Ka Leo o ka Lahui, Volume II, Number 179, 24 April 1891 — Page 3
| This text was transcribed by: | Naomi Ajello |
| This work is dedicated to: | to my Hawaii Hamachi Ohana |
KA LEO O KA LAHUI.
"E Mau ke Ea o ka Aina i ka Pono."
---------------------------------------------------------------------------------------------------------------------
HE NANEA PAHAOHAO
--:no:--
TAUSANI
--A ME—
Saribano.
-----
Ka wiwo ole hoi o na wiwoole—Ka Poai honua kunukunu ole—Ka mea hoi naona na lima i aie ai ka ao holookoa.
______
I kona hoea ana ami, ua wehe ia ae lo oia a ku ana kaia imua o ua poe wahine ala, a aloha aku la keia ia lakou me kea no hilahila, a me kona pane ana aku i keia mau huaolelo hoomakeaka penei:
I lawe ia mai nei ka wau i mea na oukou e hoakaaka ai, no ko’u paa ana paha iloko o ka hale umii iole.
Ia wa, ua akaaka ae la na mea a pau, a pane aku la lakou, aole makou i manao e hana aku ana mkou imea nou e pomaikai ai.
Auhea la kuu hoa hakaka? wahi a Saribano i ninau aku ai i ua poe kamaiiiwahine ala a ka ehakoni.
Ua paa oia iloko o ka umii ana a ka mea i ike ole ia, a ua lanakila maluna ona, a ua pakele oe mamuli o ko makou aloha hou, a oia ka’u e noi aku nei ia oe, e koho mai oe i kau mea o makou i makemake nui ai.
Noonoo iho la ua wahi Saribano ala a no ka loaa ole iaia o kahi manao kupono, nolaila, ua pane aku la oia:
Aia o ka mea nana i hoopio i kuu hoa paio, oia ka h oi ka’u wahine e mare aku ai.
@a wa i ike iho ai o Rubinia i ke akamai o ua wahi kolohe ala, a oia ka na kaikamahine i puana like ae ai penei:
He oiaio, ua hoao ko makou haku e hoopakele mai ia oe main a lima aloha ole mai o ko makou makuahine, a he oiaio no hoi ua pakele oe.
A ua hooholo iho makou a pau o ka makou hana kupono wale no o ke makou holilo aku i kekahi o makou i wahine nau ke makemake hoi oe.
He nui kela, a auhea oukou e na kaikamahine maka palupalu o keia aina pohihihi nui wale a’u e ike nei.
Ua aie nui au ia oukou a me ka oukou mau kokua ahonui ana ia’u, a heaha ana la auanei ka’u mea e uku aku ai ia oukou.
Oiai, ua nui ke gula a me ke dala ma ko oukou aupuni, a oia mau wahi waiwai ma ko’u aupuni, he mea kiloi wale ia no ia ma ko oukou aupuni nei.
A oia no hoi ka hana hui a kuu wahi puuwai uuku e kuko nei, heaha la ka’u makana nui e uku aku ai ia oukou.
Aohe no a’u waiwai
E uku aku ai ia oe
Hookahi no a’u waiwai
O’u lima e waiho ae nei
Nele ae au i ka lima ole
Hoi ka pono ia kaina pokii.
Ia wa i pane mai ai ua kaikamahine Rubinia ala imua o ka kaua wahi Saribano penei:
Mai manao oe no ia mea, aole au i hana a i hoopakele ia oe no ka uku ia mai, i hana au i keia mea, i mea na keia kino e walea ai.
He kino leo ole keia, ua hoomalu au a malu, a na ka mea wale no a’u i aloha ai e kikaha ia aekai, a o oe no hoi ia.
Ua pau ae la keia, he nani no hoi ia ua ae oluolu mai la no hoi oukou i ko oukou mau kino no’u a oia ka’u e pane ae ai. Ua olu au he wai ho lalo.
Mahope iho ko lakou mau kukai- olelo ana, ua hoi aku la kela a me keia no ko lakou mau rumi moe, a i keia po auanei kaua e ike powehiwehi aku ai ia Saribano.
