Ka Leo o ka Lahui, Volume II, Number 131, 17 February 1891 — Na Hana Hoomanamana. [ARTICLE]

Na Hana Hoomanamana.

I ka po i wehe a lawe ia ai ka pahu o ka Moi Kalakaua, he kahuna wahine hapahaole ke kuhikuhi no na hana a ke kahuna maoli. Mahope oia o ke kaa kahi i ukali ai, a hiki i ke komo ana iloko o ke pao o ka Makua Alii Keohokalole, a he kanaka mamua o ka huakai e hele wale ana. O na hana keia a ka poe i noho pouli a lilo mahope n ka hoomanamana a na kahuna anaana, na Kalakea a me na magoi hoopunipuni a ke Akua i hoopahu'a ai ma kona Kaula hoopono o Daniela. Haumia ka inoa Ka-

ristiano o ka Lahui Hawaii, i keia ano hana a na haumana a Satana, malalo o na hana a na Kuhina hoo mana kii, malalo o kekahi wahine hoonohonoho uhane e like me Saulo i hoopunipuni ia ai.