Ka Leo o ka Lahui, Volume II, Number 113, 22 January 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

HE KAAO

 

No

 

DON KUPIDOA.

 

KA WELI O NA MEA H POHIHIHI - KE KIHAPAI PUA PAHAO HAO O KAMEPULIA - KE ALAHELE O NA MEA HUNA ELUAME KA LUAWAI KAMAHAO O TAWANIA.

 

            Palua a pakolu na ninau ana a ua mau keiki alii ala me ka hooweliweli ana, akahi no a pane mai ka moi - eia iho no oia ma ka rumi mauka iho o ke alapii e pii ai ma ka hale maluna.

            Ia wa. haele aku la ua mau keiki alii ala ma ia rumi. a i ko laua ku ana mawaho, ua kikeke aku la laua me ke kahea ana aku e wehe ia mai ka lumi.

            Aka nae, aole i wehe koke ia mai ka puka ia wa, ua ala no ke kaikamahine i kela wa, aole nae ona makemake e wehe mai i ka puka.

            O na koa hoi e ku kiai ana ma ke alapii ia Don Tubidoa, ua holo aku la laua a kikeke aku la i ka puka o Don Tubidoa me ka pane ana aku.

            E ke alii e, e ke alii Palani e, he powa ko loko nei o ka hale alii, eia la ke haukawewe mai nei na mekala kaua.

            Puiwa ae la o Don Tubidoa a wehe mai la i ka puka a ninau mai la: Heaha keia?

            He powa, he kipi, he komo hewa i ke kapu o ke alii ka moi, wahi a na koa.

            Owai keia powa? wahi a Tubidoa i ninau hou mai ai.

            He mau keiki alii no keia aupuni me ko laua mau koa.

            Aia laua mahea i keia wa?

            Aia ma ka rumi o ke kaikamahine kahi i hoala ai.

            O laua wale no anei?

            Aole, he mau aliikoa kekahi me laua, ua lako i na mea kaua.

            Homai hoi ha ka olua mau pahi kana ia'u.

            Heaha kau mea e hana ai la?

            E hele ae hoi au e hookuke ia lakou.

            Mahope oe make mai.

            Kahaha, hoao paha mamua. mahope aku ka make, na lakou paha, na'u paha. o ka hoao wale ae no hoi keia l.

            Maka'u ole maoli no oe, aka, me oe wale aku no nae ia, eia mai na pahi, a e hoohana aku i ka oi o ko laua mau niho.

            I ka wa i paa ai o keia mau pahi i na lima o ka kaua hiapaiole, na iho koke aku la oia ilalo, a ku ana oia imua o keia poe.

            I kela wa nae. ua hemo ka puka aia hoi ua mau keikialii ala iloko o ka lumi i kela wa e koi ana laua i ke kaikamahine alii e hele lakou i kela po.  aohe nae he ae o ua kaikamahine ala.

 

            O ka moi Henerika hoi keia, aohe manao pono iloko ona no keia mau hana a keia mau keiki alii, ua maka'u loa oia no kona make me ka minamina pu hoi no kana kaikamahine i ka hoohaumia wale ia e keia mau keiki.

            Ia Tubidoa nae i ku aku ai me na aliikoa, na haka pono mai la na koa iaia nei me ko lakou ninau ana ae, owai hoi keia mea e iho mai nei?

            Ia Don Tubidoa no a ku, ua ninau koke aku la oia: Heaha ka oukou o keia wahi i waenakou o ka po?

            E niho. he kulolo. owai oe? wahi a ke aliikoa.

            Owai au, aole ou kuleana noia mea, e hele koke oukou i waho ano, a i hoolohe ole oukou. e make koke no oukou ia'u.

            Lohe aku la na keiki alii i keia leo, haalele koke aku la laua i ke kaikamahine alli a puka mai la laua i waho.

            I ko laua oili naa mai, ike mai la laua i keia mea nona ka leo o ke kanaka no ka nana laua i pepehi mamua.

            Pane koke mai la laua me ka hookokoke pu ana mai peuei:

            A ! o oe ia e ke kanaka nana i powa malu ia maua maloko o ka hale hokele aniani ea?

            Ano ka wa e loaa ai ia oe ka uku panai no kau mau hana ino ia maua.

            Hookaawale koke olua a me ko mau aliikoa mawaho aku o keia hale, o ike olua i ke keiki alii Tubidoa o Palani

            Aole i pau.

 

KUAI HOOPOHO

LOA!

 

No Ekolu Pule Wale no!

 

E HOOMAKA ANA MA KA POAKAHI

LA 15 O DEKEMABA, NO KA PO-

MAIKAI O KUU LAHUI PONOI.

 

            E kipa mai i hookahi, o ka pono no o ka hele mai no a pau. i ike maka, oia hoi, e kuai hooemi loa aku ana wau i ko'u mau waiwai a pau ma ke dala kuike, oia hoi, na KALAKOA hooluu like ole.  Mai ka 12 a 20 I-a no a $1.00.

            Na KALAKOA laula, mai ka 6 a 8 I-a no ka $1.00.

            Na KALAKOA hapa kanikau laula, he 7 I-a na ka $1.00.

            Na KINAMU, he 12 I-a $1.00.

            3 Paa KAKINI WAHINE 25 keneta.

            Na PAPALE o na opio wahine i kino hinohi ia, he $1.50 a pii aku, no ka mea hookahi.

            Na LEPO-NALO mai ka 8 a 18 I-a no ka $1.00.

            Na A-i KALA KEOKEO a me hapaka nikau o na wahine, 10 keneta no ka mea hookahi, a pii aku.

            Na KAMAA haahaa o na wahine, he $1.00 wale no no ka paa.

