Ka Leo o ka Lahui, Volume II, Number 165, 6 April 1891 — Page 3
| This text was transcribed by: | Kainani Hartnett |
| This work is dedicated to: | Zoe Hartnett |
KA LEO O KA LAHUI.
"E Mau ke Ea o ka Aina i ka Pono."
No ka hau-oki o Kaleponi
-------
Mawaena o na ohua o ka Aukekulia o ka la apopo, o ke kamaeu kekahi o ka ua ki puupuu o Waimea, ka ui hoomahie o ka uka o Mana, Mrs Sam’l Parker, ka bo-ke pua o ke keena hookipa o ke aloha pumeha o ko kakou Kuhina Nui; e hele ana oia no ka hoolana ana i kona ola kino ma na aina e, a o ka makou hoi ia e kalokalo ae nei, e uhai ia kau huakai e na kipona o ka pomaikai palena ole, a hiki i kou huli hoi hou ana mai me ke ohohia no kou aina makuahine nei.
-------
Eia he Papapa’i Hou.
------
E like me ka makou i hoike e aku ai i olahonua, no ka papapa’i hou a hoea mai, ua pae maalahi mai nei oia; a mamuli o ka hui ana o ka mea kakau itamu o KA LEO me kekahi mau alii kiekie o ka lamaku hou o ke ola ou e Hawaii ponoi, ua hoike mai laua i keia makapeni, e hoike aku i ke kahua o ko lakou kalaiaina, a oia iho keia.
O ke kahua o keia lamaku hou o ke ola, oia ke kahua a KA LEO O KA LAHUI e ku nei, oia hoi, e kakoo ana ma ka aoao o ka Lahui ma na ano a pau, e paio ana hoi no ka poao ou e Hawaii ponoi.
Ua haawi makou i ko makou ma halo ana ina i’o o kona kahua ia, alaila, e lei auanei oia i ka lei o ka lanakila, a e pumehana auanei oia i ka puuwai o ke kanaka Hawaii oiaio.
Aka, mai poina i ke kahua oni paa, oia hoi: --“E aloha aku oe i kou Akua me kou naau a pau, me kou ikaika a pau a me kou uhane a pau.” Ua like no hoi ka lua me ia, e aloha aku oe i kou hoalauna e like me kou aloha ia oe iho.
Nolaila, maluna @ keia mau kauoha elua e hui pu ai kakou iloko o ka lokahi, a ina aole pela, alaila, e moku auanei ka piko e ka hoahanau.
O ka inoa o keia lamaku hou, aole makou i ike, aka, nana no e hoike mai nona iho; o kona kahua olohu, aia ma ke kahua mua iho nei o “Ko Hawaii Pae Aina,” ma ke kihi o alanui Nuuanu a me Moiwahine ma ke keena maluna.
O na hookele o keia lamaku hou, he mau opio Hawaii oiaio mailoko a waho a he mau loea no hoi ma ke Kanawai, oia o J.M. Poepoe Esq., a me J.K. Kaulia Esq.
O laua nei na hookele, na kilo, na kuhikuhi puuone na kakaolelo a pela aku; a e lawelawe pu ia ana no hoi ka oihana Kanawai ma ke kau wahi keena okoa o loko o keia keena nui.
Nolaila e na hoaloha, i hookahi puuwai, hookahi umauma a i hookahi pana ana a me ke kapili ana. Imua e Hawaii, mai nana i na kanikani-a-ula, na leo-leo-a, e haawi i ka olua makapeni me na olelo hoolana ia oe e Hawaii. Pomaikai ke kanaka ke hoino ia mai no ka pono, no ka mea, nona ke Aupuni o ka lani. Owau pu no me oukou a hiki i ka hopena. O ka pono ke hana ia a haule mai na lani. O ka leo o ka Lahui, o ka leo no ia o ke Akua.
KA LEO.
-------
E Kokua Aloha mai.
