Ka Leo o ka Lahui, Volume II, Number 116, 27 January 1891 — Page 4

He Moolelo Nanea.

 

No Ke

 

Kamaliiwahine Laulie.

 

A i ole

 

HE NANEA KAMAHAO NO KA

HULU GULA O

KIBERIANA.

 

He Kaao kahiko no Helene.

 

MOKUNA V.

 

Aka nae, e lohe mau ia ana o Kolana e hoeueu a e hapahapai mau ana i ka manao o kona mau hoa alo o na make he nui, ma ka hoao ana me ka ikaika e holoi ae i ka helelei ana iho o na huaolelo o ka ehaeha a me ke kaniuhu mai ko lakou lehelehe iho, oiai lakou e hou poo ana imua o na hua hekeli o ka ino.

E halulu ana ma o a maanei o lakou na ale o ke kai me ka lapu ana a ka makani, a o na hooikaika ana i ka hoe ua like me ka ole, nolaila ua haalele iho la ka poe e hoe ana i ko lakou mau noho a me na hoe, a nana aku la kela a me keia o lakou ia lakou iho me ka manaolana poho.

I ko Kolana ike ana i keia auhee nui o kona mau hoa aukai i ka nau a na ku'i o ka ino, ua kahea mai iloko oia mau hora o ka pilikia, a oia hoi ka ua la alohi ala o ka piko waiolu o Olimepa i olelo mai ai.

E hoolana i ko oukou manao, no ka mea aole au i pauaho ia oukou; aia mamua o ka ihu o ko oukou moku e ike ana oukou i kekahi i'a nui, a oia anuanei ko oukou pailata, ma kana wahi e hele ai malaila oukou e hahai ai a hiki i ka wa e maalo ae ai o ka punana a ka ino mahope o oukou.

Ina oukou e pelekane i keia mau mea a pau, alaila na oukou ke kaena hiki ma keia mua aku ma ka alo ana iloko o na ino o ke Kai Eleele, a o ko oukou moolelo aole ia e poina i na hanauna he nui ma keia hope aku.

I ka pio ana iho o na olelo a Hera, ua huli mai oia a olelo mai la i kona mau hoa, e hoouna mai ana o Hera i kekahi i'a nui, a nana e pailata aku ia lakou a puka palekana mai keia ino aku a kakou e ike nei.

Aole nae i pau pono ae na olelo a ua opio ala, aia hoi ike ia aku la kekahi ia nui e konini hele ana iluna o ka ilikai aole i mamao loa mai ka ihu aku o ko lakou moku, a no kekahi mau minute pokole kapeku ae la kona hi'u i ke kai a luu hou aku la iloko o ka hohonu.

A oiai o Kolana ma e hoaa ana o ka ike hou aku i ua i'a ala, aia hoi ike aku la lakou e holo pololei ana ua i'a ala imua me ke kapeku ana o kona hi'u i kela me keia manawa, i hiki ai ia Kolana ma ke hoomaopopo i kana wahi e holo ala.

Ke holo nei ua i'a la me ka puahi nui e hou poo ana hoi me ka hi'u iloko o ke kuakea o ka ale a me ka waipuilani, no laila ua kia pololei aku la na keikialii o Helene i  ko lakou moku iloko oia mau popo auhuhu o ka make me ka nana pono ana i ka hopena e kau mai ana maluna o lakou.

I ua i'a ala i komo aku ai mawaena o ua mau puko'a ala, aia hoi lohe aku la o Kolana ma i ka halulu o ka papaku o ka moana oiai lakou e ukali aku ana mahope o kahi a ua i'a ala i haalele iho ai mahope ona, me ke kuehu ana i ke kai me ka lakou mau kiina hoe uahoa, e hahao ana hoi i ko lakou wahi moku iloko o ke kuakea o ka ale a me na lehelehe puanuanu o ka make.

A no kekahi mau minute helu ka lakou aumeume ana me ka ino, hala ae la na puu-pohaku o ka make, a luu hou aku la lakou iloko o ka hohonu hala'i lana malie.

Mahope o ko lakou palekana ana mai ka make mai, ike aku la lakou i ka oili ana ae o kekahi manu mai ke kai ae a lele pololei aku la no Olimepa, a no kaua iho e ka mea heluhelu, o ua i'a pailata ala no ia a kaua i ike mua ae nei.

Holo aku la o Kolana ma me ka maluhiluhi ma na kapakai Asiana no kekahi mau la, a hiki wale i ka hala hope ana ae o ka Lae Eleele a me ka aina o Tene kahi hoi o ka muliwai wai wela a me ka wailele o Tameburia e haule ana iloko o ke kai, a me ka aina o Sanegarina, kahi hoi nona na wai he nui a me na maawe kahawai liilii e kahe ana iloko o ka moana Eukine, a hiki wale i ko lakou hoea ana aku i ka muliwai Wolepa, kahi hoi a ka moi Wolepa e noho ana me kona mau makaainana.

Aole i pau.

 

KUAI HOOPOHO LOA!

 

No Ekolu Pule Wale no!

 

E HOOMAKA ANA MA KA POAKAHI LA 15 O DEKEMAPA, NO KA POMAIKAI O KUU LAHUI PONOI.

 

            E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi loa aku ana wau i ko'u mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 20 I-a no a $1.00.

Na KALAKOA hapa kanikau laula, he 7 I-a na ka $1.00.

Na KALAKOA laula, mai ka 6 a 8 I-a no ka $1.00.

Na KINAMU, he 12 I-a $1.00.