Oiai laua ma ko laua wahi moe, ua puana malie ae la ua wahi Saribano alai keia mau huaolelo imua o ua kaikamahine ala penai:
Akahi ka lia o ka ili
I ka ua puhenehene
Nani wale au e ike nei
I ke kiowai kapu a Ha’o.
A he, wahi a ua kaikamahine ala i pane ae ai, a e hoomanao iho oe.
O ka iki kiowai iho ia
E li haukeke ai ko lehelehe.
Haule aku la ua mau nohea nei maluna o ka pela nolu o Huleilua he helu hoku ka hana i ka lewa nuu o ke aupuni paha’oha’o.
Hanu ino na manu o Kuhaimona,
Ke hue’la i ke kualono
Aohe i ana iho ka puu moni ai
Ke poalo lua alai Kauahiomanu.
Ae, nanea aku la ua mau nohea ala a kaua, aka, hookuu ia aku laua e hialaai ana i ka hana a ke kino, ua kuu ka luhi, a aia hoi ke “hu al aka puaa e.”
Aole i pau.
-----------------
Na Hui Kinipopo.
-------
O keia papa hoonohonoho malalo iho o na Hui Kinipopo, a makou a hoolaha au nei, oia no na manawa paani e hoomaka ana mai keia Poaono aku, Aperila 25; a he mea pono hoi i na makamaka puni lealea, e maopopo e ia lakou na hui e paani ana i kela a me keia Poaono o keia Kau Kinipopo, mamua o ka manau hele ana i kela a me keia.
Apr 25 Kamehameha vs Hawaii
Mei 2 Kamehameha vs Honolulu
“ 9 Hawaii vs Honolulu
“ 16 Kamehameha vs Hawaii
“ 23 Kamehameha vs Honolulu
“ 30 Honolulu vs Hawaii
Iune 6 Kamehameha vs Hawaii
“ 13 Kamehameha vs Honolulu
“ 20 Hawaii vs Honolulu
27 Kamehameha vs Hawaii
Iulai 4 Kamehameha vs Honolulu
“ 11 Honolulu vs Hawaii
“ 18 Kamehameha vs Hawaii
“ 25 Kamehameha vs Honolulu
Aug 1 Hawaii vs Honolulu
“ 8 Kamehameha vs Hawaii
“ 15 Kamehameha vs Honolulu
“ 22 Honolulu vs Hawaii
“ 29 Kamehameha vs Hawaii
HOOLAHA I KA POE MAKEMAKE I “KA LEO.”
--------
Me keia hope aku ke hoolaha ia aku nei, e kii aku ka poe makemake i ka nupepa Ka Leo i na Luna e lawe nei i ka nupepa, oia hoi o
J. Kahaleluhi J. Kanewaiakala
John Samoa Parao
T. Kapualei
JNO. E. BUSH
Luna Hooponopono
---------------
Na Komite La Kulaia.
-------
O na Komite o ka la 28 o Novemaba 1891m e hoolaha ia nei ma ka nupepa Ka Leo o ka Lahui, ke poloai ia aku nei, e hoolauna mai me ka Puuku, a e kuka pu no na hana e pili ana i ka La Aloha Aina o ka Hawaii Ponoi. E loaa no makou ma kahi pa’ui o Ka Leo in a la a pau, koe ka la Sabati. (Poaono).
------------
E Kokua Aloha mai.