-------
Ke poloai aku nei makou i ka Lahui Hawaii ponoi, no lakou na puuwai hamama, a me na umauma i piha i ke aloha hoa kanaka, e haawi mai i na kokua aloha ana no ka hapai ana aku i kela hihia nui loa e waiho hoohemahema wale ia mai nei no e ka poe ia lakou ia hana, oia hoi kela kanaka o Kalaniwahine ka inoa, i pepehi maoli ia ai no ma Hamakua Hawaii, a makou i hoolaha aku ai. A i mea e hiki ai ke hoolimalima aku i ka loio nana e lawelawe ia hana ma ka aoao o ka lahui, oia ka makou e poloai aku nei ia oukou e pahola mai i na kokua ana e like me ka mea i pono i kela a me keia; a e lawe mai a hooili mai paha a loaa i ka Hon. J. E. Bush, ka puuku nana e malama a makaukau, o ka hapai koke aku no ia e hana i ua hana la. Ua loaa mai la i keia la 2 o Aperila, na W. H. Daniela mai o Wailuku, $5.00; na ka LEO, $5.00; Hon. J. Nawahi, $2.00, D. M. Punini Jr., $1.00.
Hookahi no manao nui iloko o keia hapai ana, o ke aloha i ke kanaka i pepehi maoli ia, a o ke aloha ka mea i oi ae mamua o na mea a pau.
LA LEO O KA LAHUI.
Aperila 2, ’91, Alanui Pa’i Palapala.
------
HOOLAHA I KA POE MAKEMAKE
I “KA LEO.”
-------
Ma keia hope aku ke hoolaha ia aku nei, e kii aku ka poe makemake i ka nupepa KA LEO i na Luna e lawe nei i ka nupepa, oia hoi o
J. Kahaleluhi J. Kaneaiakala
Geo. Kanikau Parao
T. Kapualei John Samoa
JNO. E. Bush
Luna Hooponopono
---------
Na Komite La Kulaia.
--------
O na Komite o ka la 28 o Novemaba 1891, e hoolaha ia nei ma ka nupepa KA LEO O KA LAHUI , ke poloai ia aku nei, e hoolauna mai me ka Puuku, a e kuka pu no na hana e pili ana i ka La Aloha Aina o ka Hawaii Ponoi. E loaa no makou ma kani pa’i o KA LEO i na la a pau, koe ka la Sabati. (Poaono).
--------
NA KOMITE LULU DALA LA
KUOKOA.
--------
Eia iho malalo nei ka inoa o na komite i wae ia e ka Papa Hooko o ka Hui Aloha Aina a makee Kuekoa Hawaii.
O keia mau inoa kai loaa i keia manawa, a e like me ka loaa ana o ka poe kupono, pela no e hoopiha ia ai ke komite i kela a me keia manawa. Mamua o ka hana ana aku a keia komite ke poloai ia aku nei lakou e akoakoa mai me ka Puuku a Kakauolelo o ka Hui.
Eia ka papa inoa o ke Komite:
Timoteo Kapualei, Moanalua; Petero Kaluna, Kalihi: W.H. Kamaki, Kalihi; Helalione Makalii, Kapalama; Itaia Kukaulalii, Kapuukolo; A. Palekaluhi, Waikahalulu; J. Kaheleluhe, Waikiki, Waialae.
Na komite waena no Honolulu:
W.H Cummings, R. W. Wilcox; J. Bipikane; Kamaile; Pua.
Ma ke Kauoha
Jno. E. Bush
Kekauolelo a me Puuku
--------
OLELO HOOLAHA.
Mai keia la a mau loa aku, aole loa au e hookaa i kekahi aie i hoopaa ia ma ko’u inoa, ke ole e loaa kekahi ae ana i kakau ia e a’u. MJAES H. KAPAHU.
Aleamai, Hilo, March 9, 1891. 43 w3ts.
--------
Olelo Hoolaha.
