Ka Leo o ka Lahui, Volume II, Number 121, 3 February 1891 — Page 4
| This text was transcribed by: | Jeri Leen |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
HE KAAO
No
DON KUPIDOA.
KA WELI O NA MEA HUNA POHIH@@-KE KIHAPAI PUA PAHAO HAO O KAMEPULIA-KE ALAHELE O NA MEA HUNA ELUA-ME KA LUAWAI KAMAHAO O TAWANIA.
I kela po oiai hoi ua pauhia ia loko o ka nane nui o Tubidoa i ka hiamoe, ua ala ae la o Dia Kalolina mai kona hiamoe ae a hele malu akula a i kahi ana i waiho ina lako kaua ua lalau aku la oia a hele aela a ku iho la ma ka aoao o ka m@e o kana kane a pane iho ia i keia mau huaolelo penei.
Ano eia oe iloko o ka poho o kuu lima, o kou ola a me kou make eia no ia i kuu manao.
Me keia mau huaolelo ua nohea lokoino ala i pane iho ai a lalau iho la oia i kana pauku kaula a ku la e make ana oe ia'u ano.
Me keia mau huaolelo hou, ua hoomaka iho la oia e nakiikii i kana kane a paa me ke kaula, me ka ike ole o Don Tubidoa i ka mea e hana ia nei maluna ona.
He mea kamahao loa no hoi, o Don Tubidoa ke kanaka i olelo ia he kanaka makaala loa oia iaia iho ma na ano apau aka, @ kela wa ona i nakiikii ia ai e kana wahine, aole loa oia iike iki i keia mau mea apau i hanaia maluna ona.
I ka ike ana o Kalolina ua paa kana kane iaia, ua oili aku la ua nohea ala a loaa aku la kekahi mau koa a olelo aku la oia ia lakou e hele mai, a ua hooko koke maila lakou e like me ke kauoha.
Oiai lakou e hahai ana mahope o ke alii wahine a i ka hiki ana i ka lumi moe o na 'lii, akahi no a hoike aku ua Kalolina ala i kona manao penei.
E lawe aku oukou e hoopaa i ke alii no ka hale hoopaahao o Alekanekeo, no ka mea ua loaa kona hewa ia, u i keia wa, ka mea hiki ole hoi ia'u ke hoomanawui.
Ma keia mau huaolelo a ke alii wahine aole e hiki i na koa ke uumi iho i ko lakou aloha no ke alii Tubidoa, a oia ka kekahikoa i pane a'e me ka leo nui penei.
E ke alii wahine maikai, ke noi aku nei au i kou oluolu e hookuu mai oe ia makou, no ka mea, aole i loaa ia makou kona hewa.
Na keia mau huaolelo a ke koa i hoopuiwa aku ia Tubidoa mai loko a'e o kona hiamoe kulipolipo, a i ke kaakaa ana ae o kona mau maka, eia ka ua paa oia i ke kaula.
I kela wa pu no hoi ua hiki ole i ke alii wahine Kalolina ke ku pololei, oiai ua hele oia a piha i ka maka'u.
I ka ike ana o Tubidoa ua paa oia i ke kaula, ua pane aela oia me ka leo nui penei.
E ka mea nana i hana iho nei keia hana lokoino maluna o kuu kino nei. e hele koke mai oia e wehe a'e a ina aole oia e wehe ana, alaila, ua makaukau no au e lawe i kona ola.
O keia mau huaolelo a Tubidoa i pane aku ai, ua lilo he mea maka'u loa na kna wahine, a i mea hoi e hooko ia ai kona iini no kela keiki alii Ionica, o Italia, nolaila, ua hapai koke aela oia i kana pahikana me ka hikiwaweloa a hoomoe aku la maluna o kana kane. a moku aku la kona umauma, aole na'e i kukonukonu loa kahi i moku i ka pahikaua.
Aohe mea hiki ia Tubidoa ke hana i kela wa no ka mea ua eha oia koe wale iho no kona kahea ana ae e kokua iaia,
Heaha keia mau hana aloha ole au ia'u e kuu aloha?
Owai kau e olelo mai nei he aloha nau?
Ooe no hoi, wahi a Tubidoa.
Aole i pau.