--------
Ke poloai aku nei makou i ka Lahui Hawaii ponoi, no lakou na puuwai hamama, a me na umauma i piha i ke aloha hoa kanaka, e haawi ma ii na kokua aloha ana no ka hapai ana aku i kela hihia nui loa e waiho hoohemahema wale ia mai nei no e ka poe ia lakou ia hana, oia hoi kela kanaka o Kalaniwahine ka inoa, i pephi maoli ia ai no ma Hamakua Hawaii, a makou i hoolaha aku ai. A i mea e hiki ai ke hoolimalima aku i ka loio nana e lawelawe ia hana ma ka aoao o ka lahui, ia hana ma ka aoao o ka lahui, oia ka k=makou e poloai aku nei ia oukou e pahola mai i na kokua ana e like me ka mea i pono i kela a me keial a e lawe mai a hooili mai paha a loaa i ka Hon. K. E. Bush, ka puuku nana e malama a makaukau, o ka hapai koke aku no ia e hana i ua hana la. Ua loaa mai la i keia la 2 o Aperila, na W. H. Daniela mai o Wailuku, $5.00; na ka Leo, $5.00; Hon. J. Nawahi, $2.00, D. M. Punini Jr., $1.00.
Hookahi no manao nui Iloko o keia hapai ana, o ke aloha i ke kanaka i pepehi ,aoli ia, a o ke aloha ka mea i oi ae mamua o na mea a pau.
KA LEO O KA LAHUI.
Aperila 2, ’91, Alanui Pa’i Palapala.
----------------------------------------------------
B. F. Ehless & Co.
---:PAINAPA:---
99 Fort Street.
--------
Is oukou e na makamaka a me na hoa loha, oiai hoi, ua makaukau makou i ke kuai ana aku ia oukou in a lako lole wahine o na ano a pau, oia hoi—
Na Silika hou
Na Sateen hou
Na Mikilima hou
Na Lihilihi hou
Na Lihilihii keokeo hou
Na Lihilihi aku lole hou
Na ano Mamalu hou loa
Na Paku PUkaahiani
Na lole hou o na wahine
Na lole o na keiki liilii
Na lole o kela a me keia ano
E loaa no ia oukou no na kumukuai haahaa loa.
Ko”u Oiaio,
B. F. Ehless & Co.
--------
PAPALE! PAPALE!!
Papale!!!
E loaa no maanei na PAPALE ma!-
Kai o na ano a pau
Na Papale i Hoonaniia a Hoonani ola ia.
I loaa ole ka lua ma keia Paeaina, a no na la hoomanao Kulaia, e loaa no ia oe ma @a kumukuai haahaa.
Ina oukouo e kuai in a PAPALE ma ko makou halekuai nei, alaila e loaa no ia o eke kaulike.
----------------------------------------------------------------------
HALE HANA WAI MOMONA WAI ANIANI.
-------------
HARE MA NA ONA…………HELU 81, ALANUI MOI.
-----------
Ka poe wale no nana e hana nei ka WAI HOOMAEMAE KOOKO KAULANA, oia hoi ka
Saseparela
---a me ka ---
Wai-Hao.
--------
Na Wai MOmona Awapuhi, Saseparela, Le mi, Wai-pipii, Soda maoli, Sida Kamepena, &c.
-------------
Mutual 330----Telepona -----Bele 298
E hooia ia an aka maemae o na wai a pau. E hooko ia no na kauoha a pau loa main a Mokupuni mai a me ko ke kulanakauhale nei.
Mar. 15, 1891. 148 d—tf.
-------------------------------------------------------------
KUAI HOOPAU NUI.
--------
Mai keia manawa aki a hiki i ko Makou hoonee ana aku iloko o ko makou
HALEKUAI HOU
Ma ke Alanui Papu, - (Na hale burua.
E hoolilo aku ana Makou i ko Makou waiwai a pau o na ano Lole:
NA LOLE NANI,
NA LOLE I HUMUIA,
KAPU A ME PAPALE
PAHU LOLE, a pela aku
No na Iku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d.
----------------------------
Hoolaha Hou!
-------
B. F. EHLERS & CO., ---Painapa.
------------
Ua loaa mai nei ia makou he mau waiwai houloa, oia hoi
KAKIMIA,
KINAMU,
KEOKEO HALU’A
CHALLI,
VIKOLIA KEOKEO
---A ME NA---
Mikilima o na ano a pau, a me na paku aniani @ kela a me keia ano, no na kunukuai haahaa loa.
B. F. EHLERS & CO.
Alanui Pappu, Honolulu. -25-d3m.