Ke hai ia aku nei ka lohe i na kanaka a pau, o ka poe e makemake ana i mau eke paakai maikai a me ona nanahu kie we maikai a makepono no hoi ke kumukuai, e loaa no au ma Haimoeipo, Hale Kaa o ka Moi, a i ole i ko’u home paha.
Mrs. C.I. HAIRAM.
Haimoeipo, Honolulu, Oct. 8, 1890.
3ns—d
H.P.K. Malulani.
HE LOIO a he hookapeke olelo ma ke Kanawai. E loaa no au mai ke kai hawanawana o Kawaihae, e hoene ana me ipo la, a Hamakua au i ka la’i o Kukaiau ma ke alo o na pali. E ohiia no hoi na aie me ke ku i ka eleu a me ka puahiohio.
Nov 8 ’90, d-ly.
--------
Olelo Hoolaha.
Ke kauoha ia aku nei na kanaka a pau i aie ia C. I. HIRAM i make, e hookaa koke mai i ko lakou aie ia MRS. C. I. HIRAM, a i ole ia, ia D. DAYTON. O na poe a pau e hookaa ole mai ana a hala na la he 30 mai keia la aku, e hoopii ia no lakou e like me ke kanawai.
MRS. C. I. HIRAM.
Haimoeipo, Honolulu, Oct. 8, 1890.
3ms—d.
--------
$5.00 MAKANA.
E loaa no ka Makana maluna ae i ka mea nana e hoihoi pololei mai i kuu Lio kane hulupala, lae kea, he keokeo kona mau kapuai a pau i hoailona ia make uha hope akau H. E loaa no au ma ke Alanui Liliha.
WM. KAAUWAI.
Honolulu , Mar. 26. 1891. 5ts.-d.
--------
OLELO HOOLAHA.
E ike auanei na mea a pau, owau o Mr. Wiwi, ka mea nana i ka ka upena a Mr. Kaulahea. Ua kali au iaia i na pule eha i hala aku, mai ka paa ana a hiki i keia la. Ke kauoha aku nei au e kii koke mai i keia upena, iloko o na la he 15 mai keia la aku. A ina e hala ka manawa i haiia maluna ae, alaila, e lilo loa ia’u keia waiwai ma ke ano he uku no ko’u hana ana. O na lilo hoolaha nupepa a pau, maluna no ia o ka mea nana ka upena, ke kii mai i ka la i ha’i ia ae la maluna. Me ka oiaio.
MR. WIWI.
Honolulu Iwilei 30, ’91. 160-d3t
--------
PAPA KUHIKUHI
.....o......
KA HUI ALAHAO A ME
AINA O OAHU.
-------
E HOOMAKA ANA MA KA LA
25 O OKATOBA, 1890.
--------
MANAWA HOLO:
A.M. A.M. P.M P.M.
Haalele ia Honolulu *6:15 8:45 1:45 4:30+
Hoea ma Honouliuli *7:15 9:49 2:49 5:28+
Haalele ia “ *7:45 10:51 3:51 5:50+
Hoea i Honolulu *8:40 11:55 4:55 6:45+
*Lapule wale no.
+Poaono wale no.
Oct. 21, 1890 tf-d.
--------
Keaka Hana Mana!
--------
Nui ka ike, Nui ka
Mana, Nui ka
Eleu.
-------
Ma keia ku ana mai nei o ka Mokuahi Auseteralia i hoea mai ai he---
Elua Pake
i na Hana Keaka Loea a Palamimo loa. O kekahi o laua he Keiki wale no o
13 makahiki a oia aku no ko laua oi. I keia po Poaono iho a me ka po
Poakahi ae laua e huai pau mai ai ma ka---
Hale Keaka Pake.
NA HANA MANA,
NA HANA PALAMIMO
NA HANA PALANEHE
NA HANA POOKELA
*E hele nui mai. He hapalua dala wale no ka uku komo, alaila, ike i ka Po Le’a o Halalii. Mai poina aia ma ka-----
Hale Keaka Pake
2ts-d. ALANUI MOI.
