Ka Leo o ka Lahui, Volume II, Number 111, 20 January 1891 — Page 4
| This text was transcribed by: | Chantrelle Waialae |
| This work is dedicated to: | Wai'alae 'Ohana |
KA LEO O KA LAHUI.
"E Mau ke Ea o ka Aina i ka Pono."
HE KAAO
NO
DON KUPIDOA.
KA WELI O NA MEA HUNA POHIHIHI-- KE KIHAPAI PUA PAHAO HAO O KAMEPULIA--- KE ALAHELE O NA MEA HUNA ELUA ME KA LUAWAI KAMAHAO O TAWANIA.
O ko hoopakele keia? Ma ke ano hea ia hoopakele ana.
Aohe no o'u ano launa oluolu me ke aupuni o Palani, ua hiki no ia'u ke malama i ko'u aupuni me ke kokua ole ia mai e kahi aku.
E hoopau i kou manao ino e kuu makuakane no ka mea, he malihini kiekie loa keia.
Aole a'u nana noia mea, heaha ia mea i ko ʻ u manao, hookahi wale a ʻ u mea noonoo i lohe oe, o ko ʻ u manao ponoi iho no.
Na keia mau olelo i hookomo mau i ka manao hilahila iloko o Don Tudidoa, a oia kana i eu ae ai e ku iluna me ka manao e hoi. aka i kona wa i eu ae ai oia no ka wa a ka moi i pane mai ai.
E ke alii o Palani, mai noonoo no keia mau mea a ʻ u e kamailio nei nou, no ko ʻ u nui huhu, nolaila i puka hewa ai kela mau huaolelo, e kala mai ia ʻ u.
Pane aku la o Tubidoa, ua kalaia oe, aka, aole au e lawe mai ana ia mau mea i mea na ko ʻ u naau e hoomau ai.
Ia wa i ike a hoomaopopo iho ai ka moi Henerika, he kanaka puuwai oluolu loa ka o Don Tubidoa.
Oia kana i pane aku ai ma keia mau huaolelo penei:
E ke alii o Palani, ua oluolu ia ʻ u ka haawi ana aku i na hoomaikai palena ole no keia launa alha ana o kaua, a e hoomau ia aku hoi ko kaua noho aloha ana me kou aupuni.
Ua lawe mai o Don Tubidoa i keia mau hoomaikai me ka huaai nui.
Mahope iho o na nanea ana o lakou, ua hoomakaukau ia mai la kekahi papaaina nui i luluu me na mea ai ono loa, he papaaina hoi na ka moi ia Don Tubidoa ke alii o Palani.
I ka pau ana nae o ka lakou paina ana, a ia lakou e nanea ana ku ana kekahi o na pakipa o ka hokele me kekahi palapala ma kono lima.
Haawi aku la oia i ua palapala ala i ka moi, a e heluhelu ia ua leta penei:
Hekele Aniani, Oct. 4 1005.
I ke Alii ka Moi Henerika:
Aloha: O ke kanaka i kau i ka hoku Palani ma kona umauma, he kanaka kipi a powa ino loa oia, e makaala lea oe nona o make oe iaia, he puuwai eleele maopopo aohe ona lua e like ai.
Owau iho no o ke keiki alii
Satima.
I ka pau ana o ka heluhelu ana o ka moi i keia leta, ua ano kuihe koke iho la kona noonoo, a nana pololei aku la oia maluna o Don Tubidoa no kekahi mau minute a pane aku la oia i keia mau huaolelo penei:
E ke alii Palani, he wahi mea hou ano nui mai nei ka ʻ u no keia manawa mai la no i loaa mai nei ia ʻ u mai keia keonimana mai nei, e pili ana hoi nou.
Aole anei e pono e hahai mai oe ia manao e pili ana no ʻ u? wahi a Tubidoa i ninau aku ai.
Aole au e hai aku ia oe, aka, ua oluolu au nau no e nana mai ina manao o loko ina he hiki ia oe ke heluhelu.
I ko Don Tubidoa heluhelu ana, aohe maopopo iaia o ke ano o na huaolelo nolaila, na pae aku la oia aohe au i maamaa i ka heluhelu ana i keia ano huapalapala ua like loa me ka helu ana a na wawae moa.
Ninau hou akula nae o Don Tubidoa, pehea iho la kou manao no keia leta?
Aohe e hiki ia ʻ u ke hahai maopopo aku ia oe ina mea apau o loko o kela leta no ka mea, he malihini au ia oe, aole au i maopopo ia oe a me kau mau mea i hana ai.
Hookahi wale no a ʻ u mea e kamailio aku ai ia oe, ua maka ʻ u loa au nou i keia wa, akahi hoi, ina no hoi he kanaka ino oe, alaila e hookau aku ana no au maluna ou i ka uku hoopai kupono o kau mau hana ino.
Aole i pau.
KUAI HOOPOHO LOA!
No Ekolu Pule Wale no!
E HOOMAKA ANA MA KA POAKAHI LA 15 O DEKEMABA, NO KA POMAIKAI O KUU LAHUI PONOI.
E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi loa aku ana wau i ko ʻ u mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 20 I-a no a $1.00.
Na KALAKOA laula, mai ka 6 a 8 I-a ko ka $1.00.
Na KALAKOA hapa kanikau laula, he 7 I-a na ka $1.00.
