Ka Leo o ka Lahui, Volume II, Number 112, 21 January 1891 — Page 4
| This text was transcribed by: | Mary Mitsuda |
| This work is dedicated to: | Ayame Kawanishi Mitsuda |
KA LEO O KA LAHUI.
"E Mau ke Ea o ka Aina i ka Pono."
HE KAAO
No
DON KUPIDOA.
KA WELI O NA MEA HUNA POHIHIHI -- KE KIHAPAI PUA PAHAO HAO O KAMEPULIA -- KE ALAHELE O NA MEA HUNA ELUAME KA LUAWAI KAMAHAO O TAWANIA.
Ina no hoi he mau hana maikai kau alaila, he maikai no ka'u mea e hana aku ai nou.
E ka moi, aohe a'u pane no kena leta aka, na ka'u mau hana e hoike mai i na mea oiaio apau.
Mai manao mai nae oe e hookuku aku ana au ia oe, aole nela ko'u manao e kaohi aku ana au ia oe a hiki i ka laapopo.
I kela wa akahi no a ano komo maoli iho ke ano hilahila iloko o Don Tubidoa no kona lohe pono ana i na huaolelo a ka moi.
Ae wale aku la no oia me ke ano hilahila pu no loko.
I kela po nae mahope iho o ke lakou nanea ana no kekahi manawa loihi, ua hoi aku la lakou no ko lakou mau wahi moe like ole.
O ke ano o ko lakou moe ana i kela po, o no moi a me ka laua kaikamahine, ma ka hale lakou malalo; a o Don Tubidoa hoi ua hoomoe ia aku la oia ma ka hale maluna me ke kiai nu ana hoi o kekahi mau koa elua ieia.
O ke kumu ko ka moi hoouna ana i keia mau kea elua e kiai ia Don Tudidoa, no kona maka'u o make, e like hoi me na olelo hoolele hauli o loko o kela leta apuhi i kakau ia ai e kala mau keikialii.
Oiai nae na mea apau e moe ana me ka nanea nui me ka lana ole hoi o ka manao e halawai mai ana lakou me kekahi ulia poino,
I ka moi nae e hiolani ana a mai loko ae o kona hiamoe nui, ua puiwa aela oia i ke kikeke ana mai o kekahi mea mawaho, ala aela ka moi a ninau aku la me kona manao kuhihewa hoi o Don Tubidoa la, Owai mawaho? wahi ana.
Owau no o Satima,
I ke kaukaa ana ae o ka maka o ke alii ike iho la oia o na keikialii no ka.
Ninau aku la ka moi ia laua. Heaha mai nei ka olua oonei nei?
Pane aku la ua mau keiki alii ala, e ae mai oe e haawi pio mai ia oe iho iloko o na poho o ko maua mau lima, no ka mea, aole oe i hooko mai i ko maua makemake.
Heaha ko olua makemake a'u i hooko ole aku ai? wahi a ka moi i ninau aku ai.
Aole ka oe i ike, aole o maua makemake e kamailio loihi mai oe e like me ia.
E hana mai ana anei olua ia'u i ka hana@oowa? e hookaawale aku ano, e make auanei olua i kuu mau koa. I hakalia wale no ikuu pane ole ae.
Aohe ou wahi koa i koe, ua pau loa lakou i ka paapio ia maua, o kou ola wale no kou a iilo ae, o ko maua roho, aku no ia i ka noho moi o keia aupuni.
E hookaawale aku olua, o make aku piua ia'u. wahi a ka moi i pane aku ai.
I kela wa, ua wehe like ae la uamau keiki alii ala i ka laua mau huaolele penei.
He makemake anei kou e make koke aku oe ano?
Ia wa ua uwa koke aela ka moi me ka leo nui me ke kahea pu ana i mau kokua.
Ia wa koke no ua komo maila ka laina koa o ua mau keikialii ala me ka manao o na keiki alii la keia e pepehi ia ana.
I ko lakou komo ana mai, aia hoi na hooi loa aela ua mau keiki alii ala i ko laua hookikina ana i ka moi me ka pane ana aku penei.
Ano eia kou ola a me kou make iloko o ka poho o ko maua mau lima, a o kau hana kupono wale no o ka hooko mai i ko maua mau makemake.
Aole e hiki i ka mei ke pane aku i kekahi huaolele hou, ua piha loa ia oia i ka maka'u, oia kana i noho iho ai me ke kulou ana o kona poo ilalo me kona noonoo nui no kona make i kela wa.
Pane aku ia ua mau keikialii la: E ka moi, e hoike koke mai oe ano, aia la mahea kahi i moe ai o kela kaikamahine au, he makemake mauo e ike iaia.
Aole i pane aku ka moi.
Aole i pau.
KUAI HOOPOHO LOA!
No ekolu Pule Wale no!
E HOOMAKA ANA MA KA POAKAHI LA 15 O DEKEMABA, NO KA POMAIKAI O KUU LAHUI PONOI.
E kipa mai i hookahi, o ka pono no o ka hele mai no a pau. i ike maka, oia hoi, e kuai hooemi loa aku ana wau i ko'u mau waiwai a pau ma ke dala kuike, oia hoi, na KALAKOA hooluu like ole, Mai ka 12 a 20 I-a no a $1.00.
Na KALAKOA hapa knaikau laula, he 7- I-a na ka $1.00.
Na KINAMU, he 12I-a $1.00.
3 Paa KAKINI WAHINE 25 keneta.
Na PAPALE o na opio wahine i kinohinohi ia, he $1.50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00.
