Ka Leo o ka Lahui, Volume II, Number 173, 16 April 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

HE MOOLELO HAWAII NO KUALUNUIAOLA.

KE KEIKIKOA O KA MOKUPUNI O MANOKALANIPO, -KA HI’APAIOLE O KE KOA I NA LA O KA NOHOALII ANA O OLA, KE ALII O WAIMEA, KAUAI.

            No keia mau olelo a ua opio nei, mako loa iho la kona makuakane i ka uwe me ke ka’ua pu ana i ke keiki, aole e hele, e noho no, aka nae, ua pane mai la ke keiki me keia mau huaolelo:

            E hookuu mai oe ia’u e hele e inu i ke kai, o waia auanei ko kaua inoa, oiai, ua a’o iho nei kaua ia’u i ke koa, nolaila, e hele au e hoao i ka’u mea o ke ao ia ana.

            Me keia mau huaolelo, puka aku la ua opio nei iho no Kekaha, a oi ai oia e iho ana, halawai mai la me ia ma kona ala kekahi poe e pau aku ana i ke auhee mai Kekaha mai.

            Ninau hoomaoe aku la oia i kekahi poe, e holo ana oukou ihea e unu pu nei me na wahi opeope?

            E holo aku ana i kahi o ke ola, wahi a ka pane a e iho ana hoi oe ihea e ke kanaka ui?

            E iho aku ana au no kai o Kekaha oiai, ua lohe mai nei au he kaue kolaila iloko o keia mau la iho nei.

            Ae, he kau ko makou maka’u aku nei ia oe, e kuhi ana makou he koa oe no kela aoao, pili wale iho nei no makou maanei e hoka ai me ke kakali ana o kou hopu mai ia makou.

            He kea au no ka aoao o Kekaha, a e iho aku ana au no ka hakaka ana ma ia aoao, ina e pono ana.

            Auhea oe e ke kanaka ui, o kahi no keia hoi hou ihope, aka, hoomau aku oe imua, aohe he pilo kanaka a ka make e noke mai la ia Kekaha, o ke ahulau no ia mai ka elemakule a ka poe ui, oia ko makou mea i pau nui mai nei i ka naholo.

            Ke ike ala no oukou i ke ala o ka pono hoomau ia aku, aka, no’u iho, ua paa ko’u manao e iho e kokua i ka poe o Kakaha ma ka inoa o Ola ke alii.

            Aohe he hewa o ko makou mina mina aku i kou kanaka ui, no ka mea, he mau kauna helu wale no koe o na keiki o Kekaha e paio ala me ka hoopaakiki, o na konohiki ai aina iho hoi keia o makou a me kekahi mau alii maka’u wale, ua pau nui i ka haawi pio pau lakou pau pu me ko lakou mau mano kanaka i ka haawi pio.

            I ko Kualunuiaola lohe ana i keia mau mea mai ka waha mai o keia poe, aole no ia i lilo i mea nona e kuemi hope ai, aka, hookuu loa aku la no oia ia lakou e auhee, a oia hoi, huli ae la oia a hoomau loa aku la no i kana nuakai hele no kai o Kekaha.

            Hele aku la oia a hiki i Kekaha, ike aku la oia he nui a ka launa ole na kanaka e hakaka mai ana ma ka aoao o na enemi, a ma ka aoao o ka poe o Kekaha, he nui no, aole nae he nui loa, no Waimea a me Wahiawa mai kekahi poe i komo pu iloko o keia kaua ana.

            Iloko o keia manawa a Kualunuiaola i hiki aku ai e hoomau ana no ke kaua ana, eia nae nana aku la oia i na aoao a elua, e emi mau ana ka poe o Kekaha ihope, a e kaa mau ana ka lanakila ma ka aoao o na enemi.

            I ke Kualunuiaola ike ana i keia emi mau o ka poe o na moku hui o Kauai, komo pu aku la oia e kokua ia lakou ma ka hakaka ana i ka nui alu a na enemi, aka, nae, ua mau no ka emi mau ana i na manawa a pau.

                                    He Moolelo NO De Atanani.

Ke Koa o ka Lio Olohe, A I OLE NAKIAIEKOLU O FARANI.

            Alaila, me ka leo okalakala, pane aku la oia i ke kanaka malihini:

            Sa!  ua makemake au e hahai mai oe, heaha la ka oukou e akaaka nei, owau kekahi e makemake nei e akaaka pu aku no hoi me oukou.

            O kia ninau oolea a ke koa opio, ua hamare aku ia i na pahu lohe o ke kanaka malihini, a oia ka ua ka naka la i huli mai ai maluna o ke koa opio o ka lio olohe me @na maka pupuku o ka huhu, a pane mai la i keia mau huaolelo:

            Aole au e kamailio ana nou?

            Aka, owau hoi paha kai kamailio aku nei ia oe! i pane koke aku ai ke koa Atanani, me ka hoopii pu ana ae i ka lala o kona papale kapu iluna.

            Ua haawi mai ka malihini i na nana pono ana maluna o ke koa opio, me na minoaka e uhola ana maluna o kona mau helehelena, a liuliu, lele anai la oia imua o ke koa opio me na kaina wawae malie, a ma kahi he mau kapuai ke kaawale, ku iho la oia me kona haaheo nui.