HOOLAHA OIHANA WAI.
I kulike ai me ka Pauku 1 o ka Mokuna 27 o ke Kanawai o 1886.
Ma keia ke hoolaha ia aku nei i na mea a pau e laweana i kekahi pono wai piula, ua hiki mai ka manawa hookaa a e hookaa ia ai o ka uku wai no ka manawa e pau ana ma ka la 30 o 'Iune, 1891 ma ke Keena Oihana Wai o Honolulu ma ka la mua o Ianuari, 1891.
O na koena uku wai a pau e waiho kaa ole ana he umi-kumamalima la mahope iho o ka wa e hookaa ia ai, ua ku no i ka pakui hou ia ana me ka 10 keneta pa haneri.
O ka poe e uku wai ana e oluolu e lawe mai i ka lakou likiki hope i uku ai.
E uk@ ia na uku wai ma ke Koena o ka Oihana Wai ma Honolulu, ma ka puaiwa Hale.
CHAS B. WILSON,
Luna Nui o ka Oihana Wai.
Honolulu, Dec. 20, 1890. tf-d.
KUAI HOOPOHO
LOA!
No Ekolu Pule Wale no!
E HOOMAKA ANA MA KA POAKAHI LA 15 O DEKEMABA, NO KA POMAIKAI O KUU LAHUI PONOI.
E kipa mai i hookahi, o ka pono no o ka hele mai no a pau. i ike maka, oia hoi, e kuai hooemi loa aku ana wau i ko'u mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 20 I-a no a $1.00.
Na KAUAKKOA laula, mai ka G a 8 I-a ko ka $1.00.
Na KINAMU, he 12 I-a $1.00.
3 Paa KAKINI WAHINE 25 keneta.
Na PAPALE o na opio wahine i kinohinohi ia, he $1.50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00
Na A-I KALA KEOKEO a me hapaka nikau o na wahine. 10 keneta no ka mea hookahi a pii aku.
Na KAM@A haahaa o na wahine, he $1.00 wale no no ka paa.
Na KIHEI huluhulu, na HULUHULU m@noanoa; na HALII moe a pela aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii aku.
Na PAA LOLE o na keiki o ke KALIKIMAKA.
Na PALULE hana o na kane mai ka 40 keneta a pii aku.
Na PALULE huluhulu mai ke 40 keneta a pii aku.
Na PALULE keakeo i aiana ole ia, he oluolu ke kuai ana. a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma ko'u hale.
F. MOSES KEUMI.
ALANUI MOI. tf-d
APA KUHIKUHI
O
A HUI ALAHAO IA ME
AINA O OAHU.
HOOMAKA ANA MA KA LA 25 O OKATOBA, 1890.
MANAWA HOLO:
A.M. A.M. P.M. P.M
Hele ia Honolulu *6:15 8:45 1:45 4:30
H@ina Honouliuli *7:15 9:49 2:49 5:28
Hele ia Honouliuli *7:45 10:51 3:51 5:50
H@ i Honolulu *8:40 11:55 4:55 6:45
Lapule wale no.
Poaono wale no.
Oct. 21, 1890 tf-d
H.P.K. Malulani.
IIE LOIO a he hookapeke olelo ma keanawai. E loaa no au mai ke kai hanawana o Kawaihae e hoene ana moo la, a Hamakua au i ka la'i o Kuka@ ma ke alo o na pali. E ohiia no hona aie me ke ku i ka eleu a me ka puiohio. Nov 8 '90, d-ly.
Olelo Hoolaha.
I hai ia aku nei ka lohe i na kanaka a p@, o ka poe e makemake ana i mau ek@aakai maikai a me ona nanahu kie we@aikai a makepono no hoi ke kumuku@ e loaa no au ma Haimoeipo, Hale Kao ka Moi, a i ole i ko'u home paha.
MRS. C.I. HAIRAM.
Ha@oeipo, Honolulu, Oct. 8, 1890.
@me-@.
Olelo Hoolaha.
@ kauoha ia aku nei na kanaka a pau aie ia C.I. HIRAM i make. e hookaakoke mai i ko lakou aie ia MRS. C.I. HIRAM, a i ol@ ia, ia D. DAYTON. O n@poe a pau e hookaa ole mai ana a halana la he 30 mai keia la aku. e hoopii i no lakou e like me ke kanawai.