3 Paa KAKINI WAHINE 25 kineta.

Na PAPALE o na opio wahine i kinohinohi ia, he $1.50 a pii aku, no ka mea hookahi.

Na LEPO-NALO mai ka 8 a 18 I-a no ka $1.00.

Na A-I KALA KEOKEO a me hapakanikau o na wahine, 10 keneta no ka mea hookahi, a pii aku.

NA KAMAA haahaa o na wahine, he $1.00 wale no no ka paa.

Na KIHEI huluhulu, na HULUHULU manoanoa; na HALII moe a pela aku.

Na PALE-ILI oluna o na kane, he 25 keneta wale no o ke ano maikai.

Na PALE-ILI olalo, he 40 keneta wale no a pii aku.

Na PAA LOLE o na keiki o ke KALIKIMAKA.

Na PALULE hana o na kane mai ke 40 keneta a pii aku.

Na PALULE huluhulu mai ke 40 keneta a pii aku.

Na PALULE keakeo i aiana ole ia, he oluolu ke kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko'u hale.

F. MOSES KEUMI.

ALANUI MOI.                                                                      tf.—d

 

PAPA KUHIKUHI

 

O

 

KA HUI ALAHAO A ME AINA O OAHU.

 

E HOOMAKA ANA MA KA LA

25 O OKATOBA, 1890.

 

MANAWA HOLO:

 

                                                         A.M.                 AM.              P.M.               P. M.

Haalele ia Honolulu                         *6:15                 8:45              1:45                4:30†

Haalele ia Honouliuli                       *7:15                 9:49              2:49                5:28†

Haalele ia          "                              *7:45                 10:51            3:51                5:50†

Hoea i Honolulu                               *8:40                 11:55            4:55                6:45†

            * Lapule wale no.

            † Poaono wale no.

               Oct. 21, 1890                                              tf—d.

 

H. P. K. Malulani.

 

@HE@OIO a he hookapeke olelo ma ke kanawai. E loaa no au mai ke kai hawanawana o Kawaihae e hoene ana me ipo la, a Hamakua au i ka la'i o Kukaiau ma ke alo o na pali. E ohiia no hoi na aie me ke ku i ka eleu a me ka puahihiohio.                                     Nov 8 '90, d–ly.

 

Olelo Hoolaha.

 

            Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kiewe maikai a makepono no hoi ke kumukuai, e loaa no au ma Haimoeipo, Hale Kaa o ka Moi, a i ole i ko'u home paha.

MRS C. I. HAIRAM

Haimoeipo, Honolulu, Oct. 8, 1890.

Sms—d.

 

Hoolaha Hookapu.

 

            Ke papa loa ia aku nei na kanaka a pau o kela me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau me paha e kue ana i keia, e hopu ia ana no lakou a hoopii ia ma ke kanawai.

MRS C. I. HAIRAM

Haimoeipo, Honolulu, Oct. 8, 1890.

Sms—d.

 

A. J. SCHREIBER KA OLOHE.

 

HANA WATI ME NA MEA GULA.

 

O ka hana hou ana i na wati pakeke, kau, hale, a me na mea dula o kela a me keia ano, he waipahe loa ka auhau, a pela no hoi me na mea i paa mua. O ka mea e holo ana ia kaua o ia ka'u e hana ai.

ALANUI HOTELE [Malalo o ka Alinetona.]         

Oct. 27, 1890, tf-d

 

Hale Kuai Wati Nui

HELU 1

No C. Ah Kau.

 

Ka oi o na mea Gula, na DAIMANA, na POHAKU MOMI makamae loa, na WATI GULA, na WATI DALA& C., na omau o kela a me keia ano, na lakou wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me keia ano, na PUPANAPANA a me na lako e ae e pili ana.

E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai ua hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili ana i keia oihana me ka emi loa a e hana hou ia na wati u me na lakou gula me ka hikiwawe a me ke emi loa. E hoouna mai i na kauoha ma ka Pahu Leta Helu 268.

E naue nui mai, e ike no oukou iho. O na mea hou loa wale no i ike mua ole ia ma Hawaii nei.

C. Ah Kau.

 

            NA LAKO DALA!

HE $5,OOO KA WAIWAI IO

 

MAI NA MEA ANIANI, A NA KII.

 

NA MEA PAANI A ME NA LAKO DALA

 

E Haawi Makana ia aku ana.

 

Na Lako Dala! Na Lako Dala!

 

$2.50—NO 30 LA WALE NO—$2.50

 

            I ka Poakahi, Dekemaba la 8, 1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.

            Iloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela me keia ano.

 

A i ole, o kekahi mau Makana o na lako Wai-Dala.

 

E Alawa ae ma na Pukaaniani o ko Makou Halekuai Alakai. i ike i ke Ahua nui o na Makana Makamae a Makou i ko Makou poe kuai.

Chas. J. Fishels.

 

Ma ka Halekuai hoopau.

MA KA HALE ILUNA E HANA IA AI NA LOLE. KIHI O PAPU ME HOTELE.       Daily tf

 

Hoolaha hou!

 

B. F. EHLERS & DO., –Painapa.

 

Ua loaa mai nei ia makou he mau waiwai hou loa, oia hoi na

 

Kakimia, Kinamu, Keokeo Halu'a, Challi, Vikolia Keokeo

 

– A ME NA –

 

M ikilima o na ano a pau, a me na paku puka aniani o kela me keia ano, no na kumukuai haahaa loa.

 

[B. F. EH@ERS & CO.

Alanui Papu, Honolulu.–25–d$m.