            I ka wa a ua kanaka malihini la i hele mai ai imua o Atanani, ua unuhi koke ae la ua opio nei o ka lio olohe i kana pahikaua iwaho he hookahi kapuai mailoko ae o ka wa-hi.

            Alaila, e like me ka mama o ka liona, lele aku la oia imua mawaena o ke kanaka malihini  a me kona mau hoaloha elua, a me ka leo oolea o ke koa, hoopuka ae la ia i keia mau huaolelo:

            Ua aa na kanaka o keia wahi e aka hoohenehene i kela lio, aka, no kona haku nae aole ka lakou e aka henehene mai.

            Aole au i akaaka iho nei, wahi a ke kanaka malihini i pane @koke mai ai, aka, ua hiki no ia’u ke akaaka ina au e makemake ana.

            Alaila, owau! wahi a De Atanani me ka hulili o na maka, aole loa au e ae aha i kekahi kanaka e akaaka henehene mai ia’u, ina ua ku ole i ke ano kupono a me ka maikai ia mau aka ana.

            Pela io no, i kamailio hou mai ai ke kanaka malihini me ka huli pu ana ae maluna o kona mau kapuai, a puka loa aku la iwaho o ke keena me ka pane hope ana iho i keia mau huaolelo, ua poloei no oe! a hala aku la.

            No Atanani hoi, ke koa o ka kio olohe, ua huli koke’ae la ia maluna o ka hila o kona mau kamaa buki me ka huki loa ana ae i kana pahikaua mailoko ae o ka wa-hi, a no ka sekona hookahi, hulali ae la ka makakila a ua opio nei o na maka o na hoaloha elua o ke kanaka ma lihini.

            Alaila, me ka leo wiwo ole o ke koa, kahea aku la ua kanaka opio nei mahope o ke kanaka malihi me keia mau olelo:

            E huli mai! e huli mai e Mr. Akaka Henehene, a i ole, e uhau aku no au mahope o kou kua!

            H ahau ia’u?  i hooho ae ai ua ka naka malihini la me ka huli hou ana mai ihope me ka hikiwawe, a haawi mai la i na nana pono ana maluna o ke koa opio o ka lio olohe, a pane hou mai la oia:

            Ua pupule ia paha oe e kuu hoa’loha opio?  Ha!  ha!  ha! pehea ia ke Akua i hoouna mai ai i na kanaka opio o keia ano ianei?

            Aole i holopono loa mai na huaolelo a ua kanaka malihini nei, aia hoi, ua huila koke aku la ka phikaua a ke koa Atanani me kekahi o kana mau liina pahi hou pololei, a na ia kiina pahi hou pololei a ua koa opio la i kiola hope aku i ke kanaka malihini ke mau kapuai ke kaawale mai kona kulana mua aku, a pakele iho la ia mai lilo he kino make na ka pahikaua a Atanani.

            A na ua kiina pahi la no hoi a ua koa opio nei o ka lio olohe, i hoike aku i ke kanaka malihini, ao le keia mau hana he mea hoopaani wale no, a ke ole oia e haawi i na makaala ana nona iho, alaila; he mea maopopo, e lilo ana oia i moepuu no ka inaina e noho alii ana iluna o ka opio.

            Nolaila, me ka eleu nui huki ae la ia i kana pahikaua, a haawi mai la i na kunou aloha ana i ke koa opio o ka lio olohe me ka lawe puana ae i kona kulana o ke kiai makaala iaia iho.

            Aka, ia sekona hookahi no, ua la we like ae la na hoaloha o ke kanaka malihini i ko laua kulana me ke kokua pu ana mai a ka ona o ka hotele.

 

                        HALE HANA WAI MOMONA WAI ANIANI.

HARE MA NA ONA.........................................HELU 81, ALANUI MOI.

            Ka poe wale no nana e hana nei ka WAI OOMAEMAE KOKO KAULANA, oia hoi ka Saseparela a me ka Wai-Hao.

Na Wai Momona Awapuhi, Saseparela, Lemi, Wai-pipii, Soda maoli, Sida Kamepena, &c.

Mutual 330----------Telepona------------------Bele 298

            E hooia ia ana ka maemae o na wai a pau.  E hooko ia no na kauoha a pau loa mai na Mokupuni mai a me ko ke kulanakauhale nei.  Marl. 15, 1891.      148  d---tf.

            KUAI HOOPAU NUI.  Mai keia manawa aku a hiki i ko Makou hoonee ana aku iloko o ko makou HALEKUAI HOU Ma-ke Alanui Papu, - (NA HALE BURUA.

E hoolilo aku ana Makou i ko Makou waiwai a pau o na ano Lole:

            NA LOLE NANI,

                        NA LOLE I HUMUIA,

                                    KAPU A ME PAPALE

                                                PAHU LOLE, a pela aku

No na Uku Hooemi Loa Nae.             Egan & Gunn. ALANUI MOI kokoke i ke ALANUI PAPU.     tf-d.

                                    Hoolaha Hou!  B. F. EHLERS & CO., ---Painapa.

 Ua loaa mai nei ia maken@he mau waiwai hou loa, oia hoi

KAKIMIA,  KINAMU,   KEOKEO HALU’A  CHALLI,  VIKOLIA KEOKEO

A ME KA Mikilima o na ano a pau, a me na paku puka aniani a hela a me keia ano, no na kumukuai haahaa loa.

B. F. EHLERS & CO.                        Alanui Papu, Hono-ulu. – 25 – d3m.