Ka Leo o ka Lahui, Volume II, Number 119, 30 January 1891 — Page 4
| This text was transcribed by: | Cyndi Defenbaugh |
| This work is dedicated to: | Kaelene Ahu-Rey |
KA LEO O KA LAHUI.
"E Mau ke Ea o ka Aina i ka Pono."
HE KAAO
No
DON KUPIDOA.
KA WELI O NA MEA HUNA POHIHIHI---KE KIHAI’AI PUA PAHAOHAO O KAMEPULIA---KE ALAHELE O NA MEA HUNA ELUA—ME KA LUAWAI KAMAHAO O TAWANIA.
Ma keia mau manao ana iloko o laua, ua hoomau aku la no laua no ka laua huakai i maopopo ole ka hopena, a o ka laua hai-a wahine hoi, aia no oia mahope o ko laua meheu.
Hiki aku la laua malalo o ka malumalu o kekahi kumu laau, huli ae la ke kaikamahine alii me ka puuwai kapalili i ka hilahila, a pane aku la me ka leo malie penei: Pehea oe?
Maikai no au, a o kuu wahi kamaa kai pulu i ke ano kehau.
Aohe maloeloe mai ou?
He maloeloe no hoi paha, aka e kali aku ana au o kou hoike mai i kou maloeloe, wahi a Tubidoa.
E hoomaha hoi na kaua maanei wahi a ka nohea.
Ae aku la o Don Tubidoa, a noho iho la oia ilalo, a noho iho la hoi ka nohea maluna o na uha o Don Tubidoa.
O ka hai-e wahine hoi, noho koke mai la no oia a oia ka Kalawalina i pane aku ai : E kuu hai-a wahine maikai, e hele iki aku oe e nana i wahi wai no’u, akahi mai la ka hoi ka maloo o ka puu.
O kahi mea apiki ma keia ono o ke kaikamahine i ka wai. aohe kahawai kokoke mai malaila, he mamao loa mai keia wahi aku.
Ua ike no ka hai-a wahine no keia mea, aka, aole nae ona makemake e kamailio aku.
Hele wale aku la no ka hai-a wahine a mamao iki aku, pee iho la oia malaila, aohe hoi he ike ia aku o na ‘lii.
Oiai hoi na ‘lii e walea ana, he mau hora liuliu wale, akahi no a kuikahi na aupuni o Peresia me Suedena, aole ia he mea hewa, he mea nani loa ia ma kela au kahiko nona paha keia hooheno ana:
E hoao ae au i pau kuhihewa,
He uluhua ai i ke ahi lele o Kamaile,
I ka lele pua-o no lele me ka auhau,
Owau no ka ihu pani oia na hele,
He aloalo kuaua au no Hanalei.
A noa ae ia kanawai a ke alii i ua mau alii ala ia wa, ua ninau ae la ua nohea ala, pehea kou kulana i keia wa?
He oia mau no au i ke alo pali, wahi a Don Tubidoa.
Mahope iho o keia mau nanea wale ana no, ua hoea mai la ka hai-a wahine me ka pane ana mai keia mau huaolelo:
E ko makou alii wahine, ua hele aku nei au e inu nou, aole nae i loaa, he poeleele loa, ua lohe mai nei nae au i ka owe o ka wai malalo o ka ulu laau, i ko’u hoea ana mai nei nae, aohe ka he wai.
Pane aku la ua kaikamahine alii ala, aohe no o’u ano one loa mai la i ka wai me he mea ala no ko’u wela maoli no ke kumu i ono ai a ua maha ae la hoi.
Mahopk iho o keia mau maa, ua pane ae la ua kaikamahine alii ala, e noi kakou, ua lawa ae la keia nanea ana a kakou.
Huli noi aku la lakou no ka hale alii, a i waenakonu po, hoea pono aku la lakou no na wahi ala.
Aohe no he ha’oha’o o ka moi no kana kaikamahine, ua maopopo no iaia aia no kana kaikamahine me Tubidoa.
I kela po, ua noho a kane a wahine o Tubidoa me Kalawaina a ua pau ko manao lana ana o laua no ka maka’u ana ae no kekahi mea.
I keia wa la, kaua e ike ai e ka mea heluhelu i na poino a me na popilikia e kau mai ana maluna o Tubidoa, aka e nana aku hoi kaua i ka hopena e kau mai ana.
A hala ae la kekahi mau la o ko laua noho a kane a wahine ana, ua lele mai la ke kapena oi ka moku a pane mai la ia Tubidoa ina paha e hoi ana ka moku, a i ole, e kali paha no kekahi mau la hou aku i koe.
Aole i pau.
KUAI HOOPOHO LOA !
No Ekolu Pule Wale no !
E HOOMAKA ANA MA KA POAKAHI LA 15 O DEKEMABA,
NO KA POMAIKAI O KUU LAHUI PONOI.
E kipa mai i hookahi, o ka pono no o ka hele mai no a pau, i ike maka, oia hoi, e kuai hooemi loa aku ana wau i ko’u mau waiwai a pau ma ke dala kuikie, oia hoi, na KALAKOA hooluu like ole. Mai ka 12 a 20 I-a no a $1.00.
Na KALAKOA laula, mai ka 6 a 8 I-a ko ka $1.00.
Na KALAKOA hapa kanikau laula, he 7 I-a na ka $1.00.
Na KINAMU, he 12 I-a $1.00.
3 Paa KAKINI WAHINE 25 keneta.
Na PAPALE o na opio wahine i kino hinohi ta, he $1.50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00.
Na A-I KALA KEOKEO a me hapaka nikau o na wahine, 10 keneta no ka mea hookahi, a pii aku.