HALE HANA WAI MOMONA
WAI ANIANI.
-------
HARE MA NA ONA...........................HELU 81, ALANUI MOI.
-------
Ka poe wale no nana e hana nei ka WAI OOMAEMAE KOKO KAULANA, oia hoi ka
Saseparela
--a me ka---
Wai-Hao.
-------
Na Wai Momona Awapuhi, Saseparela, Lemi,
Wai-pipii, Soda maoli,
Sida Kamepena, &c.
--------
Mutual 330------Telepona--------Bele 298
*E hooia ana ka maemae o na wai a pau. E hooko ia no na kauoha a pau loa mai na Mokupuni mai a me ko ke kulanakauhale nei.
Mar. 15, 1891. 148 d—tf.
------
KA HUI KAA ENTERPRISE.
-------
Ua kukulu ae nei au i kekahi HUI KAA
Eleu ma ka aoao iho o KALAKAUA HALE
ma Alanui Kalepa.
Ma ka Huina Hoolulu
Kaapio Helu 13.
O na kauoha a pau e hoouna ia mai ana ma ke TELEPONA mai na makamaka mai ma na wahi a pau o ke kulanakauhale nei, e hooko koke ia no me ka piha eleu o ka uwila.
E Hoao i pau Kuhihewa.
WALLACE JACKSON,
Luna Nui.
*TELEPONA BELE HELU...............113
-- MATALA --...............690.
---------
Hoolaha Hookapu.
Ke hoike ia aku nei ka lohe i na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C.I. HIRAM, a i ole ia, me DAVID DAYTON, a i ole ia KUKA.
Owau no me ka haahaa.
MRS. C.I. HIRAM.
Honolulu , Oahu. Oct 8, 1890. 3ms-d.
--------
NO KA POE MAKAIKAI
MA KA
O.R. & L. Co.
MA KA I’A HAMAU-
LEO O EWA.
O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i ka hora 1:45P.M. o na Poaono a pau.
No ka auhau, aohe olelo ana, he hookahi wai o ka like mai ka liko a ka laele.
*OIA HOI, HE—50 keneta, hiki i Manana a hoi hou mai—75 keneta, hiki i Honouliuli a hoi mai.
O keia ka manawa pono e la’i ai ka holoholo hoohala manawa me ka hanu ana i na ea oluolu maikai, no elua wahi keneta wale no o ka mile.
1m-d Oct. 8, 1890.
-------
Ka Hui Uwati
Kaleponi.
Na uwati gula o waho, hoopiha ia, me na mea hana o loko, o ka hana uwati kaulana WALTHAM, no $30 o ka uwati hookahi, ma ka uku palua dala o ka pule hookahi. E kipa ae io—
A.J. SCHREIBER—Agena Alanui Hotele, malalo iho o ka Hotele Alonetona.
--------
Waiwai Haule.
Ma ka la 23 o keia malama, ua haule ia kuu EKE ILI paalima, mawaena o ke Alanui Likelike a me Waikiki, he eke eleele.
Aia iloko o keia eke, he wahi eke nuku kekahi, me na waiwai makamae, a pela pu me ke eke Ili nui, aia iloko o ua eke ia he mau holoku kekahi.
O ka mea e loaa ai a hoihoi mai ia’u e loaa no ka uku makana kupono mai a’u aku. E loaa no au ma Haimoeipo.
MRS. ALOALOUA
Mar. 27, 1891. 1w-d.
--------
Olelo Hoolaha
Ua makaukau ka mea nona ka inoa malalo iho e hana i na POHAKU PUNA ELEELE a me na pohaku e ae no na pa kupapau, a me na kahua kukulu kia hoomanao. O ka poe makemake e waiho mai i ka lakou mau kauoha me Ioane Akina.
J. BOWLER.
Sept 22, ’90 d-1y