Ka Leo o ka Lahui, Volume II, Number 159, 27 March 1891 — Page 3

KA LEO O KA LAHUI.

"E Mau ke Ea o ka Aina i ka Pono."

Ka Oihana Hou.

Ua lohe mai makou e hoonoho ia ana o Mr. Iosepa i Kiaaina no ka Hale Hoomalamalama i ka nu-o Mamala, i hiki pono ai i na pailaka o ke awa ke ike, a hooku'i ole hoi me ka boe olohelohe e okuku la ma ka Hikina o ke Awalua:

Pomaikai wale ka ike ana,

I na kualono o Aigupika,

I ke komo ana a hoi hope hou,

I ka ono o ke Meli o Kanaana"

MA MILILANI HALE.

E malama ia ana he haiolelo ma-loko o Mililani Hale ma ka auina la o ka Lapule Mar. 29. hora 2 me hapa o na Hawaii, a ma ka hora 7:30 P. M. oia la no, no na haole, e kekahi aoao o ka hoomana o Iesu ka poe hoano, e like me ka hana maa mau.

KA HOOMANAO O IESU KARISTO.

I na makamaka a me na hoalauna a pau ma ko Hawaii Paeaina, aloha nui oukou; Ua makaukau ka hale o keia Hoomana, no ka hoakoakoa ana e hoomana aku i ka Haku ke Akua, e like me kana kuhikuhi maloko o kana olelo Hemolele; a ke kono ia aku nei na mea a pau i makemake i ka pololei a me ka oiaio, o na hana e hana aku ai imua o ke Akua, oiai keia ola ana; e hele mai no maanei, ma na manawa i hai ia ma lalo iho nei. aia ma Alanui Pa'ipalapala ka Halepule, e kokoke ana me ka pa o ka hale kula kaikamahine o Kawaiahao. Na manawa halawai; Poaono (Poalima ke helu hoololi) ma ka hora 7:30 A. M. La Sabati (Poaono o ka helu hoololi) hora 10:30 A. M. He wehewehe a me na ninau Baibala, hoomaopopo ana i na wanana, pule, himeni.

POHA KE AU KE PII NEI KA LENA.

He mau la lehulehu wale ka i nalo aku nei, ua hoomaikeike mua aku KA LEO i kekahi I'a nui, ua hei i ka upena na'e, i haawi ia mai ai i ka Ilamuku hou. Nolaila, ke hoike hou aku nei no ka LEO i ka lohe a i ke kukui o Iwikauikaua, ke kukui hoi i ke awakea, aohe kauaula e pio ai. E hoomakaukau i na po-ha-kau, kaalihi pohaku, kaalihi ikoi, ka waha o ka Nae, ka paloa, a me ka mole. Eia ka i'a la i ka paloa kahi i pohai, nolaila, e na lawai'a ia laua ka lahai, e makaala i ka hookuu ana i ka alu o ka upena, o hooku'i auanei ka i'a, o ka pii hou no ia, e makaala, pela pu hoi oukou e na kapeku, aole hoi o ka pono poo wale iho no me ka u-u ole, pela hoi ke kilo. No ka mea, o keia i'a, ua pa kanaka mua no, a o kona ano he oleha, nolaila, i nui ka ike, alaila, aohe pakele. He akule keia ano i'a, aia i kai uli kahi i noho ai, a i kekahi manawa, e loli ana a lilo ana a lilo i i'a no ka ehu. Nolaila, e na lawai'a o ka waa aupuni, e pono oukou e makaala i na wa a pau, aole o ka hookuukuu wale i ka i'a i komo iloko o ka na'e, oiai ke paku'i mai nei maea o ka hohono uwahi pauda,

"Kiai paa io ka maka-ha

O puka e ka i'a pau mawaho."

E-a. papapau i'o auanei paha lakou nei, he aa ko kauhale, pela ka manao o ke kilo waa aupuni, e lou ana ka o Kawelohea, ia Waiehu, pau pulu aohe lau kanu ole.

O OE HOI KO'U KULEANA.

I ka wa i hanu hele aku ai kekahi oiwi e imi i kana aloha e na la he nui i hala ae, a loaa aku la e noho mai ana me ka hoe hou ma kekahi wahi e aku. I ko ianei ike ana aku, ua hoanoe koke ia ae la ko loko ona a piipii ae la na manao like ole he nui iloko o ua oiwi nei, a ooloku hoi me ke kaikoo la; a o kona mau hiona mohala a wai-pa-he mau, ua nalo aku, a hohola ae la na hiona o ka haikea i awili puia me ke koko, a puapuai mai la ka ula ma na papalina, a me ka helehelena a puni. Iloko oia mau minute, aohe huaolelo i pane ia aku; aja hele aku la oia imua i kahi a kana aloha e noho mai ana. Iaia i hiki aku ai, a ku iho la ma ka aoao o kana ipo aloha, hookuu malie iho la oia i ka huaolelo me ka nahenahe, ma ka piha no nae oloko i ka wela, "E hoi kaua." Poha ae la he leo o ka uahoa mai ka ipo aloha ae, ka mea hoi nana i hooi ae i ke koni uluki ana a loko o ua oiwi nei, a paluaia ka puia o na helehelena i ko ka wa mua; a o ka pana ana o kona puuwai ia wa, ua kupinai loa, a e haalulu ana ke kino holookoa mai luna a lalo, a hoomaka mai la na omaka wai hou e hoea mai ma na helehelena o luna; a o ke aloha iloko ona, ua mele mai ia a ku-pouli.