Na Ka MaA haahaa o na wahine, he $1.00 wale no no ka paa.
Na KIHEI huluhulu, na HULUHULU manoanoa; na HALII moe a pela aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii oku.
Na PAA LOLE o na keiki o ke KALIKIMAKA.
Na PALULE hana o na kane mai ka 40 keneta a pii aku.
Na PALULE huluhulu mai ke 40 keneta a pii aku.
Na PALULE keakeo i aiana ole ia, he oluolu ke kuai ana, a he nui wale aku no koe o na waiwai e kuai kooemi ia aku ana, mai hoohakaliu i ke kipa mai iloko o keia mau I’ule Elkola wale no e loaa ai ka makepono loa o na mea kuai ma ko’u hale.
F. MOSES KEUMI.
ALANUI MOI. tf----d
PAPA KUHIKUHI
O
KA HUI ALAHAO A ME
AINA O OAHU.
E HOOMAKA ANA MA KA LA
25 O OKATOBA, 1890.
MANAWA HOLO:
A.M. A.M. P.M. P.M.
Haalele ia Honolulu *6:15 8:45 1:45 4:30~
Hoea ma Honouliuli *7:15 9:49 2:49 5:28~
Haalele ia “ *7:45 10:51 3:51 5:50~
Hoea i Honolulu *8:40 11:55 4:55 6:45~
* Lapule wale no.
~ Poaono wale no.
Oct. 21, 1890 tf---d.
H. P. K. Malulani.
HE D@IO a he hookapeke olelo m a ke Kanawai. E loaa no au mai ke kai hawanawana o Kawaihae e hoene ana me ipo la, a Hamakua au, i ka la’i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio. Nov 8’90, d---ly.
Olelo Hoolaha.
Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kiewe maikai a makepono no hoi ke kumukuai, e loaa no au ma Haimoeipo, Hale Kaa o ka Moi, a i ole i ko’u home paha.
MRS. C. I. HAIRAM.
Haimoeipo, Honolulu, Oct. 8, 1890.
3ms---d.
Olelo Hoolaha.
Ke kauoha ia aku nei na kanaka a pau i aie ia C. I. HIRAM i make, e hookaa koke mai i ko lakaou aie ia MRS. C. I. HIRAM, ai ole ia, ia D. DAYTON. O na poe a pau e hookaa ole mai ana a hala na la he 30 mai keia la aku, e Loopii ia no lakou e like me ke kanawai.
MRS. C. I. HIRAM.
Haimoeipo, Honolulu, Oct. 8, 1890.
3ms---d.
|
Hoolaha Hookapu.
Ke papa loa ia aku nei na kanaka a pau o kela a me keia ano, aole e hele wale e kiki i na ano manu a pau ma na palena a pau o ka aina o Halekou a me Kaluapuhi ma Kaneohe, Koolaupoko, Oahu, o ka mea a mau mea aha e kue ana i keia, e hopu ia no lakou a hoopii ia ma ke kanawai.
MRS. C. I. HIRAM.
Haimoeipo, Honolulu Oct. 8, 1890.
3ms---d.
A. J. SCHREIBER KA OLOHE.
HANA WATI ME NA MEA GULA.
O ka hana hou ana i na wati pakeke, kau, hale, a me na mea kula o kela a me keia ano, ne waipake loa ka auhau, a pela no hoi me na mea i paa mua. O ka mea e holo ana ia kaua oia ka’u e hana ai.
ALANUI HOTELE [Malalo o ka Alinetona] Oct. 27, 1890. tf-d.
Hale Kuai Wati Nui
HELU 1
No C. Ah Kau.
Ka oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia ano, na loako wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me ke ia ano, na PUPANAPANA a me na lako e ae e pili ana.
E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu 37 mamua, a oiai na hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili ai a i keia oihana me ka emi loa a e hana hou ia na wati u me na lako gula me ka hikiwawe a me ke emi loa. E hoeuna mai i na kauoha ma ka Pahu Leta Helu 268.
E naue nui mai, a e ike no oukou iho. O na mea hoa loa wale no i ike mua ole ia ma Hawaii nei.
C. Ah Kau.
NA LAKO DALA !
HE $5,000 KA WAIWAI IO
MAI NA MEA ANIANI, A NA KII. (PRINTED VERTICALLY WITH A PICTURE OF
A MEA PAANI A ME NA LAKO DALA. AN ELABORATE CONTAINER)
E Haawi Makana ia aku ana.
Na Lako Dala ! Na Lako Dala !
$2.50 -----NO 30 LA WALE NO.----- $2.50
I ka Poakahi, Dekemaba la 8, 1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.
Iloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela a me keia ano.
A i ole, o kekahi mau Makana o na lako
Wai-Dala.
E Alawa ae ma na Pukaaniani o ko
Makou Halekuai alakai. i
ike i ke Ahua nui o na
Makana Makamae
a Makou i ko Ma-
kou poe kuai.
Chas. J. Fishels.
Ma ka Halekuai hoopau.
MA KA HALE ILUNA E HANA IA AI NA LOLE KIHI O PAPU ME HOTEL Daily tf
Hoolaha Hou !
B. F. EHLERS &CO., ----Painapa.
Ua loaa mai nei ia makou he mau waiwai hou loa, oia hoi na
KAKIMIA,
KINAMU,
KEOKEO HALU’A,
CHALLI.
VIKOLIA KEOKEO
----A ME NA----
Mikilima o na ano a pau, a me na paku puka aniani o kela a me keia ano, no na kumukuai haahaa loa. B. F. EHLERS & CO.
Alanui Papu, Honolulu. ---25—d3m.