Na A-I KALA KEOKEO a me hapaka nikau o a wahine, 10 keneta no ka mea hookahi @pii aku.
Na KA@A haahaa o na wahine, he $1.00 wale @ no ka paa.
Na KIHEI huluhulu, na HULUHULU manoanoa; na HALII moe a peia aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii oku.
Na PAA LOLE o na keiki o ke KALIKIMAKA>
Na PALULE hana o na kane mai ka 40 keneta a pii aku.
Na PALULE keakeo i aiana ole ia; he oluolu ke kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko'u hale.
F. MOSES KEUMI.
ALANUI MOI. tf.--d
PAPA KUHIKUHI
O
KA HUI ALAHAO A ME AINA O OAHU.
E HOOMAKA ANA MA KA LA
25 O OKATOBA, 1890.
MANAWA HOLO:
A.M. A.M. P.M. P.M.
Haalele ia Honolulu *6:15 8:45 1:45 5:30+
Hoea ma Honouliuli *7:20 9:49 2:49 5:35+
Haalele ia " *7:30 10:51 3:51 5:45+
Hoea i Honolulu *8:35 11:55 4:55 6:50+
*Lapule wale no.
+Poaono wale no.
Oct. 21, 1890 tf--d.
H.P.K. Malulani
HE @IO a he hookapeke olelo ma ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la'i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio.
Nov 8' 90, d-ly.
Olelo Hoolaha.
Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuai, e loaa po au ma Haimoeipe, Hale Kaa o ka Moi, a i ole i ko'u home paha.
MRS. C.I. HAIRAM.
Haimoeipo, Honolulu, Oct. 8, 1890.
@
Olelo Hoolaha.
Ke kauoha ia aku nei na kanaka a pau i aie ia C.I. HIRAM i make, e hookaa koke mai i ko lakou aie ia MRS. C. I. HIRAM, ai ol ia, ia D. DAYTON. O na poe a pau e hookaa ole mai ana a hala na ia he 30 mai keia la aku, e hoopii ia no lakou e like me ke kanawai.
MRS. C. I. HIRAM.
Haimoeipo, Honolulu, Oct. 8, 1890.
3ms--d.
Hoolaha Hookapu
Ke papa loa ia aku nei na kanaka a pau o kela a me keia a no, aole e hele wale e kiki i na ano manu a pau ma na palena a pau o ka aina o Halekou a me Kalua puhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.
MRS. C. I . HIRAM.
Haimoeipo, Honolulu. Oct. 8, 1890.
3ms.--d.
A.J. SCHREIBER KA OLOHE.
HANA WATI ME NA MEA GULA.
O ka hana hou ana i na wati pakeke, kau, hale, a me na mea dula o kela a me keia ano, he waipahe loa ka auhau, a pla no hoi me na mea i paa mua. O ka mea e holo ana ia kaua oia ka'u e hana ai.
ALANUI HOTELE [Malalo o ka Aline tona.]
Oct. 27, 1890. tf-d
Hale Kuai Wati Nui
HELU 1
No C. Ah Kau.
KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia ano na lako wehi GULA a me DAIMANA, na KOMOLIMA GULA a me DAIMANA, na WATI nunui ane hou loa o kela a me ke ia ano, na a PUPANAPANA a me na lalo e ae e pili ana.
E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai a hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia hoi ke Keena oihana mua o ka Hui Aiahao Hawaii. E loaa no na mea a pau e pili ana i keia oihana me ka emi loa ae hana hou ia na wati a me na lako gula me ka kikiwawe a me ke emi loa. E hoouna mai i na kauoha ma ke Pahu Leta Helu 268.
E nane ani mai, a e ike ne oukou iho. O na mea hou loa wale no i ike mua ole ia ma Hawaii nei
C. Ah Kau.
NA LAKO DALA!
HE $5,000 KA WAIWAI 10
MAI NA MEA ANIANI, A NA KII.
A MEA PAANI A ME NA LAKO DALA.
E Haawi Makana ia aku ana.
Na Lako Dala! Na Lako Dala!
$2.50 -- NO.@30 LA WALE NO. -- $2.50
I ka Poakahi, Dekemba la S. 1890, ka hoomaka ana o ka makou kuai hoopau i ukali ia e na makna o na lako dala, na mea paani, na kii a na kamalii, a me na lako hoonani aniani o kela a me keia ano.
Iloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a me ua mea Paani o kela a me keia ano.
A i ole, o kekahi mau Makana o na lako Wai-Dala.
E Alawa ae ma na Pukaaniani o ko
Makou Haekuai Alakai.i
ike i ke Ahua nui o na
Makana Makamae
a Makou i ko Makou poe kuai.
Chas. J. Fishels.
Ma ka Halekuai hoopau.
MA KA HALE ILUNA E HANA IA AI NA LOLE. KIHI O PAPU ME HOTELE.
Daily tf
Hoolaha Hou!
B.F. EHLERS & CO., -- Painapa.
Ua loaa mai nei ia makou he mau waiwai hou loa, oia hoi na:
KAKIMIA.
KINAMU.
KEOKEO HALU'A.
CHALLI.
VIKOLIA KEOKEO
-- A ME NA --
Mikilima o na ano a pau, a me na paku puka aniani o kela a me keia ano, no na kuniukuai haahaa loa.
B. F. EHLERS & CO.
Alanui Papu, Honolulu. -- 25 -- d3m.