"Kupouli ke aloha la o Kaneloa.

Aohe eu ae i ka hana a ke anu."

"O hoi no oe, aole au e hoi aku me oe." Oia na huaolelo a ka ipo i kaupale mai ai; a ua like ia me na ku'i hekili ikaika, e hoonakolokolo ana i ka honua. Ia wa, ua mahani iho la na manao e ae, koe wale no ke aloha. oia kai pii ino mai la a aleale iluna; a na ia mea i hoohanini iho i na waimaka, a pulama ia ae la me ka hainaka noho pakeke. "Heaha hoi kau mea e hoole mai ai ia'u, oiai iloko o ko kaua mau la he nui o ka noho pu ana, aole loa no hoi ai i hana ino au ia oe; ua malama, a hooko mau no hoi au i kau mea e makemake ai, a hiki wale i keia wa?" O keia ka pane a ua oiwi nei i kana aloha; aka, he oia mau no nae ke kulana uahoa o ua aloha nei ana, me ka loli ole ae. Ia wa, ike aku la keia i ke kaomi ana iho a ka lima akau o ka enemi ma ka aoao hema o ua aloha nei a ianei, pane hou aku la keia, "E hoi kaua, o oe hoi ko'u kuleana o ka noho ana mai i keia wahi; o ko kaua home, ua lawa kupono no i na mea e pono ai, a oi hemahema." I kela wa ua hawele paa loa ia iho la ka aoao hema o ka holoku o ua wahine nei, e kela lima akau lapuwale, me ka ike iho no aole nana ia loaa. no ka ae ole mai o ka wahine i ka ianei kono, huli ae la oia me ka naau i piha i ka luuluu, a hoi aku la me na ka-ina kapuai kaumaha i ka home. I ka hiki ana aku i ka hale, a wehe aku la i ke pani-puka o ka rumi nui, a pela i ko ka rumi moe; ia wa, puia loa mai la oia i ke aloha, a o na wahi o loko o ka hale a pau, me he mea la e lapu mai ana iaia ka hana a ke aloha; a uwe kuwo ae la oia me ka leo, me he mea la ua make maoli kekahi o kona ohana ponoi. E na wahine i malama maikai ia e na kane a oukou, a i hoolako ia hoi a lawa, me na mea e oluolu ai ka noho ana ma na home; mai hoohalike me kela wahine kumakaia, ka mea i ku ae, a haalele iho i ke kane i malama pono aku a hoolako no hoi iaia i na mea e pono ai ka noho ana. Aka, e hoolohe, a malama i na kane a oukou; no ka mea, oia ka maikai a me ka pono, aole o kela.

Na Komite La Kulaia.

O na Komite o ka la 28 o Novemaba 1891, e hoolaha ia nei ma ka nupepa KA LEO O KA LAHUI, ke poloai ia aku nei, e hoolauna mai me ka Puuku, a e kuka pu no na hana e pili ana i ka La Aloha Aina o ka Hawaii Ponoi. E loaa no makou ma kani pa'i o KA LEO i na la a pau, koe ka la Sabati. (Poaono).

NA HOOKUPU.

Ke 'Lii Sam Parker...$100.00

R. W. Wilikoki..." 50.00

W. H. Cummings..." 50.00

KA LEO O KA LAHUI..." 50.00

Wm. White..." 50.00

Geo. K. Kaia..." 10.00

R. K. Ii..." 10.000

Jas. Ii..." 10.00

Sam Leleo..." 10.00

J. E. Poepoe..." 10.00

Laurens Sheldon..." 10.00

George Kaneao..." 10.00

J. Kua..." 10.00

Wm. F. Bush..." 10.00

E. Kekoa..." 10.00

J. A. Kahoonei..." 10.00

Hana Leleo..." 5.00

J. Pipikane..." 50.00

D. M. Punini..." 10.00

Mr. Kamala..." 10.00

J. K. Kaunamano; 1 Puaa; 1 Bipi

J. Nahinu...2 puaa

Kaneao...2 pahu alani

Kaleoikaika...1 kakini moa

Hoaloha...1 bipi

Hoaloha...1 puaa

Ohana Keiki...1 puaa

Kimokeo...1 puaa

Napualii...2 eke uala.