MRS. C. I. HIRAM.
Hainoeipo, Honolulu. Oct. 8, 18@0.
3ms--d.
Hoolaha Hookapu.
Ke papa loa ia aku nei na kanaka a pau o kela a me keia ano, aole e hele wale ekiki i na ano manu a pau ma na pale@a@a pau o ka aina o Halekou a me Kaluapu@i ma Kaneohe, Koolaupoko, Oahu, o ka mea a mau mea paha e kuu ana i keia, e hopu ia no lakou a hoopii ia ma ke kanawai.
MRS. C. I. HIRAM.
Haimoeipo, Honolulu. Oct. 8, 1890.
3ms--d.
A.J. SCHREIBER KA OLOHE.
HANA WATI ME NA MEA GULA.
O ka hana hou ana i na wati pakeke, kau, haie, a me na mea dula o kela a me keia ano, he waipahe loa ka auhau. a pela no hoi me na mea i paa mua. O ka mea e holo ana ia kaua oia ka'u e hana ai.
ALANUI HOTELE Malalo o ka Aline tona. Oct. 27, 1890. tf-d
Hale Kuai Wati Nui
HELU 1
No C. Ah Kau.
Ka oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & C., na omau o kela a me keia ano, na lako wehi GULA a me DAIMANA, na KOMOLIMA GULA a me DAIMANA, na WATI nunui ano hou loa o kela a me ke ia ano, na PUPANAPANA a me na lako e ae e pili ana.
E hoomanao e na makamaka, o keia AH KAU no ka mea nana i hana na WATI a me na lako GULA oi loa o keia Aupuni, a i kamaaina ma kona hale mua i noho ai ma Alanui Nuuanu Helu @7 mamua, a oiai ea hoolilo aku oia i kona kuleana malaila, ua wehe ae nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua o ka Hui Alahao Hawaii. E loaa no na mea a pau e pili ai a i keia oihana me ka emi loa. a e hana hou ia na wati u me na lako gula me ka hikiwawe a me ke emi loa. E hoouna mai i na kauoha ma ka Pahu Leia Helu 268.
E naue nui mai, a e ike no oukou iho. O na mea hou loa wale no i ike mua ole ia ma Hawaii nei.
C. AH KAU.
NA LAKO DALA!
HE $5,000 KA WAIWAI IO
MAI NA MEA ANIANI, A NA KII.
NA MEA PAANI A ME NA LAKO DALA.
E Haawi Makana ia aku ana.
Na Lako Dala! Na Lako Dala!
$2.50-NO 30 LA WALE NO-$2.50
I ka Poakahi, Dekemaba la 8, 1890, ka hoomaka ana o ka makou kuai hoopau i ukali ia e na makana o na lako dala, na mea paani, na kii a na kamalii, a me na lako hoonani aniani o kela a me keia ano.
Iloko o keia mau la he 30, e loaa no i ka poe a pau e kuai ana maloko o ko makou halekuai nei a hiki i ka $2.50 ka waiwai io mai ia makou aku, kekahi makana o na Lako Aniani like ole, na kii a me na mea Paani o kela a me keia ano.
A i ole, o kekahi mau Makana o na lako
Wai-Dala.
E Alawa ae ma na Pukaaniani o ko
Makou Halekuai Alakai. i
ike i ke Ahua nui o na Makana Makamae
a Makou i ko Makou poe kuai.
Chas. J. Fishels.
Ma Ka Halekuai hoopau.
MA KA HALE ILUNA E HANA IA AI NA LOLE. KIHI O PAPU ME HOTELE.
Daily tf
Hoolaha Hou!
B.F. EHLERS & CO., ---Painapa.
Ua loaa mai nei ia makou he mau waiwai hou loa, oia hoi ea
KAKIMIA,
KINAMU,
KEOKEO HALU'A,
CHALLI, @
VIKOLIA KEOKEO
A ME NA
Mikilima o na ano a pau, a me na paku puka aniani o kela a me keia ano, no na kumukuai haahaa loa.
B.F. EHLERS & CO.
Alanui Papu, Honolulu.--26-d3m.