Na KINAMU he 12 I-a $1.00.
3 Paa KAKINI WAHINE 25 keneta.
Na PAPALE o na opio wahine i kinohinohi ia, he $1.50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00.
Na A-1 KALA KEOKEO a me hapaka nikau o na wahine, 10 keneta no ka mea hookahi, a pii aku.
Na Ka MaA haahaa o na wahine, he $1.00 wale no no ka paa.
Na KIHEI huluhulu, na HULUHULU manoanoa; na HALII moe a pela aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii oku.
Na PAA LOLE o na keiki o ke KALIKIMAKA.
Na PALULE hana o na kane mai ka 40 keneta a pii aku.
Na PALULE huluhulu mai ke 40 keneta a pii aku.
Na Pauule keakeo i aiana ole ia, he oluolu ke kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko ʻ u hale.
F. MOSES KEUMI.
ALANUI MOI. tf.--d.
PAPA KUHIKUHI
O
KA HUI ALAHAO A ME AINA O OAHU.
E HOOMAKA ANA MA KA LA
25 O OKATOBA, 1890.
MANAWA HOLO:
A.M. A.M. P.M. P.M.
Haalele ia Honolulu *6:15 8:45 1:45 5:30
Hoea ma Honouliuli*7:20 9:49 2:49 5:35
Hiaalele ia " *7:30 10:51 3:51 5:45
Hoea i Honolulu *8:35 11:55 4:55 6:50
*Lapule wale no.
Poaono wale no.
Oct. 21, 1890 tf--d.
H.P.K Malulani.
HE LOIO a he hookapeke olelo ma ke kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la'i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio. Nov 8 90, d-ly.
Olelo Hoolaha.
Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me on a nanahu kiewe maikai a makepono no hoi ke kumu kuai, e loae no au ma Haimoeipo, Hale Kaa o ka Moi, a i ole i ko'u home paha.
MRS. C.I. HAIRAM.
Haimoeipo, Honolulu, Oct. 8, 1890.
Olelo Hoolaha.
Ke kauoha ia aku nei na kanaka a pau i aie ia C. I. HIRAM i make, e hookaa koke mai i ko lakou aie ia MRS. C. I. HIRAM, a i olelo ia, ia D. DAYTON. O na poe a pau e hookaa ole mai ana a hala na la he 30 mai keia la aku, e Loopii ia no lakou e like me ke kanawai.
Mrs. C. I. HIRAM.
Haimoeipo, Honolulu, Oct. 8, 1880.
3ms--d.
Hoolaha Hookapu.
Ke papa loa ia aku nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ua ke kanawai.
MRS. C.I. HIRAM.
Haimoeipo, Honolulu. Oct. 8, 1890.
8ms.--d.
A.J. SCHREIBER KA OLOHE.
HANA WATI ME NA MEA GULA.
O ka hana hou ana i na wati pakeke. kau, hale, a me na mea dula o kela a me keia ano, he waipahe loa ka auhau, a pela no ho'i me na mea i paa mua. O ka mea e holo ana ia kaua oia ka'u e hana ai
ALANUI HOTELE [Malalo o ka Alinetona.] Oct. 27, 1890. tf-d
Hale Kuai Wati Nui
HELU 1
No C. Ah Kau.
Ka oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia ano, na lako wehi GULA a me DAIMANA. na KOMOLIMA GULA a me DAIMANA, na WATI nunui ano hou loa o kela a me keia ano, na PUPANAPANA a me na lako e ae e pili ana.
E hoomanao e na makamaka, o keia AH KAU no ka mea i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, na wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili ala i keia oihana me ka emi loa, a e hana hou ia na wati u me na lako gula me ka hikiwawe a me ke emi loa. E hoouna mai i na kauoha ma ka Pahu Leta Helu 268.
E naue nui mai, a e ike no oukou iho. O na mea hou loa wale no i ike mua ole ia ma Hawaii nei
C. Ah Kau.
NA LAKO DALA!
HE $5,000 KA WAIWAI IO
MAI NA MEA ANIANI, A NA KII.
NA MEA PAANI A ME NA LAKO DALA.
E Haawi Makana ia aku ana.
Na Lako Dala! Na Lako Dala!
$2.50-- No 30 LA WALE NO --$2.50
I ka Poakahi. Dekemaba la S. 1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.
Iloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a moana mea Paani o kela a me keia ano.
A i ole, o kekahi mau Makana o na lako Wai-Dala.
E Alawa ae ma na Pukaniani o ko Makou Halekuai Alakai. i ike i ke Ahua nui o na Makana Makamae a Makou i ko Makoulpoe kuai.
Chas. J. Fishels.
Ma ka Halekuai hoopau.
MA KA HALE ILUNA E HANA IA AI NA LOLE. KIHI O PAPU ME HOTELE.
Daily tf
HOOLAHA HOU
B.F. EHLERS &CO,. ---Painapa.
Ua loaa mai nei ia makou he mau waiwai hou loa, oia hoi na;
KAKIMIA,
KINAMU,:
KEOKEO HALU'A,
CHALLI,
VIKOLIA KEOKEO
Mikilima o na ano a pau, a me na paku puka aniani o kela me keia ano, no na kumukuai haahaaloa.
[B.F EHLERS & CO.
Alanui Papu, Honolulu-- 25-d3m.