Olelo Hoolaha.

Ua makaukau ka mea nona ka inoa malalo iho, e hana i na POHAKU PUNA ELELELE a me na pohaku e ae no na pu kupapau, a me na kahua kukulu kia-hoomanao. O ka poe makemake e waiho mai i ka lakou mau kauoha me Ioane Akina. J. BOWLER. Sept. 22, ʻ 90, d--1y*

Ka Buke Akeakamai.

A O

KE KI GULA.

NO KEKAHI MAU MEA HUNA POHIHIHI I HULIIA E KA NOEAU O KE KANAKA.

KAKAU mua ia e ka Mea Hanohano DAVID KALAUKAUA a me kekahi poe e ae he nui, a i Hoouluia, Hooponoponoia, a Hoomahuahua kou ia e Levi-i-Levi ole ia ke Akeakamai Hawaii o ke Keneturia 19.

Mahele o ka Buke.

MAHELE I.

ZODIALOGIA--Hoike Ouli ma na kaulana Mahina.

MAHELE II.

NAEVIALOGIA--Hoike Ouli no ka Ila o ke kanaka.

MAHELE III.

METRAGARATIMA--Ke hoike Ouli ma ka Hoonohonoho Huahelu ma ka Helu Kabala.

MAHELE IV.

ONEIROLOGI.

MAHELE V.

Ka Papa Konane Hoailona Pomaikai.

MAHELE VI.

Ka Arimatika Kamahao.

J. M. POEPOE.

Mar. 26, 1891. 1m-d.

HALE HANA WAI MOMONA WAI ANIANI. s

HARE MA NA ONA...HELU 81, ALANUI MOI.

Ka poe wale no nana e hana nei ka WAI HOOMAEMAE KOKO KAULANA, oia hoi ka Saseparela a me ka Wai-Hao. Na Wai Momona Awapuhi, Saseparela, Lemi, Waipipii, Soda maoli, Sida Kamepena, &c. Mutual 330--Telepona--Bele 298 E hooia ia ana ka maemae o na wai apau. E hooko ia no na kauoha a pau loa mai na Mokupuni mai a me ko ke kulanakauhale nei. Mar. 15, 1891. 148 d--tf.

KA HUI KAA ENTERPRISE.

Ua kukulu ae nei au i kekahi HUI KAA Eleu ma ka aoao iho o KALAUKAUA HALE ma Alanui Kalepa. Ma ka Huina Hoolulu Kaapio Helu 13. O na kauoha a pau e hoouna ia mai ma ke TELEPONA mai na makamaka mai ma na wahi a pau o ke kulanakauhale nei, e hooko koke ia no me ka piha eleu o ka uwila. E Hoao i pau Kuhihea. WALLACE JACKSON, Luna Nui. TELEPNA BELE HELU...113 MATALA...690.

Hoolaha Hookapu.

Ke hoike ia aku nei ka lohe i na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula, a me Puuoihala, no lakou na eka 202 e waiho ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA. Owau no me ka haahaa, MRS. C. I. HIRAM. Honolulu, Oahu, Oct. 8, 1890. 3me-d.

NO KA POE MAKAIKAI MA KA O@R. & L. Co. MA KA I 'A HAMAU LEO O EWA.

O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i ka hora 1:45 P. M. o na Poaono a pau. No ka auhau, aohe olelo ana, he hookahi wai o ka like, mai ka liko a ka laele. OIA HOI, HE--50 keneta, hiki i Manana a hoi hou mai--75 keneta, hiki i Honouliuli a hoi mai. O keia ka manawa pono e la'i ai ka holoholo hoohala manawa me ka hanu ana i na ea oluolu maikai, no elua wahi keneta wale no o ka mile. 1m--d Oct. 8, 1890.

Ka Hui Uwati Kaleponi.

Na uwati gula o waho, hoopiha ia me na mea hana o loko, o ka hana uwati kaulana WALTHAM, no $30 o ka uwati hookahi, ma ka uku palua dala o ka pule hookahi. E kipa ae io-- A. J. SCHREIBER--Agena Alanui Hotele, malalo iho o ka Hotele Alonetona.

KAUKA YONG KAM PUNG. HELU 53, ALANUI MAUNAKEA.

Ke Kauaka Loea o ka Aina Pua.

UA HIKI KE HOOLA IA KELA E ma keia ano ma'i, mai ko na kane wahine a me ko na keiki liilii. O na ma'i ha-no, ua hiki loa ia ke hoola ia me ka maalahi. A o na ma'i e pili ana i ka maka, pau pu ia i ke ola. Ke hoike ia aku nei, oia ke ola ianei me ka oluolu pu o ka auhau. E KIPA mai e ka poe i hooluuluu ia me na haawina pilihua i ka ma'u a na'u oukou e hoola aku. KAUKA YONG KAM PUNG. Augate 25, tf-d.