa no au mai ke kai hawanawana o Kawaihae e hoene ana me ipo la, a Hamakua au i ka la’i o Kukaiau ma ke alo o na pali.  E ohiia no hoi na aie me ke ku i ka eleu a me ka puahiohio.     Nov 8 ’90, d‑ly.

_____

Olelo Hoolaha.

Ke hai ia aku nei ka olohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuai, e loaa no au ma Haimoeipo, Hale Kaa o ka Moi, a i ole i ko’u home paha.

MRS. C. I. HAIRAM.

Haimoeipo, Honolulu, Oct. 8, 1890/

3me‑d.

_____

Olelo Hoolaha.

            Ke kanoha i aaku nei na kanaka a pau i aie ia ia C. I. HIRAM i make e hookaa koke mai i ko lakou aie ia MRS. C. I. HIRAM, a i ole ia, ia D. DAYTON.  O na poe a pau e hookaa ole mai ana a hala na la he 30 mai keia la aku, e hoopii ia no lakou e like me ke kanawai.

MRS. C. I. HIRAM.

Haimoeipo, Honolulu, Oct. 8, 1890.

3ms‑d.

_____

Hoolaha Hookapu.

            Ke papa loa ia aku nei na kanaka a pau o kela a me kaia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.

MRS. C. I. HIRAM.

Haimoeipo, Honolulu, Oct. 8, 3890.

3ms.—d.

_____

A. J. SCHREIBER KA OLOHE.

_____

HANA WATI ME NA MEA GULA.

_____

            O ka hana hou ana i na wati pakeke, kau, hale, a me na mea dula o kela a me keia ano, he waipahe loa ka auhau, a pela no hoi me na mea ia paa mua. O ka mea e holo ana ia kaua oia ka’u e hana ai.

ALANUI HOTELE (Malalo o ka Aline tona.)     Oct. 27, 1890,     tf‑d

_____

Hale Kuai Wati Nui

HELU 1

No C. Ah Kau.

_____

KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia ano, na lako wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me keia ano, na PUPANAPANA a me na lako e ae e pili ana.

            E hoomanao e na makamaka o keia AH KAU no ka mea nana @@ana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai na hoolilo aku oia i kona kuleana malaila, na wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii.  E loaa no na mea a pau e pili ai a i keia oihana me ka emi loa a e hana hou ia na wati u me na lako gula me ka hikiwawe a me ke emi loa.  E hoouna mai i na kauoha ma ka Pahu Leta Helu 268.

            E naue nui mai, a e ike no oukou iho.  O na mea hoa oa wale no i ike mau ole ia ma Hawaii nei.

C. Ah Kau.

NA LAKO DALA!

HE $5,000 KA WAIWAI 10

 

(picture of ???)

(vertical words on left –MAI NA MEA ANIANI, A NA KII.)

(vertical words on rifht – NA MEA PAANI A ME NA LAKO DALA.)

 

 

E Haawi Makana ia

aku ana.

Na Lako Dala!     Na Lako Dala!

_____

$2.50—NO. 30 LA WALE NO.‑‑$2.50

            I ka Poakahi, Dekemaba la 8. 1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.

            Iloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela a me keia ano.

A i ole, o kekahi mau Makana o na lako

Wai‑Dala.

_____

 

E Alawa ae ma na Pukaaniani o ko

Makou Halekuai Alakai, i

ike i ke Aha nui o na

Makana Makamae

a Makou i ko Makou

poe kuai.

Chas. J.Fishels.

Ma ka Halekuai hoopau.

MA KAHALE ILUNA E HANA IA AI NA LOLE.  KIHI O PAPU

 ME HOTELE.     Daily tf

_____

Hoolaha Hou!

_____

B. F. EHLERS & CO.,‑‑‑Painapa.

_____

Ua loaa mai nei ia makou he mau waiwai hou loa, oia hoi na:

KAKIMIA,

KINAMU,

KEOKEO HALU’A,

CHALLI,

VIKOLIA KEOKEO

‑ A ME NA –

Mikilima o na ano a pau, a me na paku puka aniani o kela a me keia ano, no na, kumukuai haahaa loa.

B. F. EHLERS & CO.

Alanui Papu, Honolulu,‑‑25‑d3m.