            Na KIHEI huluhulu, na HULUHULU manoanoa; na HALII moe a pela aku.

            Na PALE-ILI oluna o na kane, he 25 keneta wale no o ke ano maikai.

            Na PALE-ILI olalo, he 40 keneta wale no a pii oku.

            Na PAA LOLE o na keiki o ke KALIKIMAKA.

            Na PALULE hana o na kane mai ka 10 ken@@a a pii aku.

            Na PALULE huluhulu mai ke 40 keneta a pii aku.

            Na PALULE keakeo i aiana ole ia, he oluolu ke kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko'u hale.

 

F. MOSES KEUMI.

ALANUI MOI.                      tf.-d

 

PAPA KUHIKUHI

 

……O……

 

KA HUI ALAHAO A ME

AINA O OAHU.

 

E HOOMAKA ANA MA KA LA

25 O OKATOBA, 1890.

 

MANAWA HOLO:

 

A.M.    A.M. P.M. P.M.

 

Haalele is Honolulu *6:158:45 1:45 5:30

Hoea ina Honolulu *7:20 9:49 2:49 5:35

Haalele ia        "           *7:30 10:51 3:51 5:45

Hoea i Honolulu *8:35 11:55 4:55 6:50

            Lapule wale no.

            Poaono wale no.

            Oct. 21, 1890 tf-d.

 

H. P. K. Malulani.

 

            HE LOIO a he hookapeke olelo ma ke Kanawai.  E loaa no au mai ke kai hawana @a o Kawaihae e hoene ana me ipo la, a Hamakua au i ka la'i o Kukalau ma ke alo o na pali.  E ohiia no hoi na aie me ke ku i ka eleu a me ka puahiohio.       Nov 8 90, d-1y.

 

Olelo Hoolaha.

 

            Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuai, e loaa no au ma Haimoaina.  Hale Kaa o ka Moi, a i ole i ko'u home paha.

            MRS. C. I. HAIRAM.

Haimoeipo, Honolulu, Oct. 8, 1890.

            3m@-@.

 

Olelo Hoolaha.

 

            Ke kauoha ia aku nei na kanaka a pau i aie ia C. I. HIRAM i make. e hookaa koke mai i ko lakou aie ia MRS. C. I. HIRAM, a i ol ia, ia D. DAYTON. O na poe a pau e hookaa ole mai ana a hala na la he 30 mai keia la aku, e loopii ia no lakou e like me ke kanawai.

            MRS. C. I. HIRAM.

Haimoeipo, Honolulu, Oct. 8, 1880.

            3ms-d.

 

Hoolaha Hookapu.

 

            Ke papa loa ia aku nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea paha e kue ana i keia, e hopu ia no lakou a hoopii ia ma ke kanawai.

            MRS. C. I. HIRAM

Haimoeipo, Honolulu. Oct. 8, 1890.

            3ms-d.

 

A. J. SCHREIBER KA OLOHE.

 

HANA WATI ME NA MEA GULA.

 

            O ka hana hou ana i na wati pakeke. kau, hale, a me na mea dula o kela a me keia ano, he waipahe loa ka auhau, a pela no hoi me na mea i paa mua.  O ka mea e holo ana ia kaua oia ka'u e hana ai.

ALANUI HOTELE Malalo o ka Aline tona  Oct. 27, 1890. tf-d

 

Hale Kuai Wati Nui

 

HELU 1

 

No C. Ah Kau.

 

KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA &C., na omau o kela a me keia ano, na lako wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me ke ia ano, na PUPANAPANA a me na lako e ae e pili ana.

            E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui lahao Hawaii.  E loaa no na mea a p@u e pili ana i keia oihana me ka emi loa a e hana hou ia na wati u me na lako gula me ka hikiwawe a me ke emi loa.  E hoouna mai i na kauoha ma ka Pahu Leta Helu 268.

            E naue nui mai, a e iko no oukou iho.  O na mea hou loa wale no i ike mua ole ia ma Hawaii nei

C. Ah Kau.

 

NA LAKO DALA!

 

HE $5,000 KA WAIWAI IO

 

MAI NA MEA ANIANI,

A NA KII.

 

NA MEA PAANI A ME

NA LAKO DALA.

 

E Haawi Makana ia

aku ana.

 

Na Lako Dala!            Na Lako Dala!

 

$2.50 - NO 30 LA WALE NO - $2.50

 

            I ka Poakahi.  Dekemaba la S.  1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.

 

            Hoko o keia mau la he @0. e loaa no i ka poe a pau e kuai ana maloko o ko makou halekuai nei a hik i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela a me keia ano.

 

A i ole, o kekahi mau Makana o na lako

Wai-Dala.

 

E Alawa ae ma na Pukaaniani o ko

Makou Halekuai Alakai. i

ike i ke Ahua nui o na

Makana Makamae

a Makou i ko Ma-

kou poe kuai.

            Chas. J. Fishels.

 

M ka Halekuai hoopau.

MA KA HALE ILUNA E HANA IA AI NA LOLE.  KIHI O PA-

PU ME HOTELE.                  Daily tf

 

Hoolaha Hou!

 

B.F. EHLERS &CO.,--Painapa.

 

Ua loaa mai nei ia makou he mau waiwai hou loa, oia hoi na

 

            KAKIMIA,

                        KINAMU,

                                    KEOKEO HALUA,

                                                CHALLI,

                                                            VIKOLIA KEOKEO

 

-IA ME NA-

 

Mikilima o na ano a pau, a me na paku puka aniani o kela a me keia ano, nona kumukuai haahaa loa.

            B. F. EHLERS & CO.

Alanui Papu, Honolulu.